આજે પુત્રદા એકાદશીઃ સંતાન સુખમા બાધા દુર કરશે આ વ્રત

પુત્રદા એકાદશી 2023 : વર્ષમાં આવતી દરેક એકાદશીનું પોતાનું મહત્વ હોય છે. શ્રાવણ મહિનાના સુદ પક્ષમાં આવતી એકાદશીને પુત્રદા એકાદશી (Putrada Ekadashi 2023) તરીકે ઓળખવામાં આવે છે.પુત્રદા એકાદશી વર્ષમાં બે વાર આવે છે. પુત્રદા એકાદશીને લઈને એવી માન્યતા છે કે આ દિવસે વ્રત રાખવાથી સંતાન સુખની સાથે સંતાનની પ્રગતિ પણ થાય છે. આવો જાણીએ શ્રાવણના સુદ પક્ષની પુત્રદા એકાદશી ક્યારે છે અને તેનું શું મહત્વ છે?

પુત્રદા એકાદશી ક્યારે છે?

પંચાંગ અનુસાર, શ્રાવણ મહિનાના શુક્લ પક્ષની એકાદશી 26 ઓગસ્ટ શનિવારના રોજ બપોરે 12.09 વાગ્યે શરૂ થશે અને બીજા દિવસે એટલે કે 27 ઓગસ્ટ રવિવારે રાત્રે 9.33 વાગ્યા સુધી ચાલુ રહેશે. ઉદયા તિથિમાં એકાદશી હોવાને કારણે પુત્રદા એકાદશીનું વ્રત 27 ઓગસ્ટે જ રાખવામાં આવશે. 27 ઓગસ્ટના રોજ ખૂબ જ શુભ સર્વાર્થ સિદ્ધિ યોગ પણ છે. સર્વાર્થ સિદ્ધિ યોગ સવારે 5.56 કલાકે શરૂ થશે અને સવારે 7.16 સુધી ચાલશે. એટલા માટે આ શુભ મુહૂર્તમાં પૂજા કરવી ખૂબ જ ફળદાયી રહેશે.

શું છે પુત્રદા એકાદશીનું મહત્વ?

માન્યતાઓ અનુસાર પુત્રદા એકાદશીનું વ્રત કરવાથી ઉત્તમ ફળ મળે છે. જો કોઈને સંતાન સુખમાં બાધા આવી રહી હોય તો તે આ વ્રત રાખી શકે છે. આ વ્રત રાખવાથી બાળકોની તમામ પરેશાનીઓ પણ દૂર થઈ જાય છે. આ સાથે બાળકને સ્વાસ્થ્ય અને સારી ઉંમરનું વરદાન પણ મળે છે.

પુત્રદા એકાદશી આ છે પૂજાવિધિ

સવારે બ્રહ્મ મુહૂર્તમાં જાગીને સ્નાનાદિ પછી ઘરના મંદિરમાં દેશી ઘીનો દીવો પ્રગટાવો. આ પછી ભગવાન વિષ્ણુને ગંગાજળથી અભિષેક કરો. આ પછી ભગવાન વિષ્ણુને ફૂલ અને તુલસી અર્પણ કરો. આ પછી એકાદશીનું વ્રત લેવું. સાથે જ તુલસી માળા સાથે 108 વાર ઓમ વાસુદેવાય નમઃ નો જાપ કરો. અંતમાં ભગવાન વિષ્ણુની આરતી કરો. આ દિવસે ભગવાનને સાત્વિક વસ્તુઓ જ અર્પણ કરો. ભગવાન વિષ્ણુના ભોગમાં તુલસીનો અવશ્ય સમાવેશ કરો. જો આ દિવસે રવિવાર હોય તો પહેલા તુલસીના પાન તોડી લો.

આ પણ વાંચોઃ હવે જો કર્મચારી બીજા લગ્ન કરશે તો પણ તેની નોકરી જશે નહીં: અલ્હાબાદ હાઈકોર્ટ