નકલી ચલણી નોટોના કેસમાં કસૂરવાર ઠરેલા ત્રણ આરોપીને સજા
નવી દિલ્હી, 22 નવેમ્બર: બાંગ્લાદેશમાંથી નકલી ભારતીય ચલણી નોટો (FICN)ની દાણચોરીના મામલામાં 21 નવેમ્બરે ત્રણ આરોપીઓને પાંચ વર્ષની જેલની સજા ફટકારવામાં આવી છે. લખનૌની નેશનલ ઇન્વેસ્ટિગેશન એજન્સી (NIA) કોર્ટે નકલી કરન્સી સપ્લાય નેટવર્કમાં સંડોવણી બદલ ત્રણ લોકોને દોષિત ઠેરવ્યા અને સજા સંભળાવી. NIA અધિકારીઓએ મંગળવારે મીડિયાને આપેલી એક નોંધમાં જણાવ્યું હતું કે લખનૌની NIA સ્પેશિયલ કોર્ટે મુરાદ આલમ, તૌસીફ આલમ અને સરીફુલ ઈસ્લામને તેમના અપરાધ બદલ ત્રણ વર્ષની સજા ફટકારી છે.
3 Convicted by NIA Special Court, Lucknow, in Ghaziabad Fake Currency Case pic.twitter.com/tocyeD8IVB
— NIA India (@NIA_India) November 21, 2023
4 વર્ષ બાદ આરોપીઓને સજા ફટકારાઈ
મોહમ્મદ મુરાદ આલમના પાસેથી 2.49 લાખ રૂપિયાની કુલ ફેસ વેલ્યુ ધરાવતા FICNની રિકવરી બાદ ડિસેમ્બર 2019માં UP ATS દ્વારા શરૂઆતમાં કેસ નોંધવામાં આવ્યો હતો. NIAએ ફેબ્રુઆરી 2020માં ફરીથી આ અંગે કેસ દાખલ કરીને તપાસ હાથ ધરી હતી. તપાસમાં બહાર આવ્યું છે કે, મુરાદ આલમને નકલી નોટોનું કન્સાઈનમેન્ટ તૌસીફ આલમ પાસેથી મળ્યું હતું અને તેને શાહનવાજ અન્સારીને ડિલિવરી માટે લઈ ગયો હતો. આ કન્સાઇનમેન્ટ તૌસીફ આલમને આરોપી સરીફુલ ઇસ્લામ દ્વારા સપ્લાય કરવામાં આવ્યું હતું, જેના બાંગ્લાદેશમાં સંપર્કો હતા જ્યાંથી તે નકલી ચલણ મેળવતો હતો.
NIAએ જણાવ્યું કે, વધુ તપાસમાં જાણવા મળ્યું છે કે તમામ આરોપીઓ FICN સપ્લાય નેટવર્કના સભ્યો હતા અને નકલી ચલણી નોટો કથિત રીતે સરહદ પારથી દાણચોરી કરવામાં આવી હતી. તેઓએ જણાવ્યું હતું કે આરોપીઓએ એફઆઈસીએનની દાણચોરી, વેચાણનું કાવતરું ઘડ્યું હતું, અને દેશના જુદા જુદા ભાગોમાં વ્યક્તિઓ-માલસામાનોને વધુ ફરતા અને સપ્લાય કરતા પહેલા પોતાના પાસે કન્સાઈનમેન્ટ રાખ્યું હતું. જો કે, તમામ આરોપો સાચા સાબિત થતા આ ત્રણેયને IPC અને UA(P) એક્ટની વિવિધ કલમો હેઠળ નોંધાયેલા અલગ-અલગ ગુનાઓ માટે દંડ અથવા અને 5 વર્ષની સખત કેદની સજા કરવામાં આવી છે.
આ પણ વાંચો: કેનેડિયન નાગરિકો માટે ભારતે ફરી શરૂ કરી ઈ-વિઝા સેવાઓ, સંબંધો સુધરશે
