ટનલ કે વહ 17 દિનઃ 41 કામદારોએ વડાપ્રધાન સાથે વહેંચી ખાટી-મીઠી

• ઉત્તરાખંડના ઉત્તરકાશીમાં 17 દિવસથી ટનલની અંદર ફસાયેલા 41 મજૂરો બહાર આવ્યા બાદ વડાપ્રધાન મોદીએ મજૂરો સાથે ફોન પર વાત કરી હતી. આ દરમિયાન સબા અહેમદે ટનલની અંદરના જીવન વિશે અને કેવી રીતે અંધારી સુરંગમાં 17 દિવસ વિતાવ્યા તે વિશે જણાવ્યું.

દિલ્હી, 29 નવેમ્બર: વડાપ્રધાન નરેન્દ્ર મોદીએ 17 દિવસ બાદ ઉત્તરાખંડના સિલ્ક્યારા ટનલમાંથી સુરક્ષિત રીતે બહાર કાઢવામાં આવેલા કામદારો સાથે ફોન પર વાત કરી હતી. પીએમ મોદી સાથે ફોન પર ટનલમાં ફસાયેલા સબા અહેમદ સાથે વાત થઈ હતી. કોલ ઉપડતાની સાથે જ પીએમ મોદીએ સબા અહેમદને કહ્યું કે, ‘મેં મારો ટેલિફોન સ્પીકર પર મૂકી દીધો છે, કેમ કે મારી સાથે બેઠેલા લોકો પણ તમને સાંભળવા માંગે’.

પીએમ મોદીએ સબા અહેમદને કહ્યું કે, ‘સૌથી પહેલા હું તમને અને તમારા બધા સાથીઓને અભિનંદન આપું છું કે તમે ખૂબ જ ધીરજ રાખી છે, આટલા સંકટ પછી પણ તમે બહાર આવી ગયા છો. આ મારા માટે ખૂબ જ ખુશીની વાત છે. હું તેને શબ્દોમાં વર્ણવી શકતો નથી. કેદારનાથ બાબા અને ભગવાન બદ્રીનાથની કૃપાથી તમે બધા સુરક્ષિત રીતે આવ્યા છો’.

મોદીએ કહ્યું કે 16-17 દિવસનો સમય કંઈ ઓછો નથી, તમે લોકોએ ખૂબ હિંમત બતાવી છે. એકબીજાના ઉત્સાહને જાળવી રાખ્યો છે. આ સૌથી મોટી વાત છે. હું સતત માહિતી માંગતો હતો, મુખ્યમંત્રીના પણ સતત સંપર્કમાં હતો. મારા પીએમઓના અધિકારીઓ ત્યાં આવીને બેઠા હતા’.

પીએમ સાથે વાત કરતા સબા અહેમદે કહ્યું કે, ‘અમે આટલા દિવસો સુધી સુરંગમાં ફસાયેલા હતા, પરંતુ એક દિવસ માટે પણ અમારા કોઈમાં કોઈ પણ જાતની નબળાઈ કે કોઈ ગભરાટનો અનુભવ નતો થયો. અમે દરેક ભાઈઓની જેમ રહેતા હતા. કોઈને કંઈ થયું હોય તો અમે એક-બીજાની સાથે જ રહેતા. કોઈને કોઈ સમસ્યા થઈ નથી’.

સબા અહેમદે કહ્યું કે, ‘જ્યારે ખાવાનું આવતું ત્યારે અમે સાથે બેસીને એક જગ્યાએ જમતા, રાત્રે જમ્યા પછી તે બધાને ફરવા જવાનું કહેતો, ટનલ લેન અઢી કિલોમીટર લાંબી હતી, અમે તેમાં ચાલતા પણ હતા. આ પછી સવારે અમે બધાને મોર્નિંગ વોક અને યોગ કરવાનું કહેતા. આ પછી, અમે બધા ત્યાં યોગ કરતા અને ફરવા જતા, જેથી દરેકનું સ્વાસ્થ્ય સારું રહે’.

આ પછી ફોરમેન ગબ્બર સિંહે વડાપ્રધાન મોદી સાથે વાત કરી. પીએમ મોદીએ કહ્યું કે, ‘ગબ્બર સિંહ, હું તમને ખાસ અભિનંદન આપું છું, મુખ્યમંત્રી મને રોજ કહેતા હતા કે બધાને સાચવી લેનાર ગબ્બર સિંહ ટલનમાં બધાની સાથે છે. તમે બંનેએ જે નેતૃત્વ બતાવ્યું છે અને તમે જે ટીમ સ્પિરિટ બતાવી છે, મને લાગે છે કે કદાચ કોઈ યુનિવર્સિટીએ કેસ સ્ટડી તૈયાર કરવી પડશે કે ગબ્બર સિંહ નેગીના નેતૃત્વના ગુણો શું છે, જેમણે આખી ટીમને કટોકટીનો સમય મદદ કરી છે’. તેના પર ગબ્બર સિંહે વડાપ્રધાન મોદીને કહ્યું કે, ‘તમે બધાએ મને પ્રોત્સાહિત કર્યો છે’.

ગબ્બર સિંહે કહ્યું કે, ‘કંપનીએ પણ કોઈ કસર છોડી નથી. કેન્દ્ર અને રાજ્ય સરકારોએ મનોબળ જાળવી રાખ્યું હતુ. અમને અમારા બૌખનાગ બાબામાં ખૂબ શ્રદ્ધા હતી’.

પીએમ મોદીએ કહ્યું કે, ‘તમારા બધા પરિવારો ખૂબ ચિંતિત હતા. સમગ્ર દેશના 140 કરોડ લોકો ચિંતિત હતા. લોકો અમને સમાચાર પણ પૂછતા. તમારા પરિવારના સભ્યો પણ અભિનંદનને પાત્ર છે, જેમણે ધીરજ બતાવી અને આવા મુશ્કેલ સમયમાં સંપૂર્ણ સહકાર આપ્યો’.

પીએમ મોદીએ કહ્યું કે, ‘તમારી વચ્ચે કોઈ એવી વ્યક્તિ છે જેણે પહેલા પણ આવી સમસ્યાઓનો સામનો કર્યો હોય અને જેનો અનુભવ કામમાં આવ્યો હોય’. તેના પર ગબ્બર સિંહે કહ્યું કે, ‘હું એકવાર સિક્કિમમાં હતો, ત્યારે ભૂસ્ખલન થયું હતું. તે સમયે ભૂકંપ આવ્યો હતો. તે સમયે અમે ફસાયેલા હતા’.

પીએમ મોદીએ કહ્યું- આખી દુનિયામાં ખુશી છે

મોદીએ કહ્યું કે, ‘હાલમાં જ G20 સમિટ યોજાઈ હતી, જેમાં સમગ્ર વિશ્વના નેતાઓ ઉત્તરાખંડમાં બનેલી આ ઘટના અંગે ચિંતા વ્યક્ત કરી રહ્યા હતા. આખું ભારત તમારી સાથે હતું’. પીએમ મોદીએ અખિલેશને પૂછ્યું કે તમને અંદરની રાત દિવસની ખબર હતી? તેના પર અખિલેશે કહ્યું કે, ‘અમે મોબાઈલ જોઈને સમય જાણી લેતા હતા. બાદમાં અમને મોબાઈલ ચાર્જર મોકલવામાં આવ્યું, જેનાથી અમને મનોરંજન પણ મળી રેતુ હતું’.

વડાપ્રધાન મોદીએ બિહારના છપરા જિલ્લાના સોનુ કુમાર સાથે પણ વાત કરી હતી. સોનુએ સૌનો આભાર માન્યો હતો. પીએમ મોદીએ કહ્યું કે તમારી ધીરજ લોકોને પ્રેરિત કરશે કે સંકટના સમયે સંયમ કેવી રીતે જાળવવો. પીએમ મોદી સાથે વાત કર્યા બાદ કાર્યકરોએ ‘ભારત માતા કી જય’ના નારા પણ લગાવ્યા હતા.

સિલ્ક્યારા ટનલ 12મી નવેમ્બરે ખાડામાં પડી હતી

12 નવેમ્બરે સિલ્ક્યારા ટનલમાં સુરંગ તૂટી પડતાં 41 મજૂરો ફસાયા હતા. તેમને સલામત રીતે બહાર કાઢવાનું ઓપરેશન વારંવાર નિષ્ફળ રહ્યું હતું, પરંતુ હાર સ્વીકારવામાં આવી ન હતી. અમેરિકાના ઓગર મશીનનો ઉપયોગ બચાવ માટે કરવામાં આવ્યો હતો, પરંતુ તે તૂટી ગયા પછી, ઉંદર ખાણિયાઓએ બાકીનો કાટમાળ ખોદીને મંગળવારે (28 નવેમ્બરે) સાંજે તમામ કામદારોને પાઇપ વડે સુરક્ષિત બહાર કાઢવામાં આવ્યા હતા.

આ પણ વાંચો: સિલ્કયારા ટનલમાંથી રેસ્ક્યુ કરાયેલા મજૂરોને ધામી સરકાર આપશે રૂ.1-1 લાખની આર્થીક સહાય