Redmi Note 13 Proની કિંમત ભારતમાં આટલી હશે? 4 જાન્યુઆરીએ થશે લોન્ચ
Redmi નવા વર્ષની શરૂઆતમાં ભારતીયોને Redmi Note 13 સિરીઝ ગિફ્ટ કરવા જઈ રહી છે. કંપની આ સીરીઝ 4 જાન્યુઆરીએ લોન્ચ કરવા જઈ રહી છે, જે અંતર્ગત 3 સ્માર્ટફોન માર્કેટમાં લોન્ચ કરવામાં આવશે. આ સિરીઝ હેઠળ Redmi Note 13, Redmi Note 13 Pro અને Redmi Note 13 Pro Plus 5G લોન્ચ કરવામાં આવશે.
ભારતમાં આ સિરીઝની કિંમત 15,000થી 30,000 રૂપિયા સુધી હોઈ શકે છે. જો કે, ચોક્કસ માહિતી ફક્ત લોન્ચ ઇવેન્ટના દિવસે જ મળશે. આ સીરીઝ ચીનમાં લોન્ચ કરવામાં આવી છે. તેના લોન્ચિંગને કારણે તમામ સ્માર્ટફોનના સ્પેક્સ જાહેર કરવામાં આવ્યા છે.
સ્પેસિફિકેશન્સ
Redmi Note 13 વિશે વાત કરીએ તો, આ ફોનમાં 120Hzના રિફ્રેશ રેટ સાથે 6.66 ઇંચની FHD+ OLED ડિસ્પ્લે, ગોરિલ્લા ગ્લાસ 5 પ્રોટેક્શન અને 1000 nits ની પીક બ્રાઇટનેસ મળશે. આ મોબાઈલ ફોન MediaTek Dimensity 6080 પ્રોસેસર પર કામ કરશે અને તેમાં 33 Watt ફાસ્ટ ચાર્જિંગ સાથે 5000 mAh બેટરી હશે. ફોટોગ્રાફી માટે ફોનમાં ડ્યુઅલ કેમેરા સેટઅપ હશે જેમાં પ્રાથમિક કેમેરા 108MP અને બીજો 2MPનો હશે. કંપની ફ્રન્ટમાં 16MP કેમેરા આપશે.
Redmi Note 13 Proમાં 120Hzના રિફ્રેશ રેટ સાથે 6.67 ઇંચ 1.5K OLED ડિસ્પ્લે, 1200 nitsની પીક બ્રાઇટનેસ અને ગોરિલ્લા ગ્લાસ વિક્ટસનું રક્ષણ મળશે. આ મોબાઈલ ફોન Snapdragon 7s Gen 2 પ્રોસેસર પર કામ કરશે અને Android 13 ને સપોર્ટ કરશે. ફોટોગ્રાફી માટે, ફોનમાં ટ્રિપલ કેમેરા સેટઅપ હશે જેમાં 200MP OIS Samsung HP3 સેન્સર, 8MP અલ્ટ્રાવાઇડ અને 2MP મેક્રો કેમેરા હશે. ફ્રન્ટમાં 16MP કેમેરા ઉપલબ્ધ હશે. મોબાઈલ ફોનમાં 67 વોટ ફાસ્ટ ચાર્જિંગ સાથે 5100 એમએએચની બેટરી હશે.
WhatsApp મેસજને પ્રાઈવેટ અને સિક્યોર રાખી શકો છો, કરો આ સેટિંગ્સ
Redmi Note 13 Pro Plus વિશે વાત કરીએ તો, તેમાં IP68 રેટેડ ટ્રિપલ કેમેરા સેટઅપ, 120 W J ફાસ્ટ ચાર્જિંગ સાથે 5000 mAh બેટરી અને MediaTek Dimensity 7200 Ultra 4nm પ્રોસેસર મળશે. ફોટોગ્રાફી માટે, ફોનમાં 200MP OIS Samsung ISOCELL HP3 સેન્સર, 8MP અલ્ટ્રાવાઇડ અને 2MP મેક્રો કેમેરા હશે. કંપની ફ્રન્ટમાં માત્ર 16MP કેમેરા આપી શકે છે.
આ સિવાય Samsung Galaxy S24 સિરીઝ અને OnePlus 12 સિરીઝ પણ જાન્યુઆરીમાં લૉન્ચ થવાની છે. બંને ફોન Android 14 અને Snapdragon 8th Gen 3 SOC ને સપોર્ટ કરશે.
