હવે સાઉથની અભિનેત્રીને મળી જાનથી મારી નાખવાની ધમકી

• દુબઈમાં ક્લબના ઓપનિંગ વખતે અભિનેત્રીને થયો હતો ઝઘડો
• સાઉથની ખૂબસૂરત અભિનેત્રી પૂજા હેગડેને જાનથી મારી નાખવાની મળી ધમકી

દુબઈ, 13 ડિસેમ્બર: બોલીવુડ અભિનેતા સલમાન ખાનની ફિલ્મ ‘કિસી કા ભાઈ કિસી કી જાન’ માં મુખ્ય અભિનેત્રી તરીકે જોવા મળી હતી, તે સાઉથની ખૂબસૂરત અભિનેત્રી પૂજા હેગડે વિશે ચોંકાવનારા સમાચાર પ્રકાશમાં આવ્યા છે, તાજેતરના અહેવાલો અનુસાર, અભિનેત્રી પૂજા હેગડેને જાનથી મારી નાખવાની ધમકીઓ મળી છે.

દુબઈમાં ક્લબના ઓપનિંગ વખતે પૂજા હેગડેને થયો ઝઘડો

અભિનેત્રી પૂજા હેગડે દુબઈના પ્રવાસે હતી. આ દરમિાયન અભિનેત્રી દુબઈમાં એક ક્લબના ઉદ્ઘાટન કાર્યક્રમમાં ગઈ હતી. જ્યાં તેમને સ્થાનીકો સાથે ઝગડો થઈ ગયો હતો. ત્યારે બાદ પૂજા હેગડેને જાનથી મારી નાખવાની ધમકીઓ મળી હતી. આ વિવાદ બાદ પૂજા ભારત પરત ફરી છે. જોકે, પૂજા હેગડે અથવા તેની ટીમ દ્વારા આ સમાચાર પર કોઈ સ્પષ્ટ પુષ્ટિ કરવામાં આવી નથી.

સલમાન ખાનને પણ મળી ચૂકી છે જાનથી મારી નાખવાની ધમકી

આ પહેલા સલમાન ખાનને પણ જાનથી મારી નાખવાની ધમકીઓ મળી ચુકી છે. ઈદ પર રિલીઝ થયેલી કિસી કા ભાઈ કિસી કી જાનમાં પૂજા સલમાન ખાન સાથે જોવા મળી હતી. આ પછી પૂજા અન્ય કોઈ નવા પ્રોજેક્ટમાં જોવા મળી નથી. સલમાન ખાન સાથે ફિલ્મો કર્યા પછી, પૂજા ઘણીવાર વેકેશન પર જતી જોવા મળે છે અને સોશિયલ મીડિયા પર ફેન્સ માટે ફોટા શેર કરતી રહે છે.

• હાલમાં, આ સમાચાર વિશે પૂજા અને તેની ટીમ તરફથી પુષ્ટિની રાહ જોવાઈ રહી છે.

આ પણ વાંચો: પ્રિયંકા ચોપરા પતિ નિક અને પુત્રી માલતી સાથે ક્રિસમસની ખાસ રીતે ઉજવણી કરશે