UPI પેમેન્ટને લઈને RBIએ કર્યા કેટલાક ફેરફારો

ભારતીય રિઝર્વ બેંકે UPI પેમેન્ટના નિયમોમાં ફેરફાર કર્યો છે. UPI યુઝર્સ 1 લાખ રૂપિયા સુધીનું ઓટો પેમેન્ટ કરી શકશે. પહેલા આ મર્યાદા 15 હજાર રૂપિયા હતી. તે માટે પહેલા OTP પણ જરૂરી હતો, પરંતુ હવે OTP વગર 1 લાખ રૂપિયા સુધીનું ઓટો પેમેન્ટ કરી શકાશે.

રિઝર્વ બેંક ઓફ ઈન્ડિયા એટલે કે RBIએ ઓનલાઈન પેમેન્ટ કરનારાઓને મોટી રાહત આપી છે. RBIએ UPI પેમેન્ટના નિયમોમાં ફેરફાર કર્યો છે, જેના કારણે UPI યુઝર્સ 1 લાખ રૂપિયા સુધીનું ઓટો પેમેન્ટ કરી શકશે. જે પહેલા આ લિમિટ 15 હજાર રૂપિયા સુધીની જ હતી, જેને 6 ગણાથી વધુ વધારી દેવામાં આવી છે.

આથી ફાયદો શું થશે?

UPI ઓટો પેમેન્ટ સેવાનો ઉપયોગ ક્રેડિટ કાર્ડ બિલની ચુકવણી, વીમા પ્રીમિયમ, મ્યુચ્યુઅલ ફંડ જેવી અનેક પ્રકારની ઓનલાઈન ચુકવણીઓ માટે થાય છે. તેમાં EMI ચુકવણી, મોબાઇલ બિલ, મનોરંજન અને OTT સબસ્ક્રિપ્શન, વીજળી બિલ, મ્યુચ્યુઅલ ફંડ અને વીમો પણ સામેલ છે. પહેલા 15 હજાર રૂપિયા કે તેથી વધુના ટ્રાન્ઝેક્શન માટે OTP જરૂરી હતો, પરંતુ હવે OTP વગર 1 લાખ રૂપિયા સુધીનું ઓટો પેમેન્ટ કરી શકાશે.

વધારાની છૂટછાટ મળી શકે છે

રિઝર્વ બેંક ઓફ ઈન્ડિયાના ગવર્નર શક્તિકાંત દાસે શિક્ષણ સંસ્થાઓ અને હોસ્પિટલોમાં UPI ચુકવણીની મર્યાદા વધારવાનો સંકેત આપ્યો છે. તેને 1 લાખ રૂપિયાથી વધારીને 5 લાખ રૂપિયા કરી શકાય તેમ છે. આવી સ્થિતિમાં સારવાર અને અભ્યાસ દરમિયાન ઓનલાઈન પેમેન્ટ કરવાનું સરળ બનશે.

UPI વપરાશકર્તાઓની સંખ્યામાં વધારો

આ ઉપરાંત, ભારતમાં UPI ચૂકવણીની સંખ્યામાં સતત વધારો થઈ રહ્યો છે, જે સાબિત કરે છે કે ભારતમાં UPI ચુકવણી કરનારા વપરાશકર્તાઓની સંખ્યા દિવસે ને દિવસે સતત વધી રહી છે. જો આપણે NPCI ડેટા વિશે વાત કરીએ, તો ભારતમાં ગયા મહિને નવેમ્બરમાં 11.23 અબજથી વધુ UPI ટ્રાન્ઝેક્શન થયા હતા.

આ પણ વાંચો : ભારત 2040 સુધીમાં ચંદ્ર પર માનવીને મોકલશે- હરદીપ સિંહ પુરી