ભારતનો પહેલો સ્વદેશી 700 મેગાવોટ પરમાણુ પ્લાન્ટ ગુજરાતમાં શરુ, જાણો આ પ્રોજેકટની લગતી મહત્વની જાણકારી

દક્ષિણ ગુજરાતમાં કાકરાપાર એટોમિક પાવર પ્રોજેક્ટ (કેએપીપી) ખાતે ભારતના પ્રથમ સ્વદેશી રીતે વિકસિત 700 મેગાવોટ પરમાણુ પાવર રિએક્ટર કેએપીપી-3 એ તેની કુલ શક્તિના 90 ટકા પર આજે વ્યાપારી કામગીરી શરૂ કરી છે. ત્યારે વડાપ્રધાન મોદીએ ગુજરાતમાં કાકરાપાર પરમાણુ ઉર્જા પરિયોજનામાં ભારતના પહેલા સ્વદેશી 700 મેગાવોટ ઈલેક્ટ્રિક પરમાણુ ઉર્જા રિએક્ટરની શરુઆતની પ્રશંસા કરી અને મોદીએ આ કામગીરી બદલ વૈજ્ઞાનિકો અને એન્જિનિયરોને અભિનંદન પાઠવ્યા હતા. ગુજરાતનો આ ન્યુક્લિયર પાવર પ્લાન્ટ કાકરાપાર તાપી નદી પર સુરતથી આશરે 80 કિમી દૂર છે.

PM મોદીએ વૈજ્ઞાનિકો અને એન્જિનિયરોને શુભેચ્છા પાઠવી

ટ્વિટર પર પોસ્ટમાં વડા પ્રધાને કહ્યું, “ભારતે વધુ એક સીમાચિહ્ન હાંસલ કર્યું. ગુજરાતમાં સૌપ્રથમ સૌથી મોટો સ્વદેશી 700 મેગાવોટ કાકરાપાર ન્યુક્લિયર પાવર પ્લાન્ટ યુનિટ-3 સંપૂર્ણ ક્ષમતાથી કામગીરી શરૂ કરે છે. અમારા વૈજ્ઞાનિકો અને એન્જિનિયરોને અભિનંદન.”

India achieves another milestone.

The first largest indigenous 700 MWe Kakrapar Nuclear Power Plant Unit-3 in Gujarat starts operations at full capacity.

Congratulations to our scientists and engineers.

— Narendra Modi (@narendramodi) August 31, 2023

ન્યુક્લિયર પાવર પ્લાન્ટ કાકરાપારની કામગીરી

કાકરાપાર એટોમિક પાવર પ્રોજેક્ટ (કેએપીપી) ખાતેના રિએક્ટરે 30 જૂનના રોજ કોમર્શિયલ કામગીરી શરૂ કરી હતી પરંતુ તે અત્યાર સુધી તેની ક્ષમતાના 90 ટકા પર કામ કરી રહી છે.

ન્યુક્લિયર પાવર કોર્પોરેશન ઓફ ઈન્ડિયા લિમિટેડ (NPCIL) કાકરાપારમાં બે 700 મેગાવોટના દબાણયુક્ત હેવી વોટર રિએક્ટર (PHWR)નું નિર્માણ કરી રહી છે, જે બે 220 મેગાવોટ પાવર પ્લાન્ટનું ઘર પણ છે.

અધિકારીઓના જણાવ્યા અનુસાર કેએપીપી 4 પર વિવિધ કમિશનિંગ પ્રવૃત્તિઓ ચાલી રહી હતી, જેણે જુલાઈ સુધીમાં 97.56 ટકા પ્રગતિ હાંસલ કરી હતી.

NPCIL દેશભરમાં 16 700 MW PHWR બનાવવાની યોજના ધરાવે છે અને તેના માટે નાણાકીય અને વહીવટી મંજૂરીઓ આપી છે.

રાજસ્થાનના રાવતભાટા (RAPS 7 અને 8) અને હરિયાણાના ગોરખપુર (GHAVP 1 અને 2) ખાતે 700 મેગાવોટના પરમાણુ પાવર પ્લાન્ટનું નિર્માણ ચાલી રહ્યું છે.

હરિયાણામાં ગોરખપુર, મધ્ય પ્રદેશમાં ચુટકા, રાજસ્થાનમાં માહી બાંસવારા અને કર્ણાટકમાં કૈગા – સરકારે ફ્લીટ મોડમાં 10 સ્વદેશી રીતે વિકસિત PHWRsના બિલ્ડિંગને મંજૂરી આપી છે.

આ પણ વાંચો  : કથિત ઈસરો વૈજ્ઞાનિક મિતુલ ત્રિવેદીને લઈને વધુ એક ખુલાસો, UKની કેમ્બ્રિજ યુનિ.નું સર્ટિફિકેટ પણ બોગસ બનાવ્યું