PM મોદીની Whatsapp ચેનલ પર એક જ દિવસમાં 10 લાખથી વધુ ફોલોઅર્સ જોડાયા

• વડાપ્રધાન નરેન્દ્ર મોદીએ માત્ર એક જ દિવસમાં વોટ્સએપ ચેનલ પર 1 મિલિયનથી વધુ ફોલોઅર્સ મેળવી લીધા.

Whatsapp Channels: વડાપ્રધાન નરેન્દ્ર મોદીની વ્હોટ્સએપ ચેનલમાં જોડાયાના એક જ દિવસમાં તેમને 10 લાખથી વધુ ફોલોઅર્સ મળી ગયા છે. આ સંખ્યા સતત વધી જ રહી છે. વડાપ્રધાન મોદી મંગળવારે એટલે કે 19 સપ્ટેમ્બરે આ ચેનલ સાથે જોડાયેલા હતા. પીએમ મોદીએ આ ચેનલમાં જોડાવા માટે લિંક પણ શેર કરી અને લખ્યું- આજે મેં મારી વોટ્સએપ ચેનલ શરૂ કરી છે. આ માધ્યમથી જોડાયેલા રહેવા માટે ઉત્સુક છું. સતત સંવાદની અમારી સફરમાં આ બીજું મહત્વનું પગલું છે.

વ્હોટ્સએપ ચેનલો પરની તેમની પહેલી પોસ્ટમાં વડાપ્રધાન મોદીએ સંસદ ભવનની અંદર લીધેલો ફોટો પણ શેર કર્યો હતો. આ દર્શાવે છે કે PMO માત્ર આતુર નથી પણ આવા મેસેજિંગ પ્લેટફોર્મ દ્વારા પ્રેક્ષકોના મોટા જૂથ સાથે સંબંધો જાળવવા માટે પણ સમર્પિત છે.

સોશિયલ મીડિયા પર સૌથી વધુ લોકપ્રિય ભારતીય

વડાપ્રધાન નરેન્દ્ર મોદી સોશિયલ મીડિયા પર ખૂબ જ લોકપ્રિય વ્યક્તિ છે. 91 મિલિયનથી વધુ ફોલોઅર્સ સાથે વડાપ્રધાન મોદીને ટ્વિટર પર સૌથી વધુ ભારતીય લોકો ફોલો કરે છે. PM મોદીના ફેસબુક પર 48 મિલિયન ફોલોઅર્સ છે, જ્યારે ઇન્સ્ટાગ્રામ પર તેમના 78 મિલિયનથી વધુ ફોલોઅર્સ છે.

મેટાએ એક અનોખું પ્લેટફોર્મ શરૂ કર્યું

મેટાએ અપડેટ્સ મેળવવા માટે 13 સપ્ટેમ્બરે ભારતમાં અને 150 થી વધુ દેશોમાં WhatsApp ચેનલ શરૂ કરી છે. મેટાએ કહ્યું છે કે આ વોટ્સએપ ચેનલ વન-વે બ્રોડકાસ્ટિંગ માટેનું એક સાધન છે. આ તમને WhatsApp જૂથમાં મહત્વપૂર્ણ લોકો અને સંસ્થાઓ તરફથી અપડેટ્સ પ્રાપ્ત કરવા માટે એક ખાનગી પ્લેટફોર્મ આપે છે. આ WhatsAppનો ધ્યેય ખાનગી પ્રસારણ સેવા બનાવવાનો છે. આ ચેનલ ચેટ કરતા અલગ છે. આ ચેનલ અપડેટ્સ નામની નવી ટેબમાં મળી શકે છે.

આ પણ વાંચો: નારીશક્તિ વંદન અધિનિયમ લોકસભામાં 454 મતે પસાર