કાંતારા-2 એકદમ અલગ અવતારમાં જોવા મળશે : રિષભ શેટ્ટી
ફિલ્મ ઈન્ડસ્ટ્રીમાં ખૂબ જ ઓછા બજેટમાં બનેલી કાંતારા લોકોને ખુબ જ પસંદ આવી હતી.કાંતારાએ બોક્સઓફિસ રેકોર્ડ પણ કર્યાં હતો. હવે આ જ ફ્રેન્ચાઇઝીની કાંતારા-2 ટૂંક સમયમાં જ આવી રહી છે. આ ફિલ્મનું શૂટિંગ નવેમ્બર 2023થી શરૂ કરી દેવામાં આવશે, કારણ કે રિષભ શેટ્ટીએ ફિલ્મની સ્ટોરી આટોપી લીધી છે અને હવે તે તેના લુક માટેની વિશેષ તૈયારી પણ કરી રહ્યો છે.
‘કાંતારા’ના નિર્માતાઓ હવે ફિલ્મની પ્રિક્વલ પર કામ કરી રહ્યા છે. એક રિપોર્ટ અનુસાર, આ વખતે ફિલ્મ નિર્માતાઓએ પ્રથમ ફિલ્મની સરખામણીએ ‘કાંતારા 2’ નામની પ્રિક્વલનું બજેટ 7 ગણું વધારી દીધું છે. જે આ ફિલ્મના નિર્માણમાં મદદ કરશે. જોકે, પહેલી કાંતારાનું બજેટ એકદમ ઓછું હતું જ્યારે કાંતારા-2નું બજેટ થોડું વધારે હોવાની સંભાવનાઓ જણાઈ રહી છે. ફિલ્મનું બજેટ 125 કરોડ હોવાનો અંદાજ છે. નોંધનીય છે કે કાંતારા-2માં કેટલાક નવા કલાકારોને પણ લેવામાં આવ્યા છે.
ફિલ્મના પહેલા પાર્ટનું શૂટિંગ એક્ટરના કુંડાપુરાસ્થિત હોમટાઉનમાં શૂટ કરવામાં આવ્યું હતું જ્યારે કાંતારા-2ના શૂટિંગ માટે મેંગ્લોરની જગ્યા નક્કી કરવામાં આવી છે, કારણ કે સ્ક્રિપ્ટ પ્રમાણે ત્યા જંગલ, ફિલ્મનું શેડ્યૂલ ચાર મહિના સુધીનું છે. કાંતારા-1એ 400 કરોડની કમાણી કરી હતી અને દર્શકોનાં દિલ જીતી લીધાં હતાં. તેથી હવે દર્શકો કાંતારા-2ની કાગડોળે રાહ જોઈ રહ્યા છે.
આ પણ વાંચો : શાહરૂખના જવાન ટ્રેલરે દુબઈના બુર્જ ખલીફા પર ખળભળાટ મચાવી દીધો, ‘જવાન’ 7 સપ્ટેમ્બરે થશે રિલીઝ
