બનાસકાંઠા : ડીસા હાઇવેની હોટલમાં LCBની ટીમે રેડ કરી દારૂનો જથ્થો ઝડપી પાડ્યો

• પોલીસે આરોપીની અટકાયત કરી 40,610 નો મુદ્દામાલ જપ્ત કર્યો

બનાસકાંઠા :  ડીસા સહિત સમગ્ર બનાસકાંઠા જિલ્લામાં ક્રાઈમ બ્રાન્ચ દ્વારા જુદી જુદી ટીમો બનાવી દારૂના વેચાણ અને તેની હેરાફેરીને અટકાવવા માટે કડક કાર્યવાહી કરવામાં આવી રહી છે ત્યારે ગઈકાલે એલસીબી ની ટીમે ડીસા ધાનેરા હાઇવે ઉપર આવેલ એક હોટલ માં રેડ કરી દારૂ અને બિયર ના જથ્થા સાથે એક શખ્સને ઝડપી પાડ્યો હતો

બનાસકાંઠા લોકલ ક્રાઈમ બ્રાન્ચના કાનસિંહ. મિલનદાસ સાધુ. સંજયભાઈ સહિતની ટીમ ગઈકાલે પેટ્રોલિંગમાં હતી તે દરમિયાન ખાનગી રાહે બાતમી મળી હતી કે ડીસા ધાનેરા રોડ ઉપર આખોલ ગામ પાસે આવેલ મહાકાળી હોટલમાં દારૂ અને બિયર નું વેચાણ થાય છે જેથી તાત્કાલિક એલસીબી ની ટીમે સ્થળ ઉપર જઈ મહાકાળી હોટલમાં રેડ કરતા અંદર થી દારૂ અને બિયરની 349 બોટલ મળી આવી હતી. પોલીસે ₹40,610 નો દારૂનો જથ્થો જપ્ત કરી આરોપી મહેશજી ઉર્ફે હકો કાળુજી કુકડીયા ઠાકોર રહે આખોલ મોટી વાળાની અટકાયત કરી તેની પૂછપરછ કરતા તેને આ દારૂનો જથ્થો એક સફેદ કલરની સ્વિફ્ટ ગાડી નો ચાલક આપી ગયો હોવાની કબુલાત કરતા પોલીસે બંને શખ્સો સામે પ્રોહિબિશન એક્ટ મુજબનો ગુનો નોધી વધુ તપાસ હાથ ધરી છે

આ પણ વાંચો : પાલનપુર : બનાસની મેઘવાળ સમાજની બહેનોએ હાથથી વણેલી સાડીથી રાષ્ટ્રપતિ દ્રૌપદી મુર્મુનું કરાયું સ્વાગત