સુપ્રીમ કોર્ટના પ્રથમ મહિલા જજ ફાતિમા બીવીનું 96 વર્ષની વયે લાંબી બીમારી બાદ નિધન

• કેરળના રાજ્યપાલ આરિફ મોહમ્મદ ખાન અને રાજયના સ્વાસ્થ્ય મંત્રી વીણા જયોર્જે શોક વ્યક્ત કર્યો

કેરળ,23 નવેમ્બર : સુપ્રીમ કોર્ટના પ્રથમ મહિલા જજ અને તમિલનાડુના પૂર્વ રાજ્યપાલ જસ્ટિસ ફાતિમા બીવીનું ગુરુવારે 96 વર્ષની વયે લાંબી બીમારી બાદ નિધન થયું છે. જસ્ટિસ ફાતિમા બીવીનું કોલ્લમની એક ખાનગી હોસ્પિટલમાં અંતિમ શ્વાસ લીધા છે. કેરળના રાજ્યપાલ આરિફ મોહમ્મદ ખાન અને રાજયના સ્વાસ્થ્ય મંત્રી વીણા જયોર્જે તેમના નિધન પર શોક વ્યક્ત કર્યો છે.

 

Hon’ble Governor Shri Arif Mohammed Khan said: “The contributions of Justice M. Fathima Beevi reflect her profound social commitment. Mayher soul rest in eternal peace”, he said:PRO,KeralaRajbhavan (Tweet 2/2) pic.twitter.com/x79dPhX7B1

— Kerala Governor (@KeralaGovernor) November 23, 2023

1983માં કેરળ હાઈકોર્ટ અને 1989માં સુપ્રીમ કોર્ટના જજ તરીકે નિયુક્ત થયા

ફાતિમા બીવીનો જન્મ 1927માં કેરળના પઠાણમિથામાં થયો હતો. મહિલા કોલેજ, તિરુવનંતપુરમમાંથી રસાયણશાસ્ત્રમાં ફર્સ્ટ ક્લાસ મેળવ્યા બાદ તેણે સરકારી લો કોલેજમાં પ્રવેશ મેળવ્યો. લો ગોલ્ડ મેડાલિસ્ટ ફાતિમા બીબીએ 1950માં કોલ્લમમાં પોતાની કાનૂની કારકિર્દી શરૂ કરી હતી. તેઓ 1983માં કેરળ હાઈકોર્ટ અને 1989માં સુપ્રીમ કોર્ટના જજ તરીકે નિયુક્ત થયા હતા.

કેરળમાંથી કાયદામાં સ્નાતક થનારી તે પ્રથમ મહિલા બની હતી. એર્નાકુલમની લો કોલેજમાંથી કાયદો પાસ કર્યા પછી, ફાતિમા બીવીએ 50ના દાયકામાં ન્યાયતંત્રમાં તેની કારકિર્દી શરૂ કરી હતી. શરૂઆતમાં વકીલ તરીકે કામ કરવાનું શરૂ કર્યું પરંતુ બાદમાં તેમને જ્યુડિશિયલ મેજિસ્ટ્રેટના પદ પર બઢતી આપવામાં આવી હતી. કેરળમાં મેજિસ્ટ્રેટનું પદ સંભાળનાર તે પ્રથમ મુસ્લિમ મહિલા હતી.

ફાતિમા બીવી સમગ્ર એશિયામાંથી સુપ્રીમ કોર્ટમાં નિયુક્ત થનારી પ્રથમ મહિલા

1983માં તેમની કેરળ હાઈકોર્ટમાં જજ તરીકે નિમણૂક કરવામાં આવી હતી. ત્યારબાદ 1989માં ફાતિમાને સુપ્રીમ કોર્ટના જજ તરીકે નિયુક્ત કરવામાં આવ્યા હતા. તે માત્ર ભારતમાંથી જ નહીં પરંતુ એશિયામાંથી પણ સુપ્રીમ કોર્ટમાં નિયુક્ત થનારી પ્રથમ મહિલા છે. ફાતિમા 1993માં ન્યાયાધીશના પદ પરથી નિવૃત્ત થયા હતા. તેમણે નિવૃત્તિ પછી વહીવટી પદ પણ સંભાળ્યું હતું. લાંબા સમય સુધી તમિલનાડુના રાજ્યપાલ તરીકે સેવા આપી. તેણે લઘુમતી મહિલાઓ સાથે પણ કામ કર્યું. તેમના મૃત્યુથી કાનૂની સમુદાયમાં શોકની છાયા છવાઈ ગઈ હતી. 1993માં ન્યાયતંત્રમાંથી નિવૃત્ત થયા બાદ તેમને રાષ્ટ્રીય માનવ અધિકાર પંચના સભ્ય બનાવવામાં આવ્યા હતા. તેઓ 1997 થી 2001 સુધી પડોશી રાજ્ય કેરળના રાજ્યપાલ હતા. ફાતિમાએ રાજ્યપાલના પદ પરથી રાજીનામું આપ્યું અને રાજીવ ગાંધીના હત્યારાઓની ફાંસીની સજા રદ કરવાની અરજી ફગાવી દેતી ફાઇલ પર હસ્તાક્ષર કર્યાના દિવસે કેરળ પરત ફર્યા.

આ પણ જુઓ :સહારાના વડા સુબ્રત રોયનું લાંબી માંદગી બાદ નિધન, મુંબઈમાં લીધા અંતિમ શ્વાસ