IND VS AFG: અફઘાનિસ્તાને ટોસ જીતીને પ્રથમ બેટિંગ કરવાનો કર્યો નિર્ણય
IND VS AFG: આજે ODI વર્લ્ડ કપ 2023માં ભારતીય ટીમ તેની બીજી મેચ અફઘાનિસ્તાન સામે રમવા જઈ રહી છે. આ મેચ દિલ્હીના અરુણ જેટલી સ્ટેડિયમમાં રમાવા જઈ રહી છે. બંને ટીમો વચ્ચે ટોસ ઉલાડી દેવામાં આવ્યો છે. જેમાં અફઘાનિસ્તાને ટોસ જીત્યો છે, અને પ્રથમ બેટિંગ કરવાનો નિર્ણય કર્યો છે. મેચ ભારતીય સમય અનુસાર બપોરે 2 વાગ્યે શરૂ થશે.
ભારતીય ટીમે તેની પ્રથમ મેચ 8 ઓક્ટોબરે ઓસ્ટ્રેલિયા સામે રમી હતી, જેમાં તેણે 6 વિકેટથી જીત મેળવી હતી. બીજી તરફ અફઘાનિસ્તાનની પણ આ બીજી મેચ છે. તેણે તેની પ્રથમ મેચ 7 ઓક્ટોબરે બાંગ્લાદેશ સામે રમી હતી, જેમાં તે 6 વિકેટથી હાર મળી હતી.
ભારત-અફઘાનિસ્તાન મેચના ખેલાડીઓ:
ભારતની પ્લેઇંગ ઇલેવન: રોહિત શર્મા (કેપ્ટન), ઈશાન કિશન, વિરાટ કોહલી, શ્રેયસ ઐયર, લોકેશ રાહુલ, હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, જસપ્રિત બુમરાહ, મોહમ્મદ સિરાજ
અફઘાનિસ્તાન પ્લેઇંગ ઇલેવન: રહેમાનુલ્લા ગુરબાઝ, ઈબ્રાહિમ ઝદરાન, રહમત શાહ, હશમતુલ્લાહ શાહિદી (કેપ્ટન), મોહમ્મદ નબી, નજીબુલ્લાહ ઝદરાન, અઝમતુલ્લા ઓમરઝાઈ, રાશિદ ખાન, મુજીબ ઉર રહેમાન, નવીન-ઉલ-હક, ફઝલહક ફારૂકી
આ મેચમાં પિચ કોને ફાયદો કરાવી શકે છે?
દિલ્હીના અરુણ જેટલી સ્ટેડિયમની પીચ બેટ્સમેનો માટે અનુકૂળ માનવામાં આવે છે. નાની બાઉન્ડ્રીને કારણે અહીં બેટ્સમેનોને વધુ ફાયદો થાય છે. આ સિવાય આ પીચ પણ ધીમી છે. જેના કારણે સ્પિનરોને પણ મદદ થઇ શકે છે.
ભારત અને અફઘાનિસ્તાન મેચ ક્યાં જોઈ શકશો
IND VS AFG મેચ હોટસ્ટાર એક દમ ફીમાં જોઈ શકાય છે, જયારે ટીવી પર સ્ટાર સ્પોર્ટ્સ નેટવર્ક પર પ્રસારિત થશે.
મેચમાં વરસાદની રહશે આગાહી
ભારત અને અફઘાનિસ્તાન વચ્ચેની મેચમાં દિલ્હીનું હવામાન ક્રિકેટ ચાહકોને થોડા દુઃખી કરી શકે છે. હવામાન વિભાગે આજે 11 ઓક્ટોબરે દિલ્હીમાં હળવો વરસાદ થવાની આગાહી કરી છે. જો આમ થશે તો મેચ ખોરવાઈ શકે છે.
ભારત અને અફઘાનિસ્તાન વચ્ચે આજ સુધી ચાર વખત થયો મુકાબલો:
ભારત અને અફઘાનિસ્તાન વચ્ચે અત્યાર સુધીમાં 3 ODI મેચ રમાઈ છે, જેમાં ભારતીય ટીમે બે મેચ જીતી છે. જ્યારે એક મેચમાં ટાઈ પડી હતી. બંને ટીમો વચ્ચે અત્યાર સુધીની આ ચોથી વનડે મેચ હશે. તેમજ ભારતીય ટીમની દિલ્હીના મેદાનમાં આ ચોથી વખત વર્લ્ડ કપ રમશે. આ પહેલા ભારતીય ટીમે ત્રણમાંથી 2 મેચ જીતી હતી. 1996માં શ્રીલંકા સામેની મેચમાં હારનો સામનો કરવો પડ્યો હતો.
અફઘાનિસ્તાન રમશે પ્રથમ જીત માટે
અફઘાનિસ્તાનએ વર્લ્ડ કપમાં બાંગ્લાદેશ સામેની હાર બાદ ભારતીય ટીમ સામે પ્રથમ જીત માટે મેદાનમાં ઉતરશે. જયારે ભારતીય ટીમ અને કેપ્ટન રોહિત શર્મા સતત બીજી જીત માટે પ્રયાસ કરશે. જોકે, ભારત અને અફઘાનિસ્તાન વચ્ચેની મેચ ઘણી રોમાંચક બની શકે છે.
આ પણ વાંચો: ODI WC 2023 : રિઝવાન અને શફિકની સદીથી વર્લ્ડકપનો સૌથી મોટો રનચેઝ કરતું પાકિસ્તાન, શ્રીલંકાને આપી માત
