મોડી રાત્રે રાજસ્થાનથી ગુજરાત તરફ આવતી એક ખાનગી બસ પર પથ્થરમારો થયો હોવાના અહેવાલ સામે આવ્યા છે. જાણકારી મુજબ ગત મોડી રાત્રીએ ઘટેલી આ ઘટનામાં લોકોના જીવ અધ્ધર થઈ ગયા હતા.આબુ રોડ પર રાજસ્થાન તરફથી આવતી ગુજરાત ટ્રાવલેસની ખાનગી બસ અમદાવાદ તરફ જઈ રહી હતી તે દરમિયાન અસામાજિક તત્વોએ બસ પર પથ્થરમારો કર્યો હતો. જો કે આ ઘટનામાં સદનસીબે મોટી જાનહાની ટળી છે.
આબુ રોડ પર દોડતી બસ ઉપર પથ્થરમારો
પ્રાપ્ત વિગતો મુજબ રક્ષાબંધનની રાત્રે આબુ અંબાજી રોડ પરથી ગુજરાત ટ્રાવેલ્સની પ્રાઈવેટ લક્ઝરી બસ દોડી રહી હતી આ દરમિયાન કેટલાક અસામાજીક તત્વો દ્વારા બસ પર પથ્થરમારો કરવામા આવ્યો હતો. આ ઘટનામાં બસના આગળના કાચનો કડુસલો બોલી ગયો હતો,ઘટનાને પગલે બસમા સવાર લોકોના જીવ પડીકે બંધાયા હતા. જોકે ડ્રાઈવરે હિંમત રાખીને બસ ક્યાંય થોભાવ્યા વગર અંબાજી ખાતે સલામત રીતે મુસાફરોને લઈ આવ્યો હતો આમ ડ્રાઇવરની સૂઝબૂજના લીધે તમામ મુસાફરોને સહી સલામત પહોંચ્યા હતા. જેથી લોકોએ ડ્રાઈવરનો આભાર માન્યો હતો.
ડ્રાઈવરને પથ્થરો વાગતા થયો ઈજાગ્રસ્ત
ઘટનામાં અજાણ્યા લોકોએ છુટ્ટા પથ્થરોના ઘા ઝીંકતા બસને નુકસાન પહોંચ્યું હતું આ ઘટનામાં ડ્રાઈવરની સમય સૂચકતાને કારણે મોટી દુર્ઘટના થતાં સહેજમાં અટકી હતી. આ ઘટનામાં ડ્રાઈવરને પથ્થરો વાગ્યા હતા અને તેને ઈજાઓ થઈ હતી.
આ પણ વાંચો : સાળંગપુર મંદિરને લઈ વધુ એક વિવાદ , હનુમાનજીની મૂર્તિ પર સ્વામિનારાયણ સંપ્રદાયનું તિલક જોઈ ભડક્યાં ભક્તો
