શું તમે જાણો છો? મૃત્યુની પ્રક્રિયા બે અઠવાડિયા પહેલા શરૂ થાય છે!
મૃત્યુ પછી શરીરનું શું થાય છે, તે મોટે ભાગે કોઇ જાણતું નથી. પરંતુ કેટલાક અભ્યાસો અનુમાન કરે છે, કે મગજમાંથી એક સાથે અનેક રસાયણો મુક્ત થાય છે.
લંડનઃ બાળપણથી લઈને વૃદ્ધાવસ્થા સુધી, એક પ્રશ્ન આપણા બધાને થતો હોય છે – જ્યારે કોઇ વ્યક્તિ મૃત્યુ પામે ત્યારે કેવું લાગે છે? સેંકડો મૃત્યુ જોનારા ડૉક્ટરે દાવો કર્યો છે કે તે જાણે છે કે જ્યારે કોઇ મૃત્યુ પામે છે ત્યારે શું થાય છે અને મરનાર વ્યક્તિ કેવું અનુભવે છે. મૃત્યુ સમયે કેવું લાગે છે તે અંગે ઘણા લોકો ધર્મના આધારે જુદી જુદી માન્યતાઓ ધરાવે છે. પરંતુ વૈજ્ઞાનિક દ્રષ્ટિકોણથી, આપણે આ પ્રક્રિયા વિશે બહુ ઓછું જાણીએ છીએ.
જ્યારે તમે મૃત્યુ પામો ત્યારે શું થાય છે?
આ અંગે થોડા અભ્યાસ થયા છે પરંતુ ડોકટરોએ તેમના દર્દીઓના આધારે પોતપોતાની થિયરીઓ શેર કરી છે. એક અહેવાલ મુજબ, એક પૈલેટિવ કેર ડૉક્ટર દાવો કરે છે કે મૃત્યુની પ્રક્રિયા સામાન્ય રીતે હૃદય બંધ થાય તેના બે અઠવાડિયા પહેલા થાય છે. લિવરપૂલ યુનિવર્સિટીના સંશોધક સીમસ કોયલ, ધ કન્વર્સેશન માટેના લેખમાં મૃત્યુની પ્રક્રિયાનું વિગતવાર વર્ણન કરે છે. તેને કહ્યું , ‘પૈલેટિવ કેર ના નિષ્ણાત તરીકે, મને લાગે છે કે ‘મૃત્યુની પ્રક્રિયા’ આપણા મૃત્યુના બે અઠવાડિયા પહેલા થાય છે.’ આ સમયગાળા દરમિયાન લોકો અસ્વસ્થ થઈ જાય છે. તેમને ચાલવામાં તકલીફ થવા લાગે છે અને તેઓ સુસ્ત બની જાય છે. તે થોડા સમય માટે જાગૃત રહેવા માટે સક્ષમ છે. જીવનના છેલ્લા દિવસોમાં ગોળીઓ ગળવાની કે પીવાની ક્ષમતા પણ ઘટી જાય છે. એવું કહેવાય છે કે લોકો ‘સક્રિય રીતે મૃત્યુ પામે છે’ અને સામાન્ય રીતે તેનો અર્થ એ થાય છે કે તેમની પાસે માત્ર બે કે ત્રણ દિવસ બાકી છે.’
મૃત્યુ પછી શરીરમાં શું થાય છે?
સીમસ કોયલે કહ્યું, ‘ઘણા લોકો આ સમગ્ર પ્રક્રિયા માત્ર એક જ દિવસમાં પૂર્ણ કરે છે. કેટલાક લોકો મૃત્યુના એક અઠવાડિયા સુધી મૃત્યુની ધાર પર જીવી શકે છે, જે સામાન્ય રીતે તેમના પરિવારો માટે ખૂબ જ મુશ્કેલ સમય હોય છે. તેથી અલગ-અલગ લોકો સાથે જુદી જુદી વસ્તુઓ થાય છે અને અમે તેમની આગાહી કરી શકતા નથી. મૃત્યુ પછી શરીરમાં શું થાય છે તે મોટે ભાગે અજાણ છે, પરંતુ કેટલાક અભ્યાસો અનુમાન કરે છે કે મગજમાંથી એક સાથે અનેક રસાયણો મુક્ત થાય છે.
