જ્હાન્વી કપૂરે શ્રી વેંકટેશ્વર સ્વામી મંદિરની મુલાકાત લીધી,અભિનેત્રી ભક્તિમાં ડૂબેલી જોવા મળી
જ્હાન્વી કપૂર સોમવારે સવારે શ્રી વેંકટેશ્વર સ્વામી મંદિરમાં દર્શન કરવા પહોંચી હતી. આ દરમિયાન નો મેકઅપ લુકમાં જોવા મળેલી એક્ટ્રેસનો વીડિયો સોશિયલ મીડિયા પર ખૂબ વાયરલ થઈ રહ્યો છે. જ્હાન્વી કપૂર શ્રી વેંકટેશ્વર સ્વામી મંદિરની મુલાકાતે છે. બોલીવુડ અભિનેત્રી જ્હાન્વી કપૂર જીન જુનિયર એનટીઆર અને સૈફ અલી ખાન સાથે તેની આગામી ફિલ્મ ‘દેવરા’ ના શૂટિંગ માટે હૈદરાબાદમાં ઘણો સમય વિતાવી રહી છે. શૂટિંગ દરમિયાન અભિનેત્રીએ પોતાના વ્યસ્ત શેડ્યૂલમાંથી સમય કાઢીને સોમવારે સવારે તિરુમાલા મંદિરમાં દર્શન કરવા પહોંચી હતી.
જ્હાન્વી કપૂરની સાદગીએ ચાહકોના જીત્યા દિલ
સોમવારે સવારે જ્હાન્વી કપૂર પરંપરાગત લવંડર સાડીમાં તિરુમાલાના શ્રી વેંકટેશ્વર સ્વામી મંદિરમાં પૂજા કરવા પહોંચી હતી. આ દરમિયાન અભિનેત્રી નો મેકઅપ લુકમાં જોવા મળી હતી અને ભગવાન વેંકટેશ્વર સ્વામીની ભક્તિમાં મગ્ન હતી. જ્હાન્વી કપૂર મંદિરમાં તેના રક્ષકો અને તેની ટીમના સભ્યો તેમજ મંદિરની પ્રબંધન સમિતિના સભ્યોથી ઘેરાયેલી જોવા મળી હતી. તે જ સમયે, અભિનેત્રીનો આ વીડિયો હવે સોશિયલ મીડિયા પર ખૂબ વાયરલ થઈ રહ્યો છે.
#WATCH | Andhra Pradesh | Actress Janhvi Kapoor visits Sri Venkateswara Swami Temple in Tirumala to offer prayers. pic.twitter.com/zbOHYkcBfH
— ANI (@ANI) August 28, 2023
પ્રદેશના તિરુમાલામાં આવેલ શ્રી વેંકટેશ્વર સ્વામી મંદિર ભારતના સૌથી આદરણીય મંદિરોમાંનું એક છે. તમને જણાવી દઈએ કે આ મંદિરમાં માત્ર જ્હાન્વી જ નહીં, પરંતુ તેની માતા શ્રીદેવીને પણ ઘણી શ્રદ્ધા હતી. તે જ સમયે, જ્હાન્વી કપૂર મંદિરમાં હોવાના સમાચાર ફેલાતા જ, અભિનેત્રીની એક ઝલક મેળવવા માટે ત્યાં ભીડ એકઠી થઈ ગઈ.અભિનેત્રીનો આ અંદાજ લોકોનો ખુબ જ પસંદ આવી રહ્યો છે.
આ પણ વાંચો : શાકભાજી માર્કેટમાં લસણ વેચતો જોવા મળ્યો સુનિલ ગ્રોવર, લોકોએ કહ્યું….
