અમરેલીઃ ધારીમાં પૂર્વ મંત્રી અને ભાજપ નેતા મધુબેન જોશીની હત્યા

ભાઈ બીજના તહેવારે અમરેલીના ધારીમાં ખૂની ખેલ ખેલાયો હતો. ધારીમાં પૂર્વ મંત્રી અને ભાજપ નેતા મધુબેન જોશીની હત્યાથી સમગ્ર પંથકમાં ચકચાર મચી ગઈ છે. એટલું જ નહીં મહિલા નેતાના પુત્ર પણ જીવલેણ હુમલો કરવામાં આવ્યો છે.

પતિ અને દીકરા પર પણ પાડોશીનો જીવલેણ હુમલો

મધુબેન જોશીના પતિ અને દીકરા પર પણ જીવલેણ હુમલો કરનાર તેમનો પાડોશી નીકળ્યો છે. પાડોશીએ સામાન્ય બોલાચાલીમાં આવો ખૂની ખેલ ખેલ્યો હતો. પાડોશીના હુમલામાં ઘવાયેલા મધુબેનને ગંભીર હાલતમાં અમરેલીની હોસ્પિટલામાં ખસેડવામાં આવ્યાં હતા જ્યાં તેમનું અવસાન થયું હતું. મધુબેનની હત્યા અને તેમના પરિવાર પર થયેલા જીવલેણ હુમલા બાદ ચકચાર મચી હતી. પોલીસે ગુનો નોંધી તપાસ હાથ ધરી છે.