રણબીરની ફિલ્મના સ્ક્રિનિંગ દરમિયાન કેલિફોર્નિયામાં દેશી-વિદેશી ચાહકોએ કર્યો ડાન્સ, જૂઓ વીડિયો
- રણબીરની ફિલ્મ ‘એનિમલ’ ભારે ટ્રેન્ડમાં, શો ચાલી રહ્યા છે ચોવીસ કલાક
- વિદેશમાં પણ એનિમલ ફિલ્મના સ્ક્રિનિંગ દરમિયાન ચાહકો કરી રહ્યા છે ફિલ્મના ગીત પર ડાન્સ
HD ન્યૂઝ ડેસ્ક, 10 ડિસેમ્બર: મનોરંજનની દુનિયામાં હાલમાં જેની સૌથી વધુ ચર્ચા છે, તે છે રણબીર કપૂરની ‘એનિમલ’ ફિલ્મ. 1 ડિસેમ્બરે રિલિઝ થઈ ત્યારથી જ આ ફિલ્મ ટ્રેન્ડમાં ચાલી રહી છે અને અનેક રેકોર્ડ પોતાના નામે કરી રહી છે. રણબીરની ફિલ્મ એનિમલનો ક્રેઝ એટલો વધી ગયો છે કે અત્યારે મુંબઈ જેવા મોટા શહેરોમાં શો ચોવીસ કલાક કરવામાં આવ્યો છે. આ ફિલ્મના દરેક શો હજુ પણ હાઉસફુલ ચાલી રહ્યા છે. ત્યારે કેલિફોર્નિયાના ફ્રેમોન્ટમાં એક મૂવી થિયેટરની બહારનો એક વીડિયો સામે આવ્યો છે. ફિલ્મના સ્ક્રિનિંગ દરમિયાન કેલિફોર્નિયામાં દેશી-વિદેશી ચાહકોએ ‘એનિમલ’ ફિલ્મના ગીત પર ડાન્સ કર્યો છે.
वीडियो । कैलिफ़ोर्निया के फ़्रेमोंट में एक मूवी थियेटर के बाहर बॉलीवुड फिल्म ‘एनिमल’ की स्क्रीनिंग के बाद के दृश्य।
(पूरा वीडियो पीटीआई वीडियो – https://t.co/n147TvqRQz – पर उपलब्ध है) pic.twitter.com/tGBVTkZy4r
— Press Trust of India (@PTI_News) December 10, 2023
અત્યાર સુધીમાં એનિમલે કેટલી કમાણી કરી ?
એનિમલ ફિલ્મે કમાણીના મામલે ઈતિહાસ રચ્યો છે. ફિલ્મના બોક્સ ઓફિસ કલેક્શનની વાત કરીએ તો એનિમલે 63 કરોડ રૂપિયાના કલેક્શન સાથે ઓપનિંગ કર્યું હતું. બોક્સ ઓફિસ પર તેની મજબૂત કમાણી જાળવી રાખતા, ફિલ્મનું પ્રથમ સપ્તાહનું કલેક્શન 338.85 કરોડ રૂપિયા હતું. હવે ફિલ્મ રિલીઝના નવમા દિવસે બીજા શનિવારની કમાણીના આંકડા સામે આવ્યા છે.
સેકનિલ્કના અહેવાલ મુજબ, એનિમલે તેના નવમા દિવસે 37 કરોડ રૂપિયાની મજબુત કમાણી કરી છે. સંદીપ રેડ્ડી વાંગાની ફિલ્મનું અત્યાર સુધીનું કુલ કલેક્શન 398.53 કરોડ રૂપિયા સુધી પહોંચી ગયું છે. આ સાથે, ફિલ્મ હવે 400 કરોડના ક્લબમાં પ્રવેશવાથી થોડા જ રૂપિયા દૂર છે.
ફિલ્મ ‘સેમ બહાદુર’ને પાછળ છોડી ‘એનિમલે’
બોક્સ ઓફિસ પર ‘એનિમલ’ અને વિકી કૌશલની ‘સેમ બહાદુર’ વચ્ચે ટક્કર થઈ હતી. બંને ફિલ્મોને ક્રિટિક્સ અને દર્શકોનો સારો પ્રતિસાદ મળી રહ્યો છે. પરંતુ રણબીર કપૂરની ફિલ્મ કમાણીના મામલામાં ઘણી આગળ નીકળી ગઈ છે. ‘એનિમલ’ દરરોજ કરોડો રૂપિયાની કમાણી કરી રહી છે. ફિલ્મમાં રણબીર કપૂર તેમજ બોબી દેઓલની જબરદસ્ત એક્ટિંગની ઘણી ચર્ચા છે. આવી સ્થિતિમાં દર્શકો પણ ફિલ્મના બીજા ભાગની આતુરતાથી રાહ જોઈ રહ્યા છે.
આ પણ વાંચો: ગુટખા એડ કેસમાં શાહરૂખ, અક્ષય કુમાર અને અજય દેવગણને નોટિસ
