તમિલનાડુના રાજ્યપાલના ઘર ઉપર પેટ્રોલબોંબ નાખનાર ઝડપાયો
તમિલનાડુના રાજ્યપાલના ઘર પર બુધવારે પેટ્રોલબોંબ ફેંકવામાં આવ્યો હતો. પેટ્રોલબોંબ વિસ્ફોટ થતાંની સાથે જ અધિકારીઓ એક્શનમાં આવી ગયા અને તરત જ આરોપીને પકડી પાડ્યો હતો. આ દરમિયાન આરોપી વ્યક્તિએ રાજ્યપાલ વિરુદ્ધ સૂત્રોચ્ચાર પણ કર્યા હતા. પોલીસે જણાવ્યું હતું કે હુમલા પાછળનો હેતુ જાણવા માટે હાલમાં શંકાસ્પદની પૂછપરછ કરવામાં આવી રહી છે. સદનસીબે આ ઘટનામાં કોઈ જાનહાની થઈ નથી. માત્ર બેરિકેડ અને છોડને નુકસાન થયું છે.
- આ ઘટના રાષ્ટ્રપતિ દ્રૌપદી મુર્મુની મુલાકાતના એક દિવસ પહેલા બની હતી. રાષ્ટ્રપતિ ગુરુવારે ચેન્નાઈ જઈ રહ્યા છે.
#WATCH | Tamil Nadu: A petrol bomb was hurled outside Raj Bhavan today in Chennai. A complaint has been lodged in Guindy police station.
Further details awaited. pic.twitter.com/irbfkZ3sYL
— ANI (@ANI) October 25, 2023
એન્ટી NEET બિલના આ મુદ્દાને લઈને યુવક ગુસ્સે હતો
પ્રાથમિક અહેવાલમાં બે પેટ્રોલ બોમ્બ ફેંકવામાં આવ્યા હોવાનું બહાર આવ્યું છે. જોકે પોલીસે સ્પષ્ટતા કરી હતી કે માત્ર એક બોમ્બનો ઉપયોગ કરવામાં આવ્યો હતો. આરોપીની ઓળખ વિનોદ તરીકે થઈ છે. એવું કહેવામાં આવી રહ્યું છે કે તેઓ રાજ્યપાલ આરએન રવિ દ્વારા NEET વિરોધી બિલ પર હસ્તાક્ષર ન કરવા પર નારાજ હતા. NEET વિરોધી બિલ થોડા સમય પહેલા જ વિધાનસભા દ્વારા પસાર કરવામાં આવ્યું છે.
પોલીસે જણાવ્યું કે વિનોદ અન્ના યુનિવર્સિટી થઈને રાજભવન પહોંચ્યો હતો. જ્યારે તે મેઈન ગેટ પર આવ્યો ત્યારે તેણે એક બોટલ કાઢીને પરિસરની અંદર ફેંકી દીધી હતી. આ પછી તે ભાગવાનો પ્રયાસ કરતી વખતે પકડાઈ ગયો હતો.
આ પણ વાંચો: આગરાની પાતાલકોટ એક્સપ્રેસના બે ડબ્બામાં લાગી ભીષણ આગ
