BCCIએ વંશજ શર્મા પર લગાવ્યો 2 વર્ષનો પ્રતિબંધ, જાણો કારણ

ટીમ ઈન્ડિયા ODI વર્લ્ડ કપ 2023માં ખૂબ જ સારું પ્રદર્શન કરી રહી છે. તેણે આ ટૂર્નામેન્ટમાં હજુ સુધી એક પણ હારનો સામનો કરવો પડ્યો નથી. આ બધાની વચ્ચે ભારતીય ક્રિકેટ કંટ્રોલ બોર્ડે એક ચોંકાવનારો નિર્ણય લીધો છે. BCCIએ વંશજ શર્મા પર 2 વર્ષનો પ્રતિબંધ લગાવ્યો છે. આ ક્રિકેટર પર અલગ-અલગ તારીખોના બર્થ સર્ટિફિકેટ જમા કરાવવાનો આરોપ છે. આવી સ્થિતિમાં હવે આ ખેલાડી બે વર્ષ સુધી BCCIની કોઈપણ ટૂર્નામેન્ટનો ભાગ બની શકશે નહીં.

ભારતીય ક્રિકેટ કંટ્રોલ બોર્ડ (BCCI) એ જમ્મુ અને કાશ્મીરના ક્રિકેટર વંશજ શર્મા પર એકથી વધુ જન્મ પ્રમાણપત્રો સબમિટ કરવા પર પ્રતિબંધ મૂક્યો છે. જમ્મુ અને કાશ્મીર ક્રિકેટ એસોસિએશન (JKCA) એ શનિવારે જારી કરેલા એક નિવેદનમાં જણાવ્યું હતું કે જમ્મુના ક્રિકેટર વંશજ શર્મા પર ભારતીય ક્રિકેટ કંટ્રોલ બોર્ડ દ્વારા અલગ-અલગ જન્મ તારીખો સાથે એકથી વધુ જન્મ પ્રમાણપત્રો સબમિટ કરવા બદલ બે વર્ષનો પ્રતિબંધ લગાવવામાં આવ્યો છે. આ સમયગાળા દરમિયાન તે બીસીસીઆઈની કોઈપણ ટૂર્નામેન્ટનો ભાગ બની શકશે નહીં.

2 વર્ષ સુધી મોટી ટુર્નામેન્ટથી દૂર રહેશે

વશંજા શર્મા પર લાદવામાં આવેલ પ્રતિબંધ 27 ઓક્ટોબરથી શરૂ થઈ ગયો છે. બે વર્ષના પ્રતિબંધ બાદ જ તે કોઈપણ સ્તરે ટુર્નામેન્ટમાં ભાગ લઈ શકશે. વંશજ શર્મા આ સમયગાળા દરમિયાન કોઈપણ વય જૂથની ટુર્નામેન્ટમાં ભાગ લઈ શકશે નહીં. આનો અર્થ એ છે કે તે 2-વર્ષના પ્રતિબંધની અવધિ પૂર્ણ થયા પછી જ સીનિયર પુરુષોની BCCI ટૂર્નામેન્ટમાં ભાગ લઈ શકશે.

આ પણ વાંચો: કઈ ચાર ટીમો સેમિફાઇનલમાં આવશે ?