આ નાના દરિયાઈ જીવ પાસે છે એન્ટાર્કટિકાના પીગળવાનું રહસ્ય…

• એન્ટાર્કટિકામાં બરફની ચાદર 1.25 લાખ વર્ષ પહેલા પીગળી હતી
• તે સમયે પણ એન્ટાર્કટિકામાં આજની જેમ જ સ્થિતિ બની હતી
• આવી જ ઘટના ફરીથી બને તેવા સંકેત દેખાઈ રહ્યા છે

અમદાવાદ, 23 ડિસેમ્બર : 1.25 લાખ વર્ષ પહેલા એન્ટાર્કટિકામાં બનેલી ઘટના અને ઓક્ટોપસના વર્તન વચ્ચેનો અનોખો સંબંધ બહાર આવ્યો છે. તેના દ્વારા વૈજ્ઞાનિકોને એવા સંકેતો મળી રહ્યા છે કે પશ્ચિમી એન્ટાર્કટિકાની બરફની ચાદર ઓગળવાની છે.

શું આપણે ઓક્ટોપસની હિલચાલ દ્વારા કોઈપણ આવનારી કુદરતી આફતની આગાહી કરી શકીએ? જો નવા સંશોધનો પર વિશ્વાસ કરવામાં આવે તો આ વાત સાચી છે. એક સંશોધનમાં, વૈજ્ઞાનિકોએ ઓક્ટોપસની પ્રવૃત્તિથી માત્ર એ જ નથી શોધી કાઢ્યું કે લાખો વર્ષ પહેલાં એન્ટાર્કટિકા નજીક કેવા પ્રકારની કુદરતી આપત્તિ સર્જાઇ હતી, પરંતુ ફરી આ પ્રકારની ઘટના ક્યારે બનવાની છે તેની પણ આગાહી કરી છે.

ઓક્ટોપસ અને એન્ટાર્કટિકા કનેક્શન

સાયન્સ જર્નલના એક અભ્યાસમાં, વૈજ્ઞાનિકોએ પશ્ચિમ એન્ટાર્કટિકા બરફની ચાદર અને ટર્કેટ ઓક્ટોપસની સ્થિરતા વચ્ચે એક રસપ્રદ અને આશ્ચર્યજનક જોડાણ શોધી કાઢ્યું છે. દક્ષિણ મહાસાગરમાં રહેતા આ જીવો 1.25 લાખ વર્ષ પહેલા જ્યાં બરફની ચાદર પીગળી હતી તે વિસ્તારમાં ફરતા હતા.

આ ઉપરાંત, તપાસમાં કેટલીક ચિંતાજનક બાબતો બહાર આવી છે જે દર્શાવે છે કે પશ્ચિમ એન્ટાર્કટિકાની બરફની ચાદર અસ્થિર બની ગઈ છે. જો વૈશ્વિક તાપમાન ઔદ્યોગિક યુગના સરેરાશ તાપમાન કરતાં 1.5 ડિગ્રી સેલ્સિયસ વધુ ગરમ થશે તો આ શીટ સંપૂર્ણપણે ઓગળી જશે.

સંશોધકોએ ટર્કેટ ઓક્ટોપસના જેનિટીક ડેટાનો અભ્યાસ કર્યો અને જાણવા મળ્યું કે વેડેલ, એમુડસેન અને રોસ સી ઓક્ટોપસ વચ્ચે આશ્ચર્યજનક સમાનતાઓ છે. પશ્ચિમ એન્ટાર્કટિકાની બરફની ચાદરને કારણે બધા મહાસાગરો અલગ દેખાય છે. આશ્ચર્યજનક બાબત તો એ છે કે લાખો વર્ષ પહેલાનું તાપમાન અને આજનું તાપમાન સરખું છે અને તે પશ્ચિમી એન્ટાર્કટિકાની બરફની ચાદર પીગળવાની ચેતવણી આપી રહ્યું છે.

ઓક્ટોપસ કયા રસ્તે ગયા?

સાંસોધકોના અનુશાર, ઓક્ટોપસ એક મિલિયન વર્ષ પહેલાં બરફ પીગળ્યા પછી અમુક માર્ગેથી સ્થળાંતર કરી ગયા હતા, જેના કારણે તેઓ એકબીજામાં પ્રજનન અને જનીન વહેતા કરી શકયા. તેમજ આંતર હિમવર્ષાનો સમયગાળો પણ જોવા મળ્યો. જે 1.29 થી 1.16 લાખ વર્ષ પહેલાંનો સમયગાળો હતો, જ્યારે ગ્લોબલ વોર્મિંગને કારણે દરિયાની સપાટીમાં 5-10 મીટરનો વધારો થયો હતો.

આજની સ્થિતિ પણ એવી જ છે. વૈશ્વિક તાપમાનમાં પૂર્વ-ઔદ્યોગિક સરેરાશ કરતાં 1.2 ડિગ્રી સેલ્સિયસનો વધારો થઈ ચૂક્યો છે તેથી આપણે તેનો સામનો કરવા તૈયાર રહેવું જોઈએ.

આ પણ વાંચો : જો પૃથ્વી બમણી ઝડપે પરિભ્રમણની કરવા લાગે તો..