અમદાવાદના નરેન્દ્ર મોદી સ્ટેડિયમ ખાતે રમવામાં આવી રહેલી ભારત અને પાકિસ્તાન વચ્ચેની ક્રિકેટ મેચમાં ગુજરાતના મુખ્યમંત્રી ભુપેન્દ્ર પટેલ સહિત ઘણા નેતાઓ અને ભૂતપૂર્વ ખેલાડીઓ સહિત અનેક લોકો સ્ટેડિયમ ખાતે મેચ જોવા પહોચ્યા હતા. આ મેચમાં ભારતનો 7 વિકેટે વિજયી થયો હતો ત્યારે આ વિજયીને ત્યાં હાજર તમામ નેતાઓએ વધાવી હતી.
મુખ્યમંત્રીએ ટીમ અને બીસીસીઆઈને શુભેછાઓ પાઠવી
નરેન્દ્ર મોદી સ્ટેડિયમ ખાતે રમવામાં આવેલી મેચમાં મુખ્યમંત્રી ભુપેન્દ્ર પટેલ, હર્ષ સંધવી, સીઆર પાટીલ સહિતના નેતાઓ ભારત અને પાકિસ્તાન વચ્ચેની મેચ જોવા પહોચ્યા છે. ત્યારે આ મેચમાં ભારતની જીત થતા મુખ્યમંત્રી ભુપેન્દ્રભાઈ પટેલે ટ્વિટ કરી ભારતીય ટીમ અને બીસીસીઆઈને શુભેછાઓ પાઠવી હતી.
રોહિત શર્મા અને રવીન્દ્ર જાડેજાની પત્ની પણ પહોચ્યા નરેન્દ્ર મોદી સ્ટેડિયમ
રોહિત શર્માની પત્ની રિતિકા સજદેહ અને રવીન્દ્ર જાડેજાની પત્ની રિવાબા જાડેજા અને વિરાટ કોહલીની પત્ની અનુષ્કા શર્મા પણ ભારત અને પાકિસ્તાન વચ્ચેની ક્રિકેટ મેચમાં જોવા પહોચ્યા હતા.
