NIAએ જબલપુર મોડ્યુલ કેસના 4 આરોપીઓ વિરૂધ્ધ ચાર્જશીટ દાખલ કરી

• મંગળવારે NIA દ્વારા આરોપીઓ વિરૂધ્ધ ચાર્જશીટ દાખલ કરવામાં આવી
• મુસ્લિમ યુવાનોનું બ્રેઈન વોશ કરીને તેમને કટ્ટ્રરવાદી વિચારધારાથી પ્રભાવિત કરતા હતા
• આ મોડ્યુલ સ્થાનિક ધાર્મિક સ્થળો અને ઘરોમાં સભાઓનું આયોજન કરતું હતું અને હેચિંગ કરતું હતું

નવી દિલ્હી: દેશમાં આતંક અને હિંસા ફેલાવવાના વૈશ્વિક આતંકવાદી જૂથો દ્વારા કરવામાં આવી રહેલા પ્રયાસોને નિષ્ફળ બનાવવાના ભાગરૂપે રાષ્ટ્રીય તપાસ એજન્સી (NIA) દ્વારા ચાર આરોપીઓની ધરપકડ કરવામાં આવી હતી. ચારે આરોપીઓ જબલપુર ISIS મોડ્યુલના સભ્યો છે. મંગળવારે NIA દ્વારા આરોપીઓ વિરૂધ્ધ ચાર્જશીટ દાખલ કરવામાં આવી છે.

NIAએ આ વર્ષે મે મહિનામાં સૈયદ મમૂર અલી, મોહમ્મદ આદિલ ખાન અને મોહમ્મદ શાહિદ ખાન તરીકે ઓળખાતા ત્રણ આરોપીઓની ધરપકડ કરી હતી. જેઓ દેશ વિરોધી ગતિવિધિઓમાં સામેલ હતા. મોહમ્મદ આદિલ ખાન ISISને લઈને સોશિયલ મીડિયા પર પોસ્ટ કરતો હતો. સૈયદ મામૂર અલીએ સોશિયલ મીડિયા પર એક જૂથ બનાવ્યું હતું અને તે ગેરકાયદેસર હથિયારોની સપ્લાયમાં સામેલ હતો. તેની પાસેથી ગેરકાયદેસર હથિયારો અને વાંધાજનક દસ્તાવેજો મળી આવ્યા હતા. ત્યારબાદ NIAની ટીમે ઓગષ્ટ મહિનામાં અગાઉ ધરપકડ કરાયેલા ત્રણ આરોપીઓના સહયોગી કાસિફ ખાનની પણ ધરપકડ કરી હતી. તેના પર મુસ્લિમ યુવાનોનું બ્રેઈનવોશ કરવાનો અને તેમને કટ્ટરવાદી વિચારધારાથી પ્રભાવિત કરવાનો આરોપ છે. NIAની ટીમ આરોપીની ધરપકડ કરીને તેને ભોપાલ લઈ ગઈ હતી. આ ષડયંત્ર ISIS (ઈસ્લામિક સ્ટેટ ઑફ ઈરાક એન્ડ સીરિયા, અથવા ઈસ્લામિક સ્ટેટ) દ્વારા કાર્યક્રમો અને વિવિધ સોશિયલ મીડિયા પ્લેટફોર્મ દ્વારા કટ્ટરપંથી મુસ્લિમ યુવાનોના બ્રેઈન વોશ કરવા સાથે સંબંધિત છે.

NIAની અત્યાર સુધીની તપાસમાં જાણવા મળ્યું છે કે, આરોપીઓ પ્રતિબંધિત આતંકવાદી સંગઠન ISISની વિચારધારાથી પ્રેરિત હતા. તેઓ અગ્રણી નેતાઓ સહિત લોકતાંત્રિક સંસ્થાઓ અને વ્યક્તિઓને નિશાન બનાવવા સક્રિય રીતે કામ કરી રહ્યા હતા. આ મોડ્યુલ સ્થાનિક ધાર્મિક સ્થળો અને ઘરોમાં સભાઓનું આયોજન કરતું હતું અને હેચિંગ કરતું હતું તેમજ ISISના કહેવા પર હિંસક હુમલા કરીને દેશમાં આતંક ફેલાવવાની યોજના હતી. આરોપીઓ ભંડોળ એકત્ર કરવાની સાથે ISISનો પ્રચાર પ્રસાર પણ કરતા હતા. આરોપીઓ મુસ્લિમ યુવાનોનું બ્રેઈન વોશ કરીને તેમને કટ્ટ્રરવાદી વિચારધારાથી પ્રભાવિત કરતા હતા.

NIAની તપાસમાં જાણવા મળ્યું છે કે, આ મોડ્યુલ સમગ્ર રાજ્યોમાં કાર્યરત સ્થાનિક એકમો અને સ્લીપર સેલ દ્વારા ભારતને અસ્થિર કરવા માટે ISISના વૈશ્વિક નેટવર્કનો એક ભાગ હતો. NIAના એક અધિકારીએ જણાવ્યું હતું કે, કાસિફ ખાન અન્યો સાથે મળીને વિશ્વમાં આતંક મચાવનાર આંતરરાષ્ટ્રીય આતંકવાદી ઇસ્લામિક જૂથ ISIS માટે કામ કરવા માટે મુસ્લિમ યુવાનોને કટ્ટરપંથી બનાવવા માટે ‘દાવા’ કાર્યક્રમોનું આયોજન કરવામાં સામેલ હતો.

આ પણ વાંચો, નકલી ચલણી નોટોના કેસમાં કસૂરવાર ઠરેલા ત્રણ આરોપીને સજા