વડોદરા: નશામાં ધૂત ડ્રાઈવરે એસટી બસ ચલાવી અને પછી…
- શહેરના એસટી બસચાલકે ફુલ નશો કર્યો હતો
- પોલીસે બસ ચાલકની અટકાયત કરી છે
- ઘટના વડોદરાથી વ્યારા થઈ માણસા જતી બસમાં બની
વડોદરામાં એસટી ડ્રાઈવરની ઘોર બેદરકારી સામે આવી છે. તેમાં નશામાં બસ ચલાવી હતી. જેમાં વડોદરામાં એસટી બસચાલકે ફુલ નશો કર્યો હતો. તથા નશાની હાલતમાં બસ ચલાવી રહ્યાનો આક્ષેપ મુસાફરોએ કર્યો હતો. તેથી પોલીસે બસ ચાલકની અટકાયત કરી છે.
આ પણ વાંચો: અમદાવાદમાં હેવાનિયતની હદ વટાવતો કિસ્સો સામે આવ્યો
બસ સ્ટેશન પર મોટી સંખ્યામાં લોકોની ભીડ
વડોદરામાંથી એક ચોંકાવનારો કિસ્સો સામે આવ્યો છે. દિવાળીના દિવસો હોઈ હાલમાં ગુજરાતના દરેક બસ સ્ટેશન પર મોટી સંખ્યામાં લોકોની ભીડ જોવાઈ રહી છે. ત્યારે વડોદરામાં પણ મોટી સંખ્યામાં લોકો હાલમાં એસટી બસ સેવાનો લાભ લઈ રહ્યા છે ત્યારે આ મામલે એક ચોંકાવનારી ઘટના સામે આવી છે. અહીં એક નશામાં ધૂત એક બસ ડ્રાઈવરને બસ ચલાવતા ઝડપી લેવામાં આવ્યો છે.
આ પણ વાંચો: જામનગર-રાજકોટ હાઈવે પર ત્રિપલ અકસ્માતમાં એકનું મોત
ઘટના વડોદરાથી વ્યારા થઈ માણસા જતી બસમાં બની
આ મામલે વધુ જાણકારી અનુસાર આ ઘટના વડોદરાથી વ્યારા થઈ માણસા જતી બસમાં બનવા પામી હતી. આ બસના ડ્રાઈવરનું નામ દિપક સુતરિયા હોવાનું સામે આવ્યું છે. આ ડ્રાઈવરે નશો કરેલી હાલતમાં બસ ચલાવવાનું શરૂ કર્યું હતું. જો કે મુસાફરોનો જીવ અદ્ધર ચડતા આખરે પોલીસને આ મામલે જાણ કરવામાં આવી હતી જેના પછી પોલીસે કાર્યવાહી કરીને બસને તેના રૂટ પર કોર્ડન કરી આગળ વધતા અટકાવી હતી. સમા તળાવ આગળ પોલીસે બસને કોર્ડન કરીને અટકાવી હતી. જેના પછી પોલીસ દ્વારા જ કાર્યવાહી કરીને આ બસ ચાલક દિપક સુતરિયાની અટકાયત કરવામાં આવી હતી.
