રાજસ્થાનમાં કરણપુર બેઠકની પેટા-ચૂંટણીમાં ભાજપની હાર, કોંગ્રેસના રૂપિન્દરસિંહ જીત્યા

• કોંગ્રેસના ઉમેદવાર રૂપિન્દરસિંહે ભાજપના સુરેન્દ્રપાલસિંહ ટીટીને મોટા અંતરથી હરાવ્યા

રાજસ્થાન, 8 જાન્યુઆરી : રાજસ્થાન વિધાનસભા ચૂંટણીના પરિણામો ગયા વર્ષે 3 ડિસેમ્બરે જાહેર થયા હતા. ભારતીય જનતા પાર્ટીએ રાજ્યમાં સંપૂર્ણ બહુમતી મેળવીને કોંગ્રેસ પાસેથી સત્તા છીનવી લીધી હતી. ચૂંટણીમાં ભાજપને 115 અને કોંગ્રેસને 69 બેઠકો મળી હતી. જો કે, કરણપુર ગંગાનગર સીટ પર કોંગ્રેસના ઉમેદવાર અને તત્કાલિન ધારાસભ્ય ગુરમીતસિંહ કુન્નરના મૃત્યુને કારણે ચૂંટણી મોકૂફ રાખવામાં આવી હતી. આ બેઠક પર 5 જાન્યુઆરીએ મતદાન થયું હતું, જેના પરિણામો આજે જાહેર કરવામાં આવ્યા છે. આ બેઠક પર કોંગ્રેસના ઉમેદવાર રૂપિન્દરસિંહે જીત મેળવી છે. તેમણે ભાજપના ઉમેદવાર અને મંત્રી સુરેન્દ્રપાલ સિંહ ટીટીને મોટા અંતરથી હરાવ્યા છે.

#WATCH | On Congress winning Karanpur Assembly constituency in Rajasthan, former CM and senior party leader Ashok Gehlot says, “…This election has given several messages…The arrogance of BJP and the manner in which they have abandoned morality…it is like a slap by the… pic.twitter.com/airwcnEwBP

— ANI (@ANI) January 8, 2024

સુરેન્દ્રપાલસિંહ ટીટી બન્યા હતા મંત્રી

કરણપુર સીટ પર ચૂંટણી પહેલા જ ભારતીય જનતા પાર્ટીએ 30 ડિસેમ્બરે તેના ઉમેદવાર સુરેન્દ્રપાલસિંહ ટીટીને મંત્રી પરિષદમાં રાજ્ય મંત્રી (સ્વતંત્ર હવાલો) તરીકે સામેલ કર્યા હતા. પાર્ટીના આ પગલાની ખૂબ ચર્ચા થઈ રહી હતી. તે જ સમયે, કોંગ્રેસે સહાનુભૂતિ ટિકિટ તરીકે સ્વર્ગસ્થ ધારાસભ્ય ગુરમીતસિંહ કુન્નરના પુત્ર રૂપિન્દરસિંહને મેદાનમાં ઉતાર્યા હતા.

એક સીટ પર જીતને પગલે અશોક ગેહલોતે કર્યું ટ્વીટ

રાજસ્થાનના પૂર્વ મુખ્યમંત્રી અશોક ગેહલોતે કોંગ્રેસના ઉમેદવારની જીત પર ટ્વીટ કર્યું છે. તેમણે લખ્યું – છે કે, “શ્રીકરણપુરમાં કોંગ્રેસના ઉમેદવાર રૂપિન્દરસિંહ કુન્નરને તેમની જીત માટે હાર્દિક અભિનંદન અને શુભેચ્છાઓ. આ જીત સ્વર્ગસ્થ ગુરમીતસિંહ કુન્નરના જનસેવા કાર્યને સમર્પિત છે. શ્રીકરણપુરની જનતાએ ભારતીય જનતા પાર્ટીના ગૌરવને હરાવી દીધું છે. ઉમેદવારને મંત્રી તરીકે નિયુક્ત કરીને આચારસંહિતા અને નૈતિકતાનો ભંગ કરનાર ભાજપને જનતાએ પાઠ ભણાવ્યો છે.” ગેહલોતે વધુમાં કહ્યું કે, “જનતા સમજી ગઈ છે કે સરકાર બન્યા પછી પણ અમારી તાકાત ઓછી નથી થઈ, આનો ફાયદો અમને લોકસભાની ચૂંટણીમાં મળશે. તેઓએ રાજસ્થાનમાં સરકાર બનાવી પરંતુ તેઓ (ભાજપ)ને કેબિનેટ વિસ્તરણમાં વિલંબ થયો, શું આ સરકાર ચલાવવાની રીત છે? તેઓ પહેલાથી જ જનતા પર ખરાબ અસર કરી ચૂક્યા છે, તેથી અમને તેનો ફાયદો થશે.”

આ પણ જુઓ :જેલમાં બંધ ચૈતર વસાવાને મળ્યા બાદ કેજરીવાલે કહ્યું, જામીન માટે સુપ્રીમ સુધી લડીશું