અલ્લુ અર્જુને દીકરી અરહા સાથે દિવાળીની ઉજવણી કરી, જુઓ વીડિયો
- પુષ્પા ફેમ અલ્લુ અર્જુને હૈદરાબાદમાં પોતાના પરિવાર સાથે દિવાળીની ઉજવણી કરી હતી
- તેમણે તેમની પુત્રી સાથે આ તહેવારનો ખૂબ જ આનંદ માણ્યો હતો
હૈદરાબાદ : અભિનેતા અલ્લુ અર્જુને તેમના પરિવારના સભ્યો સાથે તહેવારોનો સૌથી વધુ આનંદ માણ્યો હતો. પુત્રી અરહા સાથે ફટાકડા ફોડવાની મજા લેતો તેમનો એક વીડિયો વાયરલ થયો છે. જેમાં અલ્લુ અર્જુન તેમની પુત્રીનો હાથ પકડે છે અને ફટાકડા સળગાવે છે. ફટાકડા સળગાવ્યા પછી અભિનેતાએ અરહાનો હાથ પકડ્યો અને તેના માટે લાઇનમાં મૂકેલા બીજા કેટલાક ફટાકડા સળગાવવામાં પણ મદદ કરી. ફટાકડા ફોડ્યા બાદ તેઓએ આકાશમાં કેટલાક વધુ ફટાકડા ફૂટતા જોયા અને સાથે સાથે વાત કરતા પણ જોવા મળ્યા હતા.
વીડિયોમાં અલ્લુ અર્જુન અને અરહા તેમના હૈદરાબાદના ઘરની બહાર ફટાકડા ફોડતી વખતે ઉત્સાહિત જોવા મળ્યા હતા. અલ્લુ અર્જુને સફેદ રંગમાં એથનિક લુક રાખ્યો હતો જ્યારે નાની અરહાએ મેચિંગ સફેદ લહેંગા પહેર્યો હતો.
View this post on Instagram
અલ્લુ અર્જુન અને તેમના પરિવારે તેમના નજીકના લોકો સાથે આ પ્રસંગની ઉજવણી કરી હતી. અગાઉ તેમની પત્ની સ્નેહા રેડ્ડીએ તેમના ઘરેથી ઝલક શેર કરી હતી. તેઓએ પૂજાનું આયોજન કર્યું હતું. તેમણે સોશિયલ મીડિયામાં પોસ્ટ કરી હતી જેમાં લખ્યુ હતુ કે, મારો દિવસ પ્રિયજનો સાથે ઉજવવામાં, ખાવામાં અને પ્રિય યાદો બનાવવામાં વિતાવ્યો. બધા માટે પ્રેમ અને પ્રકાશ.
View this post on Instagram
સ્નેહા અને અલ્લુ અર્જુને સેલેબ્સ દ્વારા આયોજિત કેટલીક દિવાળી પાર્ટીઓમાં પણ હાજરી આપી હતી. મહેશ બાબુ અને પત્ની નમ્રતા શિરોડકરે ભવ્ય પાર્ટી યોજી હતી જેમાં ઘણી હસ્તીઓએ હાજરી આપી હતી. તેમાં સ્નેહા અને અલ્લુ અર્જુન ઉપરાંત, વેંકટેશ, રામ ચરણ અને તેમની પત્ની ઉપાસના કામિનેની કોનિડેલા જેવી ઘણી હસ્તીઓ જોવા મળી હતી. એનટીઆર જુનિયર અને તેમની પત્ની પ્રણતિએ પણ દિવાળીની ઉજવણીમાં ભાગ લીધો હતો.
અલ્લુ ટૂંક સમયમાં તેમની આગામી સિક્વલ પુષ્પાઃ ધ રૂલમાં પુષ્પા તરીકેની તેમની આઇકોનિક ભૂમિકા ફરી રજૂ કરશે. તાજેતરમાં પુષ્પાઃ ધ રાઇઝમાં તેમની ભૂમિકા માટે નેશનલ એવોર્ડ મળ્યો હતો.
આ પણ વાંચો, ખાલિસ્તાની આતંકી પન્નુ ભારતીય હાઈ કમિશનરની “નાગરિક ધરપકડ” કરવા માગે છે!
