બિહારમાં JDUમાં નેતૃત્ત્વ પરિવર્તન, હવે નીતિશકુમાર જ બૉસ

• જનતા દળ યુનાઈટેડના પ્રમુખ લલન સિંહે પાર્ટી અધ્યક્ષ પદેથી રાજીનામું આપી દીધું છે અને નીતિશ કુમારે પાર્ટી અધ્યક્ષ પદ સંભાળ્યું છે

નવી દિલ્હી, 29 ડિસેમ્બર: જનતા દળ (યુનાઈટેડ)ની કમાન ફરી એકવાર બિહારના મુખ્યમંત્રી નીતિશ કુમારના હાથમાં ગઈ છે. લલન સિંહના રાજીનામા બાદ નીતિશ કુમારને જેડીયુના વડા તરીકે પસંદ કરવામાં આવ્યા છે. આ સાથે ત્રીજી વખત નીતિશ કુમારને JDUના અધ્યક્ષ બનાવવામાં આવ્યા છે.

#WATCH | Inside visuals of the JD(U) national executive meeting at the Constitution Club in Delhi.

Bihar CM Nitish Kumar, JD(U) national president Rajiv Ranjan (Lalan) Singh and other party leaders attend the meeting. pic.twitter.com/FkgCS3AMai

— ANI (@ANI) December 29, 2023

અધ્યક્ષની સાથે નીતિશ કુમારને શીટ શેરિંગથી લઈને ઇન્ડિયા ગઠબંધન સંબંધિત નિર્ણયો લેવા માટે અધિકૃત કરવામાં આવ્યા છે. આ પહેલા લલન સિંહ પણ આ કામ કરતા હતા. પરંતુ હવે આમાં ફેરફાર કરવામાં આવ્યો છે. પાર્ટી અધ્યક્ષ પદ પરથી રાજીનામું આપતી વખતે લલન સિંહે કહ્યું કે મેં આ જવાબદારી નીતીશકુમારના કહેવા પર જ લીધી હતી અને હવે મારે લોકસભાની ચૂંટણી લડવી છે. તેથી હવે હું પાર્ટી અધ્યક્ષ પદેથી રાજીનામું આપું છું. આ સાથે તેમણે પોતે જ નવા અધ્યક્ષ તરીકે નીતિશ કુમારના નામનો પ્રસ્તાવ મૂક્યો હતો.

લલન સિંહે ખુરશી કેમ ગુમાવી?

જેડીયુ પ્રમુખ પદેથી રાજીનામું આપવાનું કારણ ખુદ લલન સિંહે આપ્યું છે. તેમના કહેવા પ્રમાણે, તેમણે લોકસભા ચૂંટણી લડવા માટે પાર્ટી અધ્યક્ષ પદ છોડી દીધું છે. પરંતુ રાજકીય વર્તુળોમાં એવી ચર્ચા ચાલી રહી છે કે ઇન્ડિયા ગઠબંધન લલન સિંહ જેડીયુ અને નીતિશ કુમારને મજબૂત સમર્થન આપી શક્યા નથી. આ કારણે મુખ્યમંત્રી નીતિશ કુમાર તેમનાથી નારાજ હોવાનું કહેવાય છે. આ સાથે એવું કહેવામાં આવી રહ્યું છે કે લલન સિંહ લાલુ યાદવ અને તેમના પરિવારની નજીક વધી રહ્યા છે. નીતીશ કુમારને પણ આ વાત પસંદ ન હતી. જે બાદ કહેવામાં આવ્યું હતું કે નીતીશ કુમાર ટૂંક સમયમાં મોટો નિર્ણય લઈ શકે છે. ઘણી વખત તો જેડીયુના આરજેડીમાં વિલીનીકરણના સમાચાર પણ આવ્યા હતા. પરંતુ આ તમામ અટકળોનો આજે અંત આવ્યો અને નીતિશ કુમારે ફરી પાર્ટીના વડાની ખુરશી સંભાળી છે.

આ પણ વાંચો: ભારતીય નૌકાદળનું સ્વદેશીકરણ: શિવાજી મહારાજની નૌકાદળથી પ્રેરિત ઇપોલેટ્સ જાહેર