IND vs AFG: બુમરાહે ક્રિકેટમાં ઉમેર્યો ફૂટબોલનો તડકો
ભારત સામે રમાયેલી મેચમાં અફઘાનિસ્તાને હારનો સામનો કરવો પડ્યો હતો. વર્લ્ડ કપ 2023ની 9મી મેચમાં ટીમ ઈન્ડિયાએ તેને 8 વિકેટે હરાવ્યું હતું. ભારત તરફથી જસપ્રીત બુમરાહે શાનદાર બોલિંગ કરી હતી. તેણે 4 વિકેટ ઝડપી હતી. વિકેટ લીધા બાદ બુમરાહે ખાસ રીતે ઉજવણી કરી હતી. આ દ્વારા તેણે ક્રિકેટમાં ફૂટબોલનો તડકો ઉમેર્યો. બુમરાહનો ફોટો ફૂટબોલ ક્લબ માન્ચેસ્ટર યુનાઈટેડ દ્વારા શેર કરવામાં આવ્યો છે. તેના પર ચાહકોની રસપ્રદ પ્રતિક્રિયા જોવા મળી હતી.
View this post on Instagram
બુમરાહે ઇંગ્લિશ ફૂટબોલર માર્કસ રાશફોર્ડની જેમ ઉજવણી કરી હતી. વિકેટ લીધા પછી, તેણે તેના કપાળની બાજુ પર આંગળી મૂકી. તેની તસવીર માન્ચેસ્ટર યુનાઈટેડ દ્વારા ઈન્સ્ટાગ્રામ પર શેર કરવામાં આવી છે. ફોટામાં બુમરાહની સાથે રાશફોર્ડ પણ જોવા મળી રહ્યો છે. મુંબઈ ઈન્ડિયન્સ અને પંજાબ કિંગ્સ સહિત ઘણી ટીમોએ આ ફોટો પર કોમેન્ટ કરી છે. ચાહકો તરફથી પણ રસપ્રદ પ્રતિક્રિયાઓ જોવા મળી રહી છે. રાશફોર્ડ માન્ચેસ્ટર યુનાઈટેડ માટે રમે છે.
આ પણ વાંચોઃ IND VS AFG : ભારતની 8 વિકેટે જીત,રોહિત શર્માએ ફટકારી સૌથી ઝડપી સદી
બુમરાહે દિલ્હીમાં રમાયેલી મેચમાં 10 ઓવરમાં 39 રન આપીને 4 વિકેટ ઝડપી હતી. તેણે ઈબ્રાહિમ ઝદરાન, મોહમ્મદ નબી, નજીબુલ્લાહ અને રાશિદ ખાનની વિકેટ લીધી હતી. આ મેચમાં પ્રથમ બેટિંગ કરતા અફઘાનિસ્તાને 272 રન બનાવ્યા હતા. બુમરાહની સાથે હાર્દિક પંડ્યાએ પણ બે વિકેટ ઝડપી હતી. તેણે ગુરબાઝ અને અઝમતુલ્લાહને આઉટ કર્યા હતા.
ભારતે અફઘાનિસ્તાન દ્વારા આપવામાં આવેલ લક્ષ્ય માત્ર 35 ઓવરમાં હાંસલ કરી લીધું હતું. રોહિત શર્માએ સદી ફટકારી હતી. તેણે 84 બોલનો સામનો કરીને 131 રન બનાવ્યા હતા. રોહિતે 16 ચોગ્ગા અને 5 છગ્ગા ફટકાર્યા હતા. વિરાટ કોહલીએ અણનમ 55 રન બનાવ્યા હતા. તેણે 6 ચોગ્ગા ફટકાર્યા હતા. ઈશાન કિશને 47 રનનું યોગદાન આપ્યું હતું.
