આધાર ધારકોને UIDAIએ ચેતવણી આપી, આ ભુલ કરી તો મોટી સમસ્યા થઈ શકે
- UIDAI એ તેના કરોડો આધાર યુઝર્સને એલર્ટ કરતા કહ્યું કે તેઓ ભૂલથી પણ જો ઈમેલ અથવા Whatsapp પર આધારના દસ્તાવેજો શેર કરશો તો મોટી સમસ્યા બની શકે છે.
Aadhaar Card Update: આજના સમયમાં આધાર કાર્ડ એક મહત્વપૂર્ણ દસ્તાવેજ તરીકે ઓળાખઈ રહ્યું છે. આવી સ્થિતિમાં, આધાર કાર્ડ બનાવતી સંસ્થા યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) તેને અપડેટ કરવા માટે અમુક સમય પર માહિતી શેર કરતી રહે છે. આધાર અપડેટ કરવા માટે ઘણા આધાર યુઝર્સને ઈમેલ અથવા વોટ્સએપ પર મેસેજ મળી રહ્યા છે. જો તમને પણ આ મેસેજ મળ્યો હોય તો તરત જ સાવધાન થઈ જાવ કારણ કે આ છેતરપિંડીની બીજી નવી રીત છે.
UIDAI શું સાવચેતી રાખવા ટ્વિટ કર્યું?
કરોડો આધાર વપરાશકર્તાઓને ચેતવણી આપતા, UIDAI એ તેના X હેન્ડલ પરથી ટ્વીટ કરીને માહિતી આપી છે કે તે ક્યારેય આધાર અપડેટ કરવા માટે ઈમેલ અથવા WhatsApp દ્વારા દસ્તાવેજો માંગતી નથી. આ કિસ્સામાં, આધાર અપડેટ કરવા માટે હંમેશા માય આધાર પોર્ટલનો ઉપયોગ કરો. તે જ સમયે, ઑફલાઇન સુવિધાનો લાભ લેવા માટે નજીકના આધાર કેન્દ્રની મુલાકાત લો.
- સમાચારોથી અપડેટ રેવા માટે જોતા રહો HD ન્યૂઝ- https://humdekhenge.in/
UIDAI never asks you to share your POI/ POA documents to update your #Aadhaar over Email or Whatsapp.
Update your Aadhaar either online through #myAadhaarPortal or visit Aadhaar centers near you. pic.twitter.com/QZlfOnBp54
— Aadhaar (@UIDAI) August 17, 2023
10 વર્ષ જૂનું આધાર અપડેટ કરવા UIDAI મફતમાં સેવા:
નોંધપાત્ર રીતે UIDAI છેલ્લા કેટલાક સમયથી એક અભિયાન ચલાવી રહ્યું છે. જેમાં તેણે 10 વર્ષથી વધુ જૂનું આધાર અપડેટ કરવાનું કહ્યું છે. UIDAI કહે છે કે જે લોકોનો આધાર 10 વર્ષથી વધુ જૂનો છે તેઓએ તેમની વસ્તી વિષયક વિગતો જેમ કે ઓળખનો પુરાવો અને સરનામાનો પુરાવો (POI/POA) દસ્તાવેજો આધારમાં અપડેટ કરવા જોઈએ. આ માટે UIDAI મફતમાં આધાર અપડેટ કરવાની સુવિધા પણ આપી રહી છે. અગાઉ આ મફત સેવા 14 જૂન, 2023 સુધી ઉપલબ્ધ હતી, જે હવે 14 સપ્ટેમ્બર, 2023 સુધી લંબાવવામાં આવી છે.
કેવી રીતે મફતમાં આધાર અપડેટ કરવું-
1. આ માટે પહેલા https://myaadhaar.uidai.gov.in/ વેબસાઇટ પર ક્લિક કરો અને તમારો આધાર નંબર દાખલ કરો.
2. પછી આગળ Proceed To Update Address નો વિકલ્પ પસંદ કરો.
3. આગળ, તમારા રજિસ્ટર્ડ મોબાઇલ પર એક OTP મોકલવામાં આવશે, જે અહીં દાખલ કરવો આવશ્યક છે.
4. આગળ તમારે Document Update ના વિકલ્પ પર ક્લિક કરવાનું રહેશે. અહીં તમે વર્તમાન સરનામું જોશો.
5. જો તમારું સરનામું સાચું છે તો વેરીફાઈ કરવા માટે લિંક પર ક્લિક કરો.
6. આ પછી તમારે ઓળખના પુરાવા અને સરનામાના પુરાવા માટે વિકલ્પ પસંદ કરવો પડશે.
7. આ પછી તમારે એડ્રેસ પ્રૂફ માટે સ્કેન કોપી અપલોડ કરવી પડશે અને પછી સબમિટ બટન પર ક્લિક કરવું પડશે.
8.આ પછી તમારી આધાર અપડેટ વિનંતી સ્વીકારવામાં આવશે અને તેના બદલે તમને 14 અંકનો અપડેટ વિનંતી નંબર (URN) મળશે.
આમ આ રીતે તમે તમારુ 10 વર્ષ જૂનું આધાર કાર્ડ અપડેટ કરી શકો છો, જો આ રીતે ઘરે બેઠા જાતે સુધારા ના ફાવે તો નજીકના આધાર કેન્દ્રની મુલાકાત લો. ઈમેલ કે Whatsapp કરીને આધારમાં સુધારા વધારા થતા જ નથી જેની નોંધ લો અને સાઈબર ક્રાઈમનો ભોગ બનતા અટકો.
આ પણ વાંચો: સાયબર ઠગ લોકોને 4 રીતે ફસાવે છે, જાણો કેવી રીતે આનાથી બચવું
