બોલિવૂડ સ્ટાર્સ આ વર્ષે કેવી રીતે ઉજવી રહ્યા છે દિવાળી?
- દિવાળીના તહેવારની બોલિવૂડ સેલિબ્રિટીઓ દ્વારા ધમાકેદાર ઉજવણી
- અમિતાભ બચ્ચનના “જલસા” અને શાહરૂખ ખાનના “મન્નત” ખાતે દિવાળી પાર્ટીનું આયોજન
- રજનીકાંતે પોતાના નિવાસસ્થાન પરથી ચાહકોને દિવાળીની શુભકામનાઓ પાઠવી
- માધુરી દીક્ષિત, એકતા કપૂર અને સારા અલી ખાન સુધીના બી-ટાઉન સેલેબ્સ દ્વારા દિવાળીની ઉજવણી
દિવાળીના તહેવારને ગણેશ ચતુર્થી અથવા હોળીની સરખામણીમાં હિન્દી ફિલ્મોમાં બહુ સ્ક્રીન સ્પેસ મળ્યું નથી, પરંતુ તે બોલિવૂડ સેલિબ્રિટીઓ દ્વારા વાસ્તવિક જીવનમાં ધમાકેદાર રીતે ઉજવવામાં આવે છે. પછી ભલે તે અમિતાભ બચ્ચન દ્વારા તેના નિવાસસ્થાન જલસા અને શાહરૂખ ખાન દ્વારા તેના ઘરે મન્નત ખાતે આયોજિત પાર્ટીઓ હોય, અથવા મનીષ મલ્હોત્રા અને એકતા કપૂર દ્વારા આયોજિત પાર્ટીઓ હોય, જેઓ તેમની વંશ પરંપરાગત રીતે દિવાળીની પાર્ટીમાં ભેગા થાય છે. દિગ્ગજ કલાકાર રજનીકાંતે પણ પોતાના નિવાસસ્થાનની બહાર આવી ચાહકોને દિવાળીની શુભકામનાઓ પાઠવી હતી. માધુરી દીક્ષિત, એકતા કપૂર અને સારા અલી ખાન સુધીના બી-ટાઉન સેલેબ્સ દ્વારા દિવાળીની ઉજવણી કરવામાં આવી.
અમિતાભ બચ્ચન અને શાહરુખ ખાનની દિવાળી પાર્ટી
અમિતાભ બચ્ચન, જયા બચ્ચન, અભિષેક બચ્ચન અને ઐશ્વર્યા રાય બચ્ચન વર્ષોથી ભવ્ય દિવાળી પાર્ટીનું આયોજન કરી રહ્યા છે. તેમજ શાહરૂખ અને ગૌરી ખાન પણ તેમના ઘર મન્નતમાં દિવાળીની પાર્ટીનું આયોજન કરે છે. આ પાર્ટીઓમાં અક્ષય કુમાર, ટ્વિંકલ ખન્ના, અનુષ્કા શર્મા, વિરાટ કોહલી, કરણ જોહર, કાજોલ, જુહી ચાવલા, આમિર ખાન, વિદ્યા બાલન, કરીના કપૂર ખાન, કરિશ્મા કપૂર, અનિલ કપૂર અને રણબીર કપૂર, શિલ્પા શેટ્ટી કુન્દ્રા, હૃતિક રોશન, પ્રીતિ ઝિન્ટા, સોનાક્ષી સિંહા, તાપસી પન્નુ, સારા અલી ખાન જેવા મોટા કલાકારો પણ જોવા મળે છે. જ્યારે માધુરી દીક્ષિતથી લઈને સારા અલી ખાન સુધીના બી-ટાઉન સેલેબ્સ દ્વારા ફેસ્ટિવલ ઓફ લાઇટ્સના તહેવાર દિવાળીને ઉજવવામાં આવ્યો.
View this post on Instagram
View this post on Instagram
View this post on Instagram
એકતા કપૂર દ્વારા દિવાળી પાર્ટીનું આયોજન
ટીવી ક્વીન એકતા કપૂર ઘણીવાર દિવાળી પર તેના ઘરે પાર્ટીનું આયોજન કરે છે. એકતા કપૂરની દિવાળી પાર્ટીમાં બી-ટાઉન અને ટીવી સેલેબ્સ બંને હાજરી આપે છે. કંગના રનૌત, તાપસી પન્નુ, કરણ જોહર, હિના ખાન, તેજસ્વી પ્રકાશ, કરણ કુન્દ્રા, શિલ્પા શેટ્ટી, આયુષ્માન ખુરાના, કરિશ્મા તન્ના, રાજકુમાર રાવ, પત્રલેખા, કૃતિ સેનન, અનન્યા પાંડે, નેહા ધૂપિયા, અંગદ બેદી, પન્નુ, દીશા, પટની કરણ પટેલ, અંકિતા ભાર્ગવ, સનાયા ઈરાની, મોહિત સહગલ અને રિદ્ધિ ડોગરા વર્ષ-દર વર્ષે એકતાની પાર્ટીમાં જોવા મળે છે. 10 નવેમ્બરે ધનતેરસની ઉજવણીના અવસર પર, જાહ્નવી કપૂર અને ખુશી કપૂરે પરંપરાગત પોશાક પહેર્યા હતા. જ્યારે માધુરી દીક્ષિત નેને, તેમના પતિ ડૉ. નેને સાથે, દિવાળીની પાર્ટીમાં જોવા મળી હતી. માધુરી સાથે તેના પતિ ઉપરાંત આદિત્ય રોય કપૂર, અનન્યા પાંડે, કેટરિના કૈફ, વિકી કૌશલ, શનાયા કપૂર અને મનીષ મલ્હોત્રા જોવા મળ્યાં હતાં.
દિગ્ગજ કલાકાર રજનીકાંતે પણ પોતાના નિવાસસ્થાનની બહાર આવી ચાહકોને દિવાળીની શુભેચ્છા આપી હતી તો મનીષ મલ્હોત્રા દ્વારા આયોજિત દિવાળી પાર્ટીમાં દિગ્ગજ અભિનેત્રી રેખા અને દિશા પટ્ટણી સાડીના લુકમાં જોવા મળ્યા હતા. કરીના કપૂર ખાનની દિવાળી પાર્ટીમાં આલિયા ભટ્ટ રેડ ડ્રેસમાં રણબીર કપૂર સાથે જોવા મળી હતી. આ પાર્ટીમાં સારા અલી ખાન, કરિશ્મા કપૂર સહિતના કલાકારો આવ્યા હતા. તો સુષ્મિતા સેને શિલ્પા શેટ્ટીની દિવાળી પાર્ટી માટે તેની કોફી વિથ કરણ શોમાં પહેરેલી સાડી ફરીવાર પહેરી હતી.
VIDEO | Superstar Rajinikanth greets fans outside his residence in Chennai on the occasion of Diwali. #DiwaliCelebration #Diwali2023 pic.twitter.com/RGQsyFadbb
— Press Trust of India (@PTI_News) November 12, 2023
View this post on Instagram
View this post on Instagram
ટીવીના કલાકારો કેવી રીતે કરશે દિવાળીની ઉજવણી ?
દિવાળીની ઉજવણી વિશે જણાવતા ટીવી એકટર મેહુલ વ્યાસે કહ્યું કે, તે તમામ વર્ષની જેમ આ વર્ષે પણ પરિવાર સાથે દિવાળી વિતાવીશે. ટીવી અભિનેત્રી રિંકુ ઘોષે કહ્યું હતું કે, “દર વર્ષની જેમ મારી દિવાળી ખૂબ જ સરળ છે, મારા ઘરને સજાવીશ, રંગોળી બનાવીશ , દીવા પ્રગટાવીશ અને પછી ઘરે નાની પૂજા કરીશ. સરળ કૌલે કહ્યું કે, દિવાળી દરમિયાન, હું સામાન્ય રીતે તેને મારા પરિવાર સાથે દિલ્હીમાં ઉજવું છું, પરંતુ જો હું શહેરમાં હોઉં, તો હું મારી રેસ્ટોરન્ટને સુંદર રીતે સજાવવા પર ધ્યાન કેન્દ્રિત કરું છું. મિત્રો અને પ્રિયજનો ભેગા થાય છે, અને અમે ફટાકડા વિના એકબીજાની કંપનીનો આનંદ માણીએ છીએ.” મેઘા શર્માએ જણાવ્યું કે, “ મારી પાસે હજુ સુધી દિવાળી માટે કોઈ ચોક્કસ આયોજન નથી. હું મારા ઘરને દિવાળીની આવશ્યક ચીજવસ્તુઓ જેવી કે ફૂલો, ફાનસ, લાઇટ્સ, હેમ્પર્સ અને ભેટોથી સજાવવાનો ખરેખર આનંદ માણું છું.” આદેશ ચૌધરીએ કહ્યું કે, “ હું દિવાળીને લઈને ઉત્સાહિત છું કારણ કે તે એવો સમય છે જ્યારે હું મારા પરિવાર સાથે ઉજવણી કરવા ઘરે પાછો જાઉં છું.” લોકિત ફુલવાનીએ કહ્યું કે, “આ દિવાળીએ હું મારા મિત્રના ઘરે આવીશ, તે દુબઈ પછી મારા બીજા ઘર જેવું છે. લક્ષ્મી પૂજા સાથે શરૂ થશે અને ત્યારબાદ કેટલાક ફટાકડા અને ભોજન કરવામાં આવશે.
આ પણ વાંચો :અમેરિકી ગાયિકા મેરી મિલબને દિવાળીની શુભેચ્છા પાઠવવા જૂનો વીડિયો ફરી કર્યો પોસ્ટ
