ધોનીએ ટીમ ઈન્ડિયાને જીત બાદ આપી સરપ્રાઈઝ

ઈંગ્લેન્ડ સામે ટી-20 મેચની સિરિઝની બીજી મેચ જીતીને ઈન્ડિયા આ સિરિઝ પોતાના નામે કરી લીધી છે. જેમાં ટીમ ઈન્ડિયાનું શાનદાર પરફોમન્સ જોવા મળ્યું છે. આ દરમિયાન સોશિયલ મીડિયા પર સૌથી વધુ ચર્ચા એક ફોટોની થઈ છે.

આ મેચ અને સિરિઝ જીત્યા બાદ ટીમ ઈન્ડિયાને ડ્રેસિંગ રુમમાં એક સરપ્રાઈઝ મળ્યુ હતું.અહીંયા ટીમ ઈ્ન્ડિયાના પૂર્વ કેપ્ટન મહેન્દ્રસિંહ ધોની અચાનક જ ખેલાડીઓને મળવા માટે આવી પહોંચ્યો હતો. જેની સાથે ટીમ ઈન્ડિયાના ખેલાડીઓ વધુ ઉત્સાહમાં જોવા મળ્યા હતા.

ભારતના ક્રિકેટ બોર્ડે ધોની અને ખેલાડીઓ વચ્ચેની મુલાકાતની તસવીરો શેર કરી છે. જેમાં ધોની ખેલાડીઓને ટિપ્સ આપતો નજરે પડે છે અને યુવા ખેલાડીઓ ધોનીની વાત ધ્યાનથી સાંભળી રહ્યા હોવાનુ દેખાય છે.

આ ઉપરાંત વિકેટ કિપર બેટ્સમેન રિષભ પંતે પણ પોતાની ધોની સાથેની તસવીર શેર કરી છે.

ધોની હાલમાં ઈંગ્લેન્ડના જ પ્રવાસે છે. 7 જુલાઈએ ધોનીએ પોતાનો બર્થ ડે સેલબ્રિટે કર્યો હતો. એ પછી ધોની વિમ્બલડન મેચ જોતો પણ નજરે પડ્યો હતો.