પેલેસ્ટાઈનના મુદ્દાનો ઉકેલ જરૂરી, પરંતુ આતંકવાદ અસ્વીકાર્ય : એસ.જયશંકર
- વિદેશ મંત્રી એસ.જયશંકરે ઈટાલીના રોમમાં સંયુક્ત સત્રને કર્યું સંબોધન
- આતંકવાદી પ્રવૃતિ સ્વીકાર્ય નથી, વાતચીત દ્વારા ઉકેલ લાવવો જોઈએ : વિદેશ મંત્રી
રોમ : ભારતીય વિદેશ મંત્રી એસ.જયશંકરે ઈટાલીના રોમમાં સંયુક્ત સત્રને શુક્રવારે સંબોધન કર્યું હતું. સંયુક્ત સત્રને સંબોધતા વિદેશ મંત્રી જયશંકરે કહ્યું કે, ” ઈઝરાયેલ અને હમાસ યુદ્ધને કારણે મધ્ય પૂર્વની સાથે સમગ્ર વિશ્વ ચિંતિત છે. સંઘર્ષ સામાન્ય નથી.પેલેસ્ટાઈન મુદ્દાનું સમાધાન જરૂરી છે, પરંતુ આતંકવાદ સ્વીકાર્ય નથી. વાતચીત દ્વારા ઉકેલ લાવવો જોઈએ.” ઈઝરાયેલ અને હમાસ વચ્ચે છેલ્લા 26 દિવસથી યુદ્ધ ચાલી રહ્યું છે. આ સમયગાળા દરમિયાન, લોકોનું જીવન ખરાબ રીતે બરબાદ થઈ ગયું છે. જ્યારે હજારો લોકોએ પોતાનો જીવ ગુમાવ્યો છે.
Began the Italy visit with a Senate interaction on our deepening partnership. Thank Sen. Giulio Terzi & Sen. Roberto Menia for co-chairing.
Appreciated the warm sentiments for India across party lines. pic.twitter.com/5h0o7emd4a
— Dr. S. Jaishankar (@DrSJaishankar) November 2, 2023
શું કહ્યું ભારતીય વિદેશ મંત્રી એસ જયશંકરે?
ઈઝરાયલ-હમાસ યુદ્ધ વચ્ચે વિદેશ મંત્રી એસ જયશંકરે સંયુક્ત સત્રને સંબોધતા કહ્યું કે, ” 7 ઓક્ટોબરે જે બન્યું તે આતંકવાદનું મોટું કૃત્ય હતું. સમગ્ર વિસ્તારમાં તણાવ છે. યુદ્ધને કારણે મધ્ય પૂર્વની સાથે સમગ્ર વિશ્વ ચિંતિત છે. સંઘર્ષ સામાન્ય નથી. વિવિધ મુદ્દાઓને સંતુલિત કરવાની જરૂર છે. નવી દિલ્હીએ બે-રાજ્ય ઉકેલનો પુનરોચ્ચાર કર્યો. આપણે આ બાબતમાં સંતુલન જાળવવાની જરૂર છે. આતંકવાદ બધા માટે અસ્વીકાર્ય છે, તેના વિશે કોઈ પ્રશ્ન નથી. પરંતુ તેની સાથે જ પેલેસ્ટાઈન મુદ્દાનું સમાધાન પણ જરૂરી છે.
“Terrorism is unacceptable, but there has to be solution for Palestinian issue”: Jaishankar
Read @ANI Story | https://t.co/KJxmYXmcx6#jaishankar #Palestine #ısraelpalestinewar pic.twitter.com/AEtYGIiblL
— ANI Digital (@ani_digital) November 2, 2023
વાતચીત દ્વારા સમાધાન લાવવાને ભારત સમર્થન આપે છે
વિદેશમંત્રી જયશંકરે વધુમાં કહ્યું કે, “અમારે વાતચીત દ્વારા ઉકેલ શોધવો પડશે. આતંકવાદ દ્વારા ઉકેલ શોધી શકાતો નથી. અમે વાતચીતને સમર્થન આપીશું. માનવતાવાદી કાયદાનું સન્માન કરવું જોઈએ. ભારત હંમેશા પેલેસ્ટાઈનની સાથે છે, અમે હંમેશા તેને સાર્વભૌમ અને સ્વતંત્ર, ઈઝરાયેલ સાથે શાંતિથી રહેવાની હિમાયત કરી છે.
#WATCH | Rome, Italy: EAM Dr S Jaishankar says, ” What happened on October 7 is a big act of terrorism and the subsequent happenings after that, have taken the entire region to a different direction…within this, we have to find a balance in between different issues… we all… pic.twitter.com/e2QySTwUBv
— ANI (@ANI) November 2, 2023
બંને વચ્ચે યુદ્ધ પાછળના જવાબદાર કારણો
હમાસના જણાવ્યા મુજબ, ” ઇઝરાયેલ દ્વારા જેરૂસલેમની અલ-અક્સા મસ્જિદની અપવિત્રતાનો બદલો છે. ઇઝરાયલી પોલીસે એપ્રિલ 2023માં અલ-અક્સા મસ્જિદ પર ગ્રેનેડ ફેંકીને તેની પવિત્રતા ભંગ કરી હતી. ઇઝરાયેલની સેના સતત હુમલા કરી રહી છે અને હમાસના સ્થાનોને નિશાન બનાવી રહી છે. ઈઝરાયેલની સેના અમારી મહિલાઓ પર હુમલો કરી રહી છે.” હમાસના પ્રવક્તા ગાઝી હમાદે આરબ દેશોને ઇઝરાયેલ સાથેના તમામ સંબંધો તોડી નાખવાની અપીલ કરી છે. હમાદે કહ્યું કે, “ઈઝરાયેલ ક્યારેય સારો પાડોશી અને શાંતિપ્રિય દેશ ન બની શકે.”
આ પણ જાણો :વિદેશ મંત્રી એસ.જયશંકરે કેનેડા માટે વિઝા સેવા શરૂ કરવા મૂકી શરત, જાણો શું છે ?
