ઓગસ્ટમાં UPI ટ્રાન્ઝેક્શનનો આંકડો 10 બિલિયને પાર, આ એપનો ઉપયોગ સૌથી વધારે!
HD ન્યૂઝ ડેસ્કઃ ભારતમાં યુનિફાઇડ પેમેન્ટ ઇન્ટરફેસ (UPI) નો ઉપયોગ કરનારા લોકોની સંખ્યા સતત વધી રહી છે. આજકાલ, લોકો રોકડનો ઉપયોગ કરવાને બદલે નાની ચૂકવણી માટે યુપીઆઈનો ઉપયોગ કરી રહ્યા છે. આ કારણથી દેશના UPI ટ્રાન્ઝેક્શનમાં જબરદસ્ત વધારો થઈ રહ્યો છે.
10 અબજથી વધુ UPI: નેશનલ પેમેન્ટ કોર્પોરેશન ઓફ ઈન્ડિયા (NPCI) એ ઓગસ્ટ માટે જાહેર કરેલા ડેટામાં આ વાતનો ખુલાસો કર્યો છે. NPCI અનુસાર, ઓગસ્ટ 2023માં દેશભરમાં 10 અબજથી વધુ UPI વ્યવહારો થયા છે. 30 ઓગસ્ટ, 2023 સુધી, 15.18 અબજ રૂપિયા એટલે કે રૂ. 15,18,486 કરોડ (મૂલ્ય)ના કુલ 10.24 અબજ UPI વ્યવહારો થયા છે. જુલાઈની વાત કરીએ તો UPI દ્વારા કુલ રૂ. 9.96 બિલિયનનું ટ્રાન્ઝેક્શન થયું હતું. જ્યારે જૂનમાં આ આંકડો 9.33 અબજ રૂપિયા હતો.
UPI ના ઉપયોગમાં 50% વધારો: NPCI દ્વારા જાહેર કરવામાં આવેલ ડેટા દર્શાવે છે કે ઓગસ્ટ 2022 ની સરખામણીમાં, UPI વ્યવહારોમાં લગભગ 50 ટકાનો વધારો નોંધવામાં આવ્યો છે. ગયા વર્ષે આ સમયગાળા દરમિયાન કુલ 6.50 અબજના વ્યવહારો થયા હતા, જે હવે વધીને 10 અબજથી વધુ થઈ ગયા છે. નોંધનીય છે કે ઓક્ટોબર 2019 એ પહેલો મહિનો હતો જ્યારે સમગ્ર દેશમાં યુઝર્સે 10 બિલિયનથી વધુ વખત UPI નો ઉપયોગ કર્યો હતો. ત્યારથી, UPI વપરાશકર્તાઓની સંખ્યા સતત વધી રહી છે.
આ એપનો ઉપયોગ સૌથી વધારેઃ UPI યુઝર્સ પેમેન્ટ માટે અલગ-અલગ એપનો ઉપયોગ કરે છે. યુઝર બેઝની વાત કરીએ તો, સ્વદેશી કંપની PhonePeએ આ મામલે અન્ય તમામ એપ્સને પાછળ છોડી દીધી છે અને જૂન 2023માં થયેલા કેટલાક UPI ટ્રાન્ઝેક્શનમાં તેનો હિસ્સો 47 ટકાથી વધુ રહ્યો છે. આ યાદીમાં બીજા સ્થાને Google Pay છે, જેનો હિસ્સો 35 ટકા છે. જ્યારે Paytm આ યાદીમાં 14 ટકા શેર સાથે ત્રીજા સ્થાને છે
આ પણ વાંચોઃ Surgical Strike: કેવી રીતે કરવામાં આવે છે સર્જિકલ સ્ટ્રાઈક, અત્યાર સુધીમાં કેટલી વખત આવી સૈન્ય કાર્યવાહી થઈ
