શ્રીલંકા પાસેથી અંડર-19 વર્લ્ડ કપની યજમાની છીનવાઈ, જાણો હવે આ ટુર્નામેન્ટ ક્યાં યોજાશે

• શ્રીલંકા ક્રિકેટ બોર્ડને ICCએ વધુ એક ઝટકો આપ્યો છે. શ્રીલંકામાં યોજાનાર U-19 World Cup 2024 હવે દક્ષિણ આફ્રિકામાં યોજાશે.

U-19 World Cup 2024: શ્રીલંકન ક્રિકેટ બોર્ડ અત્યારે ખરાબ સમયમાંથી પસાર થઈ રહ્યું છે. શ્રીલંકાની ટીમ કારમી હારનો સામનો કરીને વર્લ્ડ કપ 2023માંથી બહાર થઈ ગઈ હતી. હવે બીજી મુશ્કેલી વધી છે. ICCએ શ્રીલંકા પાસેથી અંડર-19 વર્લ્ડ કપ 2024ની યજમાની છીનવી લીધી છે. શ્રીલંકા ક્રિકેટ બોર્ડમાં ચાલી રહેલી ગરબડને ધ્યાનમાં રાખીને આ નિર્ણય લેવામાં આવ્યો છે. આઈસીસીએ અંડર-19 વર્લ્ડ કપ 2024ની યજમાની જવાબદારી હવે દક્ષિણ આફ્રિકા સોંપી છે. ICCએ આ અંગે લાંબી બેઠક યોજી હતી અને અંતે નિર્ણય લેવામાં આવ્યો હતો કે હોસ્ટિંગ દક્ષિણ આફ્રિકાને આપવામાં આવશે.

Sri Lanka will no longer host the ICC Under-19 Men’s Cricket World Cup 2024, which will now be held in South Africa: ICC pic.twitter.com/TIxRZaMfOX

— ANI (@ANI) November 21, 2023

અંડર-19 વર્લ્ડ કપ 2024નું આયોજન આવતા વર્ષે જાન્યુઆરી-ફેબ્રુઆરીમાં થવાનું છે. આ પહેલા શ્રીલંકાના ખેલ મંત્રીએ વર્લ્ડ કપ 2023માં ખરાબ પ્રદર્શનને કારણે સમગ્ર બોર્ડને બરતરફ કરી દીધું હતું. ICCએ આને બોર્ડમાં સરકારની દખલ ગણાવી અને શ્રીલંકાના બોર્ડને સસ્પેન્ડ કરી દીધું હતું. હવે શ્રીલંકા ક્રિકેટ બોર્ડને બીજો ફટકો પડ્યો છે.

રિપોર્ટ અનુસાર, શ્રીલંકન બોર્ડમાં ચાલી રહેલી અનિશ્ચિતતાના કારણે અંડર-19 વર્લ્ડ કપ 2024ની યજમાની દક્ષિણ આફ્રિકાને સોંપવામાં આવી છે. આઈસીસીએ હજુ પણ શ્રીલંકાના બોર્ડને સસ્પેન્ડ કરવાનો નિર્ણય જાળવી રાખ્યો છે. શ્રીલંકા ક્રિકેટ બોર્ડને 10 નવેમ્બરે સસ્પેન્ડ કરવામાં આવ્યું હતું. જો અહેવાલો પર વિશ્વાસ કરવામાં આવે તો, સસ્પેન્શનથી ત્યાંના ક્રિકેટ પર કોઈ અસર નહીં થાય. શ્રીલંકામાં ક્રિકેટ ચાલુ રહેશે.

વર્લ્ડ કપ 2023માં શ્રીલંકાએ ખૂબ જ ખરાબ પ્રદર્શન કર્યું હતું. ટીમ પોઈન્ટ ટેબલમાં 9મા ક્રમે હતી. શ્રીલંકાએ 9 મેચ રમી માત્ર 2 જીતી હતી. તેને 7 મેચમાં હારનો સામનો કરવો પડ્યો હતો. શ્રીલંકાએ આ વર્લ્ડ કપમાં તેની પ્રથમ મેચ દક્ષિણ આફ્રિકા સામે રમી હતી. આ મેચમાં તેને 102 રનથી હારનો સામનો કરવો પડ્યો હતો. શ્રીલંકાને પાકિસ્તાને 6 વિકેટે અને ઓસ્ટ્રેલિયાને 5 વિકેટે હરાવ્યું હતું. શ્રીલંકાએ નેધરલેન્ડ અને ઈંગ્લેન્ડ સામે જીત મેળવી હતી. આ પછી તેને ભારત સામે 302 રનથી હારનો સામનો કરવો પડ્યો હતો.

આ પણ વાંચો: ટીમ ઈન્ડિયાના કેપ્ટન સાથે ટીમ ભારતના કેપ્ટનના લાગણીભર્યાં દૃશ્યો, જૂઓ વીડિયો