જાપાનમાં 6.6ની તીવ્રતાનો ભૂકંપ, હવામાન વિભાગે સુનામીની ચેતવણી આપી

જાપાનમાં એક પછી એક જોરદાર ભૂકંપના આંચકા અનુભવાયા છે. પ્રથમ ભૂકંપ ઇજુ આઇલેન્ડ પર અનુભવાયો હતો. આ ભૂકંપની તીવ્રતા 6.6 હોવાનું કહેવાય છે. આ પછી જાપાની હવામાન એજન્સીએ પણ સુનામીને લઈને ચેતવણી જાહેર કરી છે. એજન્સીએ ઇઝુ શૃંખલામાં ટાપુઓ માટે 1 મીટર ઊંચા તરંગોની આગાહી કરી હતી.

ભૂકંપ જાપાનના સમય મુજબ સવારે 11 વાગ્યે ઇઝુ ટાપુની સાંકળમાં ટોરીશિમા નજીક 10 કિલોમીટરની ઊંડાઈએ આવ્યો હતો. 45 મિનિટ પછી ઇજુ આઇલેન્ડ પર બીજો જોરદાર ભૂકંપ આવ્યો. તેની તીવ્રતા 5.40 હોવાનું કહેવાય છે. દરિયાકાંઠાના વિસ્તારો અને નદીના મુખની નજીકના લોકોને ઉચ્ચ સ્થાનો પર જવાની સલાહ આપવામાં આવી છે.