આર્થિક સંકટનો સામનો કરી રહેલા શ્રીલંકામાં સ્થિતિ વધુ ખરાબ થઈ રહી છે. પ્રદર્શનકારીઓએ રાષ્ટ્રપતિ ભવન પર કબજો જમાવી લીધો છે. વડાપ્રધાનના આવાસને પણ આગ ચાંપવામાં આવી છે. વિરોધીઓ દ્વારા રાષ્ટ્રપતિ ગોટાબાયા રાજપક્ષેના ઘરેથી કરોડો રૂપિયાની રોકડ મળી હોવાનો દાવો કરવામાં આવ્યો છે. સોશિયલ મીડિયા પર કેટલાક વીડિયો સામે આવ્યા છે, જેમાં લોકો નોટો ગણતા જોઈ શકાય છે.
Protesters who seized the residence of the head of Sri Lanka found a huge amount of money there.
Millions of rupees were in President Gotabaya Rajapaksa's closet, local media reported. Eyewitnesses published a video online, in which they allegedly counted 17.8 million. pic.twitter.com/fwxCZiM8FJ
— Jim yakus (@SJIMYAKUS) July 10, 2022
રકમ રાષ્ટ્રપતિ ગોટાબાયા રાજપક્ષેના ઘરેથી મળી આવી
રાષ્ટ્રપતિ ભવનમાં મોટી સંખ્યામાં વિરોધીઓ ઘૂસ્યા હોવાના વીડિયો સોશિયલ મીડિયા પર વાયરલ થયા છે. આવા જ એક વીડિયોમાં કેટલાક વિરોધીઓ નોટો ગણતા જોવા મળી રહ્યા છે. એવું કહેવામાં આવી રહ્યું છે કે વિરોધીઓને આ રકમ રાષ્ટ્રપતિ ગોટાબાયા રાજપક્ષેના ઘરેથી મળી હતી. શ્રીલંકાના અખબાર ‘ડેઇલી મિરર’ અનુસાર રાષ્ટ્રપતિ ભવનમાંથી રિકવર કરાયેલી રકમ સુરક્ષા એકમોને સોંપી દેવામાં આવી છે. તપાસ અધિકારીઓએ કહ્યું છે કે તથ્યો તપાસ્યા પછી જ સાચી સ્થિતિ કહી શકશે.
Sri Lanka protesters are seen swimming in the president’s pool after thousands stormed the presidential palace Saturday demanding his resignation as the country faces a severe economic crisis. pic.twitter.com/NsTnATol4x
— CBS News (@CBSNews) July 9, 2022
હજારો પ્રદર્શનકારીઓ જમાવ્યો અડ્ડો
તમને જણાવી દઈએ કે બેરિકેડ તોડીને હજારો પ્રદર્શનકારીઓ શનિવારે કોલંબોના ઉચ્ચ સુરક્ષા વિસ્તારમાં પ્રવેશ્યા હતા. મોટી સંખ્યામાં લોકો રાષ્ટ્રપતિ આવાસમાં ઘૂસી ગયા હતા અને ત્યાં તોડફોડ કરી હતી. આ દરમિયાન બેડરૂમથી લઈને કિચન, બાથરૂમ સુધી દરેક જગ્યાએ વિરોધીઓએ કબજો જમાવી લીધો હતો. ઘણા લોકો રાષ્ટ્રપતિ આવાસના સ્વિમિંગ પૂલમાં ન્હાતા જોવા મળ્યા હતા, જ્યારે કેટલાક બેડ અને સોફા પર આરામ કરતા જોવા મળ્યા હતા. કેટલાક લોકો રસોડામાં ભોજન લેતા જોવા મળ્યા હતા.
???? Protesters in President's official residence pic.twitter.com/dgEWT5lBdx
— NewsWire ???????? (@NewsWireLK) July 9, 2022
સરકાર સામે લોકો રસ્તા પર ઉતરી આવ્યા
એક વીડિયોમાં વિરોધીઓ નોટોના બંડલ સાથે જોવા મળી રહ્યા છે. કેટલાક લોકો નોટો ગણતા જોવા મળે છે. બેકગ્રાઉન્ડમાં ઘણો ઘોંઘાટ છે. કેટલાક લોકો ઉભા છે અને નોટોનો વીડિયો બનાવી રહ્યા છે. નોંધપાત્ર રીતે 25 મિલિયન લોકોની વસ્તી ધરાવતું શ્રીલંકા તેના સૌથી ખરાબ તબક્કામાંથી પસાર થઈ રહ્યું છે. દેશમાં વિદેશી હૂંડિયામણની અછત છે, જેના કારણે ઇંધણ અને અન્ય આવશ્યક ચીજવસ્તુઓની આયાત કરવામાં આવી રહી નથી. સરકાર સામે લોકો રસ્તા પર ઉતરી આવ્યા છે.
