25 વર્ષ બાદ સલમાન ખાન અને કરણ જોહર ફરી આવ્યા સાથે, જાણો કઈ ફિલ્મથી મચાવશે ધૂમ ?
- “ધ બુલ” નામની ફિલ્મથી સલમાન ખાન અને કરણ જોહરની જોડી
- 25 વર્ષ પહેલા સાથે બંનેની જોડીએ ‘કુછ કુછ હોતા હૈ’માં સાથે કર્યું હતું કામ
મુંબઈ, 25 નવેમ્બર : સલમાન ખાન અને કરણ જોહરે 25 વર્ષ પહેલા સાથે એક ફિલ્મ કરી હતી, કુછ કુછ હોતા હૈ. ત્યારથી આ જોડી ઘણીવાર એકબીજા સાથે પ્રોજેક્ટ કરવાની વાત કરતી રહી છે પરંતુ આજ સુધી કોઈ ફિલ્મ સાથે આવી નથી. હવે આખરે સલમાન ખાન અને કરણ જોહર એક સાથે ફિલ્મ કરવા જઈ રહ્યા છે. સલમાન ખાને પોતે આ સમાચારની પુષ્ટિ કરી છે અને ફિલ્મનું નામ “ધ બુલ” પણ જાહેર કર્યું છે.
સલમાન ખાને કરણ જોહર સાથેની ફિલ્મની કરી પુષ્ટિ
સલમાન અને કરણ 25 વર્ષ પછી ફરી એક ફિલ્મ કરવા માટે સાથે આવશે. અગાઉ એવું કહેવામાં આવી રહ્યું હતું કે, સલમાન ખાને વિષ્ણુ વર્ધન દ્વારા નિર્દેશિત ફિલ્મ સાઈન કરી છે, જેનું નિર્માણ કરણ જોહરના ધર્મા પ્રોડક્શન દ્વારા કરવામાં આવશે. હવે અભિનેતાએ ફિલ્મનું શીર્ષક જાહેર કર્યું છે. ઝૂમ સાથે વાત કરતા સલમાન ખાને કહ્યું, “હું ‘ધ બુલ’ નામની ફિલ્મ કરી રહ્યો છું. પછી દબંગ અને કિક તેમ કરીને 3-4 ફિલ્મો આવી રહી છે. ઉલ્લેખનીય છે કે, ‘ધ બુલ’ વિષ્ણુ વર્ધનની દિગ્દર્શિત ફિલ્મ છે, જ્યારે અગાઉ કરણે એક ઈન્ટરવ્યુમાં ખુલાસો કર્યો હતો કે તે ‘ધ બુલ’; નામની ફિલ્મમાં કામ કરી રહ્યા છે.
ધ બુલમાં સલમાન અર્ધલશ્કરી દળના અધિકારીની ભૂમિકા ભજવશે
મળતી માહિતી મુજબ, 1998માં આવેલી ફિલ્મ ‘કુછ કુછ હોતા હૈ’ બાદ હવે ‘ધ બુલ’થી સલમાન ખાન અને કરણ જોહરનું પુનઃમિલન થશે. અહેવાલ મુજબ, સલમાન ખાન ફિલ્મ ‘ધ બુલ’માં અર્ધલશ્કરી અધિકારીની ભૂમિકા ભજવશે જે એક એક્શનથી ભરપૂર મિશન પર જશે. અહેવાલ મુજબ, સૂત્રએ માહિતી આપી હતી કે, “ટાઈગર 3 પછી , આ સલમાનની આગામી ફિલ્મ હશે. આ ફિલ્મ નવેમ્બર 2023માં ફ્લોર પર જશે અને 7થી 8 મહિનાના સમયગાળામાં શેડ્યૂલમાં શૂટ કરવામાં આવશે.
‘ટાઈગર 3’ ઝડપથી 300 કરોડની કમાણી તરફ વધી રહી છે આગળ
સલમાન ખાનની ટાઈગર 3ની વાત કરીએ તો આ ફિલ્મે સ્થાનિક બજારમાં 250 કરોડ રૂપિયાથી વધુનો બિઝનેસ કર્યો છે અને હવે તે ઝડપથી 300 કરોડ રૂપિયાનો આંકડો પાર કરવા તરફ આગળ વધી રહી છે. આ ફિલ્મે વિશ્વભરમાં 400 કરોડ રૂપિયાનો આંકડો પણ પાર કરી લીધો છે. ટાઇગર 3 માં સલમાન ખાન, કેટરિના કૈફ, રેવતી, ઇમરાન હાશ્મી સહિત ઘણા કલાકારોએ મહત્વની ભૂમિકાઓ ભજવી છે. શાહરૂખ ખાન અને રિતિક રોશને પણ ફિલ્મમાં કેમિયો કર્યો છે. તે ટાઇગર ફ્રેન્ચાઇઝીનો ત્રીજો ભાગ અને YRFના જાસૂસ યુનિવર્સની પાંચમી ફિલ્મ છે. સલમાન ખાન હાલમાં ‘ટાઈગર 3’ની સફળતાનો આનંદ માણી રહ્યો છે. સલમાન ખાન અને કરણ જોહર 25 વર્ષ પછી ફરી એક થઈ રહ્યા છે. બોલિવૂડના સલમાન ખાને કરણ જોહર સાથેની તેની ફિલ્મ કન્ફર્મ કરી અને તેનું ટાઈટલ પણ જાહેર કર્યું છે.
આ પણ જુઓ :‘Kantara Chapter-1’નો પહેલો લૂક ક્યારે જાહેર થશે? રિષભ શેટ્ટીએ પોસ્ટ કરી તારીખ
