નવી દિલ્હી, ચંદીગઢમાં ચાલી રહેલી GST કાઉન્સિલની બે દિવસીય બેઠક આજે સમાપ્ત થઈ. આ બેઠકમાં નાણામંત્રી નિર્મલા સીતારમણની સાથે રાજ્યોના નાણા મંત્રીઓ પણ સામેલ થયા હતા. બેઠકના બીજા દિવસે GST કાઉન્સિલે ટ્રાન્સપોર્ટ સેક્ટર અને નાના ઓનલાઈન બિઝનેસને રાહત આપી છે.
પરિવહન થશે સસ્તું
ટ્રાન્સપોર્ટ સેક્ટરમાં રોપવે પરના જીએસટી દરમાં ઘટાડો મંજૂર કરવામાં આવ્યો હોવાથી માલસામાનનું પરિવહન સસ્તું થવાની શક્યતા છે. આ ઉપરાંત, ઇંધણ ખર્ચ સહિત નૂર ભાડા પર પણ રાહત આપવામાં આવી છે અને ટૂર પેકેજના વિદેશી ઘટકોને GSTમાંથી મુક્તિ આપવામાં આવી છે.
નાના વ્યવસાય માટે ફરજિયાત નોંધણીના ધોરણો માફ કરવામાં આવ્યા
ઈકોનોમિક ટાઈમ્સના સમાચાર અનુસાર, સામાન અને સેવાઓ માટે અનુક્રમે રૂ. 40 લાખ અને રૂ. 20 લાખ સુધીના નાના વ્યવસાયો માટે ફરજિયાત નોંધણીના ધોરણોને પણ માફ કરવામાં આવ્યા છે. તેનાથી લગભગ 1.2 લાખ નાના કરદાતાઓને ફાયદો થવાની અપેક્ષા છે.
GST કાઉન્સિલે એવી પણ ભલામણ કરી છે કે ઓપરેટરો માટે ફ્રેટ ચાર્જિસ પર GST 18 ટકાથી ઘટાડીને 12 ટકા કરવામાં આવે જેમાં ઇંધણની કિંમતનો સમાવેશ થાય છે. GST કાઉન્સિલ અનુસાર, માલસામાન અને મુસાફરોના પરિવહન પર ઓછા દરનું કારણ એ છે કે પેટ્રોલ, ડીઝલ, ATF GSTની બહાર છે.
