ગાઝામાં IDFએ તબાહી મચાવી, એક રાતમાં 8 હિઝબુલ્લાહ આતંકવાદીઓ ઠાર
યુદ્ધના 18માં દિવસે IDFએ ગાઝામાં તબાહી મચાવી છે. એક જ રાતમાં 8 હિઝબુલ્લાહ આતંકવાદીઓ ઠાર કરવામાં આવ્યા છે. વ્હાઇટ હાઉસના પ્રવક્તા જોન કિર્બીએ પ્રેસ કોન્ફરન્સને સંબોધતા કહ્યું કે ઇઝરાયેલ-હમાસ યુદ્ધ વચ્ચે ગાઝાના લોકોને ઇંધણ અને પાણીની જરૂર છે. ત્યાંની હોસ્પિટલોને વીજળીની જરૂર છે. આ જરૂરિયાતોને પહોંચી વળવા અમે ત્યાં જનરેટર ચલાવવા માટે ઇંધણ મોકલવા માંગીએ છીએ જેથી ત્યાંના લોકોને પાણી અને આરોગ્ય સુવિધાઓની અછતનો સામનો ન કરવો પડે.
આ મામલે ઈઝરાયેલની સમસ્યા પણ વાજબી છે, તેમને ડર છે કે હમાસને પણ સક્રિય રહેવા માટે ઈંધણની જરૂર છે. તેમનું કહેવું છે કે સામાન્ય લોકોની મદદ માટે મોકલવામાં આવેલા ઈંધણનો હમાસના આતંકવાદીઓ બળજબરીથી ઉપયોગ કરી શકે છે.
ઈરાને યુએનમાં પેલેસ્ટાઈનને સમર્થન આપ્યું છે. ઈરાનના પ્રતિનિધિ અમીર સઈદ ઈરાવાનીએ યુએનને કહ્યું કે આ હુમલો અચાનક નથી થયો.તેમણે દાવો કર્યો કે ઈઝરાયેલને અમેરિકાનું સમર્થન અને ત્યાં મોકલવામાં આવેલા સાધનો દ્વારા ઈઝરાયેલ ગાઝામાં પેલેસ્ટિનિયન લોકોનો નરસંહાર કરી રહ્યું છે.
આ પણ વાંચોઃ હમાસે ગાઝામાં બંધક બનાવેલી બે વૃદ્ધ ઇઝરાયેલી મહિલાઓને મુક્ત કરી
યુએસ ડિફેન્સ મિનિસ્ટ્રીએ કહ્યું કે, અમેરિકન F-16 ફાઈટર પ્લેનની એક સ્ક્વોડ્રન મિડલ ઈસ્ટ પહોંચી ગઈ છે, જો કે તેમણે તેમના F-16ને કયા સ્ટેશન પર તૈનાત કર્યા છે તેની માહિતી હજુ સુધી આપવામાં આવી નથી. આ પગલું ત્યારે લેવામાં આવ્યું છે જ્યારે ભૂતકાળમાં ઈરાક અને સીરિયામાં અમેરિકન ઠેકાણાઓ પર હુમલા કરવામાં આવ્યા હતા અને આ હુમલાઓમાં અત્યાર સુધીમાં લગભગ 24 અમેરિકન સૈનિકો ઘાયલ થયા છે.
