Hero Motocropએ પારિવારિક સમજૂતીનો કર્યો ખુલાસો, સુનીલ કાંત મુંજાલે જોઈન્ટ એમડી પદ પરથી આપ્યું રાજીનામું

હીરો મોટોકોર્પે આ માહિતી આપી છે કે સુનીલ કાંત મુંજાલ કંપનીના જોઈન્ટ મેનેજિંગ ડિરેક્ટરના પદ પરથી રાજીનામું આપશે. પારિવારિક કરારનો ખુલાસો કરતા કંપનીએ કહ્યું કે તેણે પ્રમોટર પાસેથી કરાર મેળવ્યો છે. કંપનીએ આ માહિતી રેગ્યુલેટરી ફાઇલિંગ દ્વારા સ્ટોક એક્સચેન્જને ઉપલબ્ધ કરાવી છે.

સ્ટોક એક્સચેન્જોને પ્રમોટર ફેમિલી સેટલમેન્ટ એગ્રીમેન્ટની વિગતો આપતા કંપનીએ જણાવ્યું હતું કે સુનીલ મુંજાલ Hero Motocropના મેનેજમેન્ટ અને નિયંત્રણમાંથી રાજીનામું આપી દીધું છે અને જોઈન્ટ મેનેજિંગ ડિરેક્ટરના પદ પરથી પણ રાજીનામું આપ્યું છે. કરાર મુજબ, લિસ્ટેડ યુનિટનું સંચાલન અને નિયંત્રણ પવન મુંજાલ, સંતોષ મુંજાલ, રેણુ મુંજાલ અને સુમન કાંત મુંજાલના પરિવારના જૂથ પાસે રહેશે. તેના ફાઇલિંગમાં, કંપનીએ જણાવ્યું હતું કે ટ્રેડમાર્ક હીરોના ઉપયોગ માટે ફેમિલી ગ્રૂપ અને સુનીલ કાંત મુંજાલ વચ્ચે પણ કરાર થયો છે.

કંપનીના રેગ્યુલેટરી ફાઇલિંગ મુજબ, સેટલમેન્ટ દરમિયાન પ્રમોટર્સ સંતોષ મુંજાલ, રેણુ મુંજાલ, પ્રમોટર અને Hero Motocrop લિમિટેડના ચેરમેન પવન મુંજાલ અને પ્રમોટર ગ્રુપના સભ્ય સુનીલ કાંત મુંજાલ બધાએ કરાર પર હસ્તાક્ષર કર્યા હતા. જુલાઈ 2016માં, સામેલ પક્ષોએ કરારની શરતો અંગે તેમની સંમતિ આપી હતી. અગાઉ આ કરાર પર ઔપચારિક રીતે 27 જુલાઈ 2016ના રોજ હસ્તાક્ષર કરવામાં આવ્યા હતા.

Hero Motocrop દ્વારા એપ્રિલથી જૂન ક્વાર્ટરમાં જાહેર કરાયેલા પરિણામો અનુસાર, નફામાં 32 ટકાનો ઉછાળો નોંધાયો હતો અને કંપનીનો નફો રૂ. 825 કરોડ હતો, જ્યારે કામગીરીમાંથી આવક રૂ. 8767 કરોડ હતી. હાલમાં જ હીરો મોટોકોર્પ તપાસ એજન્સીઓના નિશાના પર છે. EDએ ગયા મહિને કંપનીના ચેરમેન પવન મુંજાલના ઘર પર દરોડા પાડ્યા હતા. આવકવેરા વિભાગ પહેલાથી જ તપાસ કરી ચૂક્યું છે.