મોંઘવારી પર નિયંત્રણ રાખવા સરકારે લીધા 4 મોટા નિર્ણયો
- માર્ચ 2024 સુધી ડુંગળીની નિકાસ પર સંપૂર્ણ પ્રતિબંધ મૂકવામાં આવ્યો છે
- પીળા વટાણાની આયાત પરનો ટેક્સ હટાવવામાં આવ્યો
- ખાંડ મિલોને ઈથેનોલ બનાવવા માટે શેરડીનો ઉપયોગ કરવા પર પ્રતિબંધ મૂકવામાં આવ્યો
નવી દિલ્હી, 08 ડિસેમ્બર: મોંઘવારીને નિયંત્રણમાં રાખવા કેન્દ્ર સરકારે છેલ્લા બે દિવસમાં વિવિધ પગલાં લીધા છે. કમોસમી વરસાદ અને ઉત્પાદનમાં ઘટાડાથી ડુંગળીના ભાવમાં વધારો થવાનો અવાજ સરકાર સુધી પણ પહોંચ્યો હતો. સામાન્ય માણસની થાળી પર વધુ અસર ન થાય તે માટે સરકારે તાત્કાલિક અસરથી મોટો નિર્ણય લીધો છે. સરકારે કહ્યું છે કે માર્ચ 2024 સુધી ડુંગળીની નિકાસ પર સંપૂર્ણ પ્રતિબંધ મુકવામાં આવ્યો છે. જેથી સ્થાનિક બજારમાં તેનો પુરવઠો જળવાઈ રહે અને ભાવ વધે નહીં. આ સિવાય સરકાર દ્વારા પીળા વટાણાની આયાત પરનો ટેક્સ પણ ફ્રી કરી દેવામાં આવ્યો છે. આ ઉપરાંત ખાંડ અને ઘઉં પર પણ કડક કાર્યવાહી કરવાની તૈયારી કરી લીધી છે.
ડાયરેક્ટોરેટ જનરલ ઑફ ફોરેન ટ્રેડે ગુરુવારે એક નોટિફિકેશન બહાર પાડીને કહ્યું કે ડુંગળીની નિકાસ નીતિમાં થોડો ફેરફાર કરવામાં આવી રહ્યો છે. આ અંતર્ગત 31 માર્ચ 2024 સુધી દેશની બહાર ડુંગળીની નિકાસ પર સંપૂર્ણ પ્રતિબંધ છે. આ સિવાય પીળા વટાણાની આયાત પણ ફ્રી કરવામાં આવી છે. આ સાથે સરકારે ખાંડની વધતી કિંમતો પર અંકુશ રાખવા માટે મિલોને આદેશ પણ જારી કર્યા છે.
નિકાસ કિંમત અગાઉ નક્કી કરવામાં આવી હતી
ડુંગળીની નિકાસ નીતિમાં આ ફેરફાર પહેલા સરકારે તેની લઘુતમ કિંમત નક્કી કરી હતી. આ અંતર્ગત 29 ઓક્ટોબરથી 31 ડિસેમ્બર સુધી ડુંગળીની લઘુતમ નિકાસ કિંમત (MEP) પ્રતિ ટન $800 રાખવામાં આવી હતી. જો આપણે તેના છૂટક ભાવ પર નજર કરીએ તો, ડુંગળીની નિકાસ કિંમત 67 રૂપિયા પ્રતિ કિલો રાખવામાં આવી હતી. છેલ્લા એક મહિનામાં ડુંગળીના ભાવમાં 58 ટકાનો વધારો થયો છે.
નિકાસ પર 3 શરતોમાં છૂટ:
સરકારે સ્પષ્ટ કર્યું છે કે નિકાસ પર 3 શરતોમાં છૂટ આપી શકાયશે. સૌપ્રથમ, જે માલસામાન પહેલાથી જ જહાજ પર લોડ કરવામાં આવ્યો છે અથવા તેમના બિલ આ સૂચના પહેલા જમા કરવામાં આવ્યા છે. બીજું, કન્સાઈનમેન્ટ કે જેના કાગળો કસ્ટમને આપવામાં આવ્યા છે અથવા રજીસ્ટર કરવામાં આવ્યા છે. ત્રીજું, જેમના કાગળો હજુ પણ ચકાસણી માટે સિસ્ટમમાં રાખવામાં આવ્યા છે તેમને નિકાસ કરવાની મંજૂરી આપવામાં આવશે.
ખાંડ મિલોને પણ ઈથેનોલ ન બનાવવા આદેશ
ખાંડ માટે ઇથેનોલ પર પ્રતિબંધએ ખાંડની કિંમતોને નિયંત્રિત કરવા માટે સરકાર દ્વારા લેવામાં આવેલો બીજો મોટો નિર્ણય છે. એવો અંદાજ છે કે આ વર્ષે ખાંડના ઉત્પાદનમાં 8 ટકાનો ઘટાડો થઈ શકે છે, જેના કારણે છૂટક બજારમાં તેની કિંમતો વધવાનો ભય છે. આનો સામનો કરવા માટે સરકારે હાલમાં ઇથેનોલના ઉત્પાદન પર પ્રતિબંધ મૂક્યો છે. હાલમાં દેશમાં દર વર્ષે આશરે 35 લાખ ટન ખાંડના ઉત્પાદન જેટલી શેરડીનો ઉપયોગ ઇથેનોલ બનાવવા માટે થાય છે. હાલમાં ખાંડ મિલોને ઈથેનોલ બનાવવા માટે શેરડીનો ઉપયોગ કરવા પર પ્રતિબંધ મૂકવામાં આવ્યો છે.
પીળા વટાણા પર ટેક્સ-ફ્રીની મંજૂરી આપી
પીળા વટાણા પર ટેક્સ સૌપ્રથમ નવેમ્બર 2017માં 50 ટકા લાગુ કરવામાં આવ્યો હતો. ભારત મોટા ભાગે કેનેડા અને રશિયામાંથી પીળા વટાણાની આયાત કરે છે. ત્યારે બજારમાં વધતી જતી મોંઘવારીને ધ્યાને લઈને સરકારે પીળા વટાણા પરના ટેક્સ પર છુટ મુકવામાં આવી છે. પીળા વટાણાની આયાત પર હવે તારીખ 8 ડિસેમ્બર, 2023થી 31 માર્ચ 2024 સુધી તેને ફ્રીમાં આયાત કરવામાં આવશે. જેના કારણે તેના ભાવ પર નિયંત્રણ મેળવી શકાય.
ઘઉંના વેચાણ માટે વધુ દુકાનો ખોલવામાં આવી
ઘઉંના ભાવ છૂટક બજારમાં પણ સતત વધી રહ્યા છે, જેને અંકુશમાં લેવા માટે સરકારે ફૂડ કોર્પોરેશન ઓફ ઈન્ડિયા (FCI)ને ઘઉંના મોટા જથ્થાને બજારમાં છોડવા માટે કહ્યું છે, જેથી છૂટક કિંમતોને નિયંત્રિત કરી શકાય. ઘઉં અને લોટની વાત કરીએ તો હાલમાં રિટેલ માર્કેટમાં લોટની કિંમત 40 રૂપિયા પ્રતિ કિલોની ઉપર પહોંચી ગઈ છે.
આ પણ વાંચો: RBI: રેપોરેટ યથાવત્ રહેતા મધ્યમ વર્ગ ઉપર EMIનો બોજ નહીં વધે
