નૂહમાં વહીવટીતંત્રની પરવાનગી વગર આજે VHP શોભા યાત્રા કાઢશે, ચુસ્ત સુરક્ષા બંદોબસ્ત
- મુખ્ય પ્રધાન મનોહર લાલ ખટ્ટરે આ યાત્રાને મંજૂરી આપી નથી, આગ્રહ કર્યો કે મંદિરમાં જલાભિષેક થઈ શકે છે, પૂજા થઈ શકે છે, પરંતુ યાત્રાને મંજૂરી આપવામાં આવશે નહીં, છતાં VHP આજે શોભા યાત્રા કાઢશે.
નૂહ: વિશ્વ હિન્દુ પરિષદ ફરી એકવાર હરિયાણાના નૂહમાં બ્રજ મંડળ યાત્રા કાઢવા જઈ રહ્યા છે. આજે સવારે 11 વાગ્યે યાત્રા કાઢવામાં આવશે તેવી ચર્ચા છે. હવે મુખ્ય પ્રધાન મનોહર લાલ ખટ્ટરે આ યાત્રાને મંજૂરી આપી નથી, આગ્રહ કર્યો છે કે મંદિરમાં જલાભિષેક થઈ શકે છે, પૂજા થઈ શકે છે, પરંતુ યાત્રાને મંજૂરી આપવામાં આવશે નહીં. હવે VHPએ આ આદેશ સ્વીકારવાનો સ્પષ્ટ ઇનકાર કરી દીધો છે અને તેના કારણે નૂહમાં 144 લાગુ કરવામાં આવી છે. આ ઉપરાંત શાળા-કોલેજો બંધ રાખવામાં આવ્યા છે.
નૂહની સ્થિતિ કેવી છે?
હાલમાં, વહીવટીતંત્ર દ્વારા મોટી સંખ્યામાં પોલીસ કર્મીઓને હાજર રહેવા માટે કહેવામાં આવ્યું છે, દરેક જગ્યાએ સુરક્ષા દળો ગોઢવી દેવામાં આવ્યા છે, કેમકે મુખ્યમંત્રીએ VHPને શોભા યાત્રાને મંજુરી નથી આપી છતાં તેઓ શોભા યાત્રા નિકાળવા જઈ રહ્યા છે. જેને લઈ ને નૂહમાં કડક સુરક્ષા બંદોબસ્ત ગાઢવી દેવામાં આવ્યો છે. પોલીસ અને મુખ્યમંત્રી બંનેએ કહ્યું હતું કે તણાવને જોતા યાત્રાને મંજૂરી આપી શકાય નહીં. પરંતુ VHP તરફથી સ્પષ્ટપણે કહેવામાં આવ્યું કે તેમને આદેશ સાથે કોઈ લેવાદેવા નથી, યાત્રા સવારે 11 વાગ્યે શરૂ થશે. હવે આ જીદથી ફરી એકવાર તણાવ વધી ગયો છે.
#WATCH हरियाणा: विश्व हिंदू परिषद (VHP) के यात्रा आह्वान के मद्देनजर नूंह और आसपास के इलाकों में सुरक्षा कड़ी कर दी गई है।
(वीडियो नूंह-गुरुग्राम सीमा के हैं।) pic.twitter.com/biGIebt8FN
— ANI_HindiNews (@AHindinews) August 28, 2023
VHPની જાહેરાત, તણાવ વધ્યો
VHP તરફથી દલીલ કરવામાં આવી રહી છે કે ધર્મનિરપેક્ષ દેશમાં ધાર્મિક યાત્રાની પરવાનગી કેવી રીતે છે, તેઓનું કહેવું છે કે, અમે અમારી યાત્રા નાની કરી શકીએ છીએ પરંતુ યાત્રાને રોકીશું તો નહી જ. આ જાહેરાત બાદ રાજ્યના ગૃહમંત્રીએ કહ્યું છે કે તેમની તરફથી વ્યવસ્થા પૂર્ણ કરી લેવામાં આવી છે, પોલીસને જરૂરી આદેશો પણ આપવામાં આવ્યા છે. બીજી તરફ પોલીસે એમ પણ જણાવ્યું છે કે આ વખતે સંવેદનશીલ વિસ્તારોમાં ડ્રોન દ્વારા નજર રાખવામાં આવી રહી છે. આ સિવાય 29 ઓગસ્ટ સુધી ઈન્ટરનેટ પણ બંધ કરવામાં આવ્યું છે અને કેટલાક વિસ્તારોમાં કલમ 144 પણ લાગુ છે.
આ પણ વાંચો: વિપક્ષી ગઠબંધન: NDAના પક્ષો INDIAના સંપર્કમાં હોવાનો કોંગ્રેસનો દાવો
