બેંગલુરુમાં ભાષાને લઈને ઉગ્ર આંદોલન, કન્નડ કાર્યકર્તાઓએ હટાવ્યા અંગ્રેજી સાઈનબોર્ડ
- કાર્યકર્તાઓએ અંગ્રેજીમાં લખેલા ઘણા સાઈનબોર્ડ, જાહેરાત બોર્ડ અને હોર્ડિંગ્સ તોડી નાખ્યા
- સ્થાનિક ભાષાને પ્રાધાન્ય આપવાની કન્નડ સંગઠન દ્વારા માંગ કરવામાં આવી
બેંગલુરુ,28 ડિસેમ્બર : કર્ણાટકમાં સ્થાનિક ભાષાઓને પ્રાધાન્ય આપવાની માંગને લઈને આંદોલન ઉગ્ર બન્યું છે. આંદોલન સાથે જોડાયેલા લોકોએ અંગ્રેજીમાં લખેલા ઘણા સાઈનબોર્ડ, જાહેરાત બોર્ડ અને હોર્ડિંગ્સ તોડી નાખ્યા છે. આ આંદોલનનું નેતૃત્વ કરી રહેલા કન્નડ રક્ષા વેદિક (KRV) સંગઠને સ્થાનિક ભાષાની માંગ સાથે એક વિશાળ ઝુંબેશ શરૂ કરી છે. આ અભિયાન હેઠળ આ સંગઠન સાથે જોડાયેલા કાર્યકરોએ હોર્ડિંગ્સને નિશાન બનાવ્યું હતું. કાર્યકર્તાઓએ સ્ટારબક્સ, થર્ડ વેવ, ટોયોટા, હાઉસ ઓફ મસાબા, ફોરેસ્ટ એસેન્શિયલ્સ, થિયોબ્રોમા અને અન્યને નિશાન બનાવ્યા છે. KRV એ દાવો કર્યો હતો કે સમગ્ર શહેરમાં હજારો અંગ્રેજી સાઈનબોર્ડ “નષ્ટ અને જડમૂળથી ઉખડી ગયા” હતા.
This is Bengaluru under Congress rule.
Did you ever hear such news when BJP was in Power?
Whenever Congress comes to power, it incites South Indians against North, North-East, Hindi and now English.
Police mute spectatorpic.twitter.com/KprsxKAY6g
— Ankur Singh (@iAnkurSingh) December 27, 2023
#WATCH | Bengaluru: Kannada Raksha Vedhike holds a protest demanding all businesses and enterprises in Karnataka to put nameplates in Kannada. pic.twitter.com/ZMX5s9iJd0
— ANI (@ANI) December 27, 2023
અમે 28મી ફેબ્રુઆરી સુધી રાહ જોશું, પછી મોટું આંદોલન : KRV પ્રમુખ
KRV પ્રમુખ ટી.એ. નારાયણ ગૌડાએ ચેતવણી આપી હતી કે, “અમે કન્નડ ભાષાને પ્રાધાન્ય આપતા સાઈન બોર્ડ લગાવવા માટે 28 ફેબ્રુઆરી સુધી રાહ જોઈશું. જો આમ કરવામાં નહીં આવે, તો તે સાઈન બોર્ડને હટાવવા માટે જોરદાર વિરોધ કરવામાં આવશે. અમે બેંગલુરુના લોકોને થયેલી અસુવિધા માટે માફી માંગીએ છીએ. મને લાગે છે કે, તેઓ સાઈન બોર્ડ પર કન્નડ ભાષાના ઉપયોગને સુનિશ્ચિત કરવા માટે મોટા વિરોધ પ્રદર્શનના સંગઠનને સમજશે.જો કામદારો પર ખોટા કેસ દાખલ કરવામાં આવશે, તો અમે વિરોધ કરીશું.”
On the name of Karnataka , these hooligans abuse tax-paying citizens and companies in the startup hub of Bengaluru, HSR Layout.
Supported by big politician names and logos, calling out abusive words and threatening people to vandalism, glass breaking and injure people.
On… pic.twitter.com/EuY6vyFiRo
— Sid Jain (@TheBengaluruGuy) December 22, 2023
This was the guarantee given by Karnataka Congress .They are turning a beautiful inclusive city into a city of G00ns.
This is the biggest self goal by the language warriors..
Kudos to you all 👏👏👏👏#Bengaluru #Kannada https://t.co/aSiqhc5dua pic.twitter.com/SmZsPHK9UU— God (@Indic_God) December 27, 2023
પોલીસ મૂક પ્રેક્ષક બની રહેતા લોકોને આશ્ચર્ય
આ ઘટના પર લોકોએ પણ આકરી પ્રતિક્રિયા વ્યક્ત કરી છે. રાજ્યની રાજધાનીમાં બનેલી ઘટનાઓ અને કન્નડ કાર્યકર્તાઓ દ્વારા કરવામાં આવતી તોડફોડ પ્રત્યે પોલીસ મૂક પ્રેક્ષક બની રહેતા ઘણા લોકોએ આશ્ચર્ય વ્યક્ત કર્યું હતું. કર્ણાટક પોલીસે બુધવારે શહેરમાં કોમર્શિયલ ઇમારતો અને મોલ્સના સાઇનબોર્ડ પર સ્થાનિક ભાષાને પ્રાધાન્ય આપવાની KRVની માંગને ધ્યાનમાં રાખીને બેંગલુરુમાં સુરક્ષા વધારી દીધી હતી. કર્ણાટક સરકારે કોમર્શિયલ ઈમારતો પર લગાવેલા સાઈન બોર્ડના 60 ટકામાં કન્નડને ફરજિયાત બનાવવાના નિર્દેશો જારી કર્યા પછી શરૂ કરાયેલા તેના મેગા અભિયાનના ભાગરૂપે સંસ્થાએ એક વિશાળ રેલીનું આયોજન કર્યું હતું. આ રેલી બેંગલુરુ ઈન્ટરનેશનલ એરપોર્ટ રોડથી શરૂ થઈ અને યેલાહંકા, શિવાજીનગર, કોમર્શિયલ સ્ટ્રીટ, એસ.પી. રોડ, બ્રિગેડ રોડ, એમ.જી. રોડ, ચિક્કાપેટ, સિટી માર્કેટ અને એવન્યુ રોડ પરથી પસાર થઈને ક્યુબન પાર્ક પહોંચ્યો.
28મી ફેબ્રુઆરી સુધીમાં તમામ સાઈન બોર્ડ કન્નડમાં હોવા જોઈએ
KRVના પ્રમુખ નારાયણ ગૌડાએ કોમર્શિયલ ઈમારતોના માલિકોને સાઈન બોર્ડ પર કન્નડ ભાષાને પ્રાધાન્ય આપવાની ચેતવણી આપી હતી. તેમણે એમ પણ કહ્યું હતું કે, જો સાઈન બોર્ડ પર માત્ર હિન્દી અને અંગ્રેજી ભાષાનો ઉપયોગ કરવામાં આવશે તો તેને હટાવી દેવામાં આવશે. બ્રુહત બેંગલુરુ મ્યુનિસિપલ કોર્પોરેશન (BBMP) કમિશનર તુષાર ગિરિનાથે નિર્દેશ આપ્યો છે કે, રાજ્યની રાજધાનીમાં તમામ સાઈન બોર્ડ 28 ફેબ્રુઆરી સુધીમાં કન્નડમાં હોવા જોઈએ. જો કે, KRVએ સાઈન બોર્ડ બદલવા માટે 27 ડિસેમ્બર સુધીનો સમય આપ્યો હતો, જેને મોલ અને કોમર્શિયલ બિલ્ડીંગના માલિકોએ પડકાર્યો હતો. કન્નડમાં મોલનું નામ દર્શાવવાને લઈને મેનેજમેન્ટ અને KRV વચ્ચેના વિવાદ વચ્ચે પોલીસે એશિયાના સૌથી મોટા મોલ ઑફ એશિયામાં સુરક્ષા વધારી દીધી છે. કાર્યકર્તાઓએ અંગ્રેજીમાં જાહેરાતો ફાડી નાખી તેમજ હિન્દી અને અંગ્રેજી સાઈન બોર્ડને કાળા કરી દીધા. પોલીસે સ્થિતિને કાબૂમાં લેવા માટે લાઠીચાર્જ કરવો પડ્યો હતો.
આ પણ જુઓ :બોમ્બથી ઉડાવી દેવાનો અમદાવાદ એરપોર્ટને ઇ-મેલ આવ્યો, પ્રવાસીઓમાં ભય
