અમદાવાદ: 20 કરોડની કરચોરી માટે એકની ધરપકડ

• નરોડા દહેગામ પર આવેલી એક તમાકુ કંપનીના વેપારીની કરચોરી સામે આવતાં ધરપકડ કરવામાં આવી છે.

અમદાવાદ: DGGIને મળેલી માહિતીના આધારે તપાસ કરતા નરોડા દહેગામ પર આવેલા શિવમ આર્કેટમાં જે.ડી. ઇન્ટરનેશનલ કંપની દ્વારા બોગસ આઇટીસીઓ ક્લેમ કરી રહ્યાં હોવાની માહિતી સામે આવી હતી, જેની વધુ તપાસ હાથ ધરતાં તમાકુના વ્યવસાયમાં કરચોરીના રૂ. 20 કરોડનો કેસ સામે આવ્યો હતો.

સૂત્રોના જણાવ્યા અનુસાર, અમદાવાદ સ્થિત જેડી ઇન્ટરનેશનલે ઇનપુટ ટેક્સ ક્રેડિટનો લાભ લીધો હતો અને ભૌતિક માલની સપ્લાય કર્યા વિના છેતરપિંડીથી GST રિફંડનો દાવો કર્યો હતો. ત્યાર બાદ પેઢીના મેનેજર હર્ષ પટેલની ધરપકડ કરવામાં આવી હતી.

યુનિટના અધિકારીઓ દ્વારા પ્રાપ્ત માહિતીના આધારે, જેડી ઇન્ટરનેશનલ, દિપેશ જૈનની માલિકીની અને હર્ષ પટેલ દ્વારા નિયંત્રિત અને સંચાલિત, બાગબાન બ્રાન્ડના તમાકુની ખરીદી કરતા હતા. તપાસમાં જાણવા મળ્યું કે પેઢીએ ગેરકાયદેસર રીતે રૂ. 20 કરોડની ઇનપુટ ટેક્સ ક્રેડિટ મેળવી હતી, જે બ્રાન્ડેડ તમાકુની નિકાસને ટાંકીને GST રિફંડ તરીકે દાવો કરવામાં આવ્યો હતો.

એક સ્ત્રોતે TOIને જણાવ્યું હતું કે, “તપાસમાં જાણવા મળ્યું છે કે કરદાતા દ્વારા બતાવવામાં આવેલી બાગબાન બ્રાન્ડની તમાકુની ખરીદી છેતરપિંડી/અનિયમિત હતી કારણ કે તેઓએ માલના વાસ્તવિક પુરવઠા વિના ઇન્વોઇસ જારી કર્યા હતા”. DGGI અમદાવાદની ટીમે 15 જગ્યાઓ પર સર્ચ ઓપરેશન હાથ ધર્યું હતું, જેના કારણે ગુનાહિત દસ્તાવેજો મળી આવ્યા હતા.

સૂત્રોએ જણાવ્યું કે કંપનીના કર્મચારીઓ, સપ્લાયર્સ, એજન્ટો અને કામદારોના નિવેદનોએ આ તથ્યોની પુષ્ટિ કરી છે. હર્ષ પટેલની 13 ઓક્ટોબરે ધરપકડ કરીને કોર્ટમાં રજૂ કરવામાં આવ્યો હતો. ત્યાર બાદ તેને 14 દિવસની ન્યાય કસ્ટડીમાં મોકલી દેવામાં આવ્યો છે.

આ પણ વાંચો: ગુજરાત: સોશિયલ મીડિયામાં બીભત્સ શબ્દો બોલનાર કિર્તી પટેલ ફરી વિવાદોમાં ફસાઇ