રાજ્યના પૂર્વ મંત્રી કેશાજી ચૌહાણે સાદગીનું ઉત્તમ ઉદાહરણ પુરું પાડ્યું, બોર્ડિંગમાં સફાઈ કરતો વીડિયો વાયરલ

બનાસકાંઠા જિલ્લાના દિયોદરના પૂર્વ ધારાસભ્ય અને રાજ્યના પૂર્વ મંત્રી કેશાજી ચૌહાણનો ઠાકોર સમાજની બોર્ડિંગમાં સફાઈ કરતો એક વીડિયો વાયરલ થયો છે.

બનાસકાંઠા જિલ્લાના ભાજપના પૂર્વ પ્રમુખ અને રાજ્યના પૂર્વ મંત્રી રહી ચૂકેલા કેશાજી ચૌહાણ દિયોદરમાં આવેલી ઠાકોર સમાજની બોર્ડિંગમાં હાથમાં ઝાડું લઈને સફાઈ કરી રહ્યા હોવાનો વીડિયો વાયરલ થયો છે. દિયોદરની બેઠક ઉપર ગત ચૂંટણીમાં કેશાજી ખૂબ જ ઓછા મતથી હારી ગયા હતા. તેમના વાયરલ થયેલા વીડિયોને લઈને પંથકના લોકો સાદગીના ઉદાહરણ તરીકે જોઈ રહ્યા છે.