મુંબઈ-પુણે એક્સપ્રેસ વે પર એમ્બ્યુલન્સમાં સિલિન્ડર બ્લાસ્ટ, દર્દીનું મૃત્યુ
- મુંબઈ-પુણે એક્સપ્રેસ વે પર એમ્બ્યુલન્સમાં સિલિન્ડર ફાટ્યો
- એમ્બ્યુલન્સમાં બે વિસ્ફોટ થયા હતા
- શોર્ટ સર્કિટના કારણે થયા વિસ્ફોટ
મુંબઈ-પુણે એક્સપ્રેસ વે પર એમ્બ્યુલન્સમાં વિસ્ફોટ થતાં એક મહિલાનું મૃત્યુ થયું હતું. એરોલીની મહિલાને વેન્ટિલેટર સપોર્ટ સાથે એમ્બ્યુલન્સમાં લઈ જવામાં આવી રહ્યા હતા. પરંતુ વાહનમાં વિસ્ફોટ થયા બાદ ઓક્સિજન સિલિન્ડરમાં વિસ્ફોટ થતાં સપ્લાય બંધ થઈ જતાં દુ:ખદ રીતે તેેમનું મૃત્યુ થયું હતું. 74 વર્ષીય નીલાબાઈ કાવલ્ડરને એમ્બ્યુલન્સમાં કર્ણાટકમાં તેમના વતન સારવાર માટે લઈ જવામાં આવી રહ્યા હતા. તે સમયે એમ્બ્યુલન્સના એન્જિનમાં શોર્ટ સર્કિટના કારણે સતત બે વિસ્ફોટ થયા હતા જ્યારે તે મુંબઈ પુણે એક્સપ્રેસ વેની પુણે તરફની લેન પર હતી.
અહેવાલ મુજબ જ્યારે અકસ્માત થયો ત્યારે એમ્બ્યુલન્સમાં મૃતકો સહિત સાત લોકો હતા. વિસ્ફોટ પછી બાકીના બધા નીચે ઉતર્યા પરંતુ ઓક્સિજન સપ્લાયમાં વિક્ષેપને કારણે મહિલાનું મૃત્યુ થયું. પ્રથમ વિસ્ફોટ પછી એમ્બ્યુલન્સ રિવર્સમાં ગઈ અને ત્યાં પાર્ક કરેલી મોટરસાઈકલ સાથે અથડાઈ. પરંતુ જ્યારે બીજો વિસ્ફોટ થયો ત્યારે તેણે એમ્બ્યુલન્સ અને મોટરસાઇકલ બંનેને નુકસાન પહોંચાડ્યું હતું.
હાઈવે સેફ્ટી પેટ્રોલ બોરઘાટ યુનિટના આસિસ્ટન્ટ ઈન્સ્પેક્ટર યોગેશ ભોસલેએ જણાવ્યું હતું કે, ઘટના સ્થળે બીજી એમ્બ્યુલન્સ બોલાવવામાં આવી હતી પરંતુ મહિલાને બચાવી શકાયા ન હતા.
આ પણ વાંચો, રામલલાનું સુવર્ણ જડિત સિંહાસન અયોધ્યા ક્યારે પહોંચશે? જાણો તારીખ
