મોરબી: 3જી ડિસેમ્બરથી કલા મહાકુંભનો આરંભ

મોરબી જિલ્લાના પાંચ તાલુકામાં 3જી ડિસેમ્બરથી અલગ-અલગ તારીખે કલા મહાકુંભ યોજાશે.

મોરબી, 28 નવેમ્બર: ગુજરાત સરકારના રમત ગમત યુવા અને સાંસ્કૃત્તિક પ્રવૃત્તિ વિભાગ, ગાંધીનગર તથા કમિશનર યુવક સેવા અને સાંસ્કૃત્તિક પ્રવૃત્તિઓની કચેરી ગાંધીનગર દ્વારા આયોજીત અને જિલ્લા યુવા અને સાંસ્કૃત્તિક પ્રવૃત્તિઓની કચેરી, મોરબી દ્વારા સંચાલીત કલા મહાકુંભ ૨૦૨૩-૨૪નો આરંભ તા. ૦૩/૧૨/૨૦૨૩ના રોજ મોરબીમાંથી થશે. ત્યાર બાદ અનેક મોરબી જિલ્લાના અનેક તાલુકાઓમાં અલગ-અલગ તારીખે કલા મહાકુંભનું આયોજન કરવામાં આવશે.

મોરબી સહિત આ પાંચ તાલુકામાં કલા મહાકુંભ યોજાશે: 

• 1. મોરબી, 2. વાંકાનેર, 3. હળવદ, 4. ટંકારા, 5. માળિયા (મિ) ખાતે અલગ-અલગ તારીખે કલા મહાકુંભ યોજાશે.

કલા અને સંસ્કૃત્તિના સુભગ સમન્વય દ્વારા આયોજીત તાલુકા કક્ષાનો આ કલા મહાકુંભ તમામ તાલુકામાં યોજાનાર છે. આ કલા મહાકુંભમાં રજીસ્ટ્રેશન કરાવેલ તમામ સ્પર્ધકોએ નિયત તારીખ, સ્થળ અને સમયે હાજર રહેવાનુ રહેશે.

કઈ તારીખે ક્યાં યોજાશે કલા મહાકુંભ:

• ૩ ડિસેમ્બરે મોરબી તાલુકા કક્ષાનો કલા મહાકુંભ અભિનવ સ્કુલ ખાતે સવારે ૮.૦૦ કલાકે યોજાશે.
• ૪ ડિસેમ્બરે વાંકાનેરમાં શ્રીમતિ એલ.કે. સંઘવી ગર્લ્સ હાઇસ્કુલ ખાતે સવારે : ૮.૦૦ કલાકે યોજાશે.
• ૯ ડિસેમ્બરે હળવદમાં મહર્ષિ ગુરૂકુળ ખાતે બપોરે ૨.૦૦ કલાકે યોજાશે.
• ૧૦ ડિસેમ્બરે ટંકારામાં નાલંદા વિદ્યાલય, વિરપર ખાતે સવારે : ૮.૦૦ કલાકે યોજાશે.
• ૧૧ ડિસેમ્બરે માળીયા (મિ.)માં મોડેલ સ્કુલ – મોટી બરાર ખાતે બપોરે : ૨.૦૦ કલાકે યોજાનાર છે.

તાલુકા કક્ષાની સ્પર્ધા પૂર્ણ થયા બાદ તાલુકા કક્ષાએ પ્રથમ વિજેતા થયેલ સ્પર્ધક તેમજ સીધી જિલ્લાકક્ષાએ શરૂ થતી સ્પર્ધામાં ફોર્મ ભરેલ તમામ સ્પર્ધકોએ તા. ૧૭/૧૨/૨૦૨૩ના રોજ સાર્થક વિદ્યામંદીર – મોરબી ખાતે સવારે ૮.૦૦ કલાકે રીપોર્ટીંગ કરવાનું રહેશે.

આ પણ વાંચો: BSFની ટ્રેનિંગ પૂર્ણ કરીને વતન આવેલા જવાનનું હાર્ટઍટેકથી મૃત્યુ, અંતિમ યાત્રામાં હજારો લોકો જોડાયા