‘KAALI’નો વિવાદઃ મહુઆ મોઈત્રાએ અનફોલો કર્યું TMCનું ટ્વિટર હેન્ડલ
ડોક્યુમેન્ટરી ફિલ્મ ‘કાલી‘ના પોસ્ટરને લઈને વિવાદ ચાલુ છે. આ બધાની વચ્ચે પશ્ચિમ બંગાળના તૃણમૂલ કોંગ્રેસના સાંસદ મહુઆ મોઇત્રાએ TMCના સત્તાવાર ટ્વિટર હેન્ડલને અનફોલો કરી દીધું છે. TMC સાંસદ મહુઆ મોઇત્રાએ ફિલ્મના પોસ્ટર પર વિવાદ વચ્ચે માતા કાલી અંગે નિવેદન આપ્યું હતું, ત્યારબાદ તૃણમૂલ કોંગ્રેસે મહુવા મોઈત્રાના નિવેદનથી પક્ષને દૂર જ રાખ્યો છે. જોકે, મહુઆ મોઇત્રા હાલમાં પશ્ચિમ બંગાળના મુખ્યમંત્રી મમતા બેનર્જીને ટ્વિટર પર ફોલો કરી રહી છે.
To all you sanghis- lying will NOT make you better hindus.
I NEVER backed any film or poster or mentioned the word smoking.Suggest you visit my Maa Kali in Tarapith to see what food & drink is offered as bhog.
Joy Ma Tara— Mahua Moitra (@MahuaMoitra) July 5, 2022
ફિલ્મના પોસ્ટરમાં મા કાલી સિગારેટ પીતી બતાવવામાં આવી હતી. આ સાથે એક હાથમાં LGBT સમુદાયનો ધ્વજ પણ દેખાય છે. આ ફિલ્મ નિર્માતા લીના મણિમેકલાઈની ફિલ્મ છે.
મહુઆ મોઇત્રાએ TMC કેમ અનફોલો કર્યું?
સાંસદ મહુઆ મોઇત્રાના માતા કાલી અંગેના નિવેદન બાદ TMCએ તેનાથી અંતર બનાવી લીધું છે. હવે મોઇત્રાએ ટીએમસીના સત્તાવાર ટ્વિટર હેન્ડલને અનફોલો કરી દીધું છે. જણાવી દઈએ કે તૃણમૂલ કોંગ્રેસના સાંસદ મહુઆ મોઈત્રાએ મંગળવારે હિન્દુઓની દેવી કાલી પર ટિપ્પણી કરી હતી. ટીએમસી સાંસદે કહ્યું હતું કે મા કાલી તેમના માટે માંસ ખાનાર, દારૂ પીનાર દેવી છે. તેણે આ વાત કાલી ફિલ્મના પોસ્ટર વિવાદ અંગે પૂછવામાં આવેલા પ્રશ્નના જવાબમાં કહી હતી. જોકે, બાદમાં તેણે સ્પષ્ટતા પણ કરી હતી.
મહુઆ મોઇત્રાએ શું કહ્યું?
ટીએમસી સાંસદ મહુઆ મોઇત્રાએ કહ્યું હતું કે જ્યારે તમે સિક્કિમ જશો ત્યારે તમે જોશો કે તેઓ કાલી દેવીને વ્હિસ્કી અર્પણ કરે છે, પરંતુ જો તમે યુપી જશો તો તેઓ તેને દેવીનું અપમાન માનશે. ઉલ્લેખનીય છે કે, તાજેતરમાં જ ડોક્યુમેન્ટરી ફિલ્મ ‘કાલી’નું પોસ્ટર સોશિયલ મીડિયા પર વાયરલ થયું હતું. લોકોનું માનવું છે કે આ પોસ્ટર હિન્દુ દેવી-દેવતાનું અપમાન છે અને ધાર્મિક ભાવનાઓને ઠેસ પહોંચાડે છે. આ ફિલ્મ પર પ્રતિબંધ મૂકવાની પણ માંગ કરવામાં આવી છે.
