હરિયાણામાં KMP એક્સપ્રેસ હાઈવે પર સર્જાયેલા અકસ્માતમાં ગુજરાતના 4 લોકોના મોત

હરિયાણામાં અકસ્માતમાં મહેસાણાના 4 લોકોના મૃત્યુ
હરિયાણાના ગઝ્ઝર જિલ્લામાં થયોઅકસ્માત
ટ્રેલર સાથે ક્રેટા કાર અથડાતા થયો હતો અકસ્માત

રાજ્યમાં છેલ્લા કેટલાક સમયથી માર્ગ અકસ્માતની ઘટનાઓમાં વધારો થતો જોવા મળી રહ્યો છે. જેમાં કેટલાક નિદોર્ષ લોકોને પણ જીવ ગુમાવવાનો વારો આવે છે. ત્યારે આવો જ એક ગંભીર અકસ્માત હરિયાણામાં થયો હોવાનું સામે આવ્યું છે. જેમાં ગુજરાતના 4 લોકોના કમકમાટી ભર્યા મોત નીપજ્યા છે.

KMP એક્સપ્રેસ હાઈવે પર અકસ્માત
પ્રાપ્ત વિગતો અનુસાર,હરિયાણાના KMP એક્સપ્રેસ વે પર ટ્રક અને કાર વચ્ચે ભયાનક અકસ્માત સર્જાયો હતો. આ અકસ્માત KMP એક્સપ્રેસ હાઈવે પર બાદલી અને બુપાનિયા ગામ વચ્ચે સર્જાયો થયો હતો.KMP એક્સપ્રેસ વે પર આ અકસ્માત સવારે 7.30 વાગ્યે થયો હતો. અહીં 5 લોકો ક્રેટાકારમાં સવાર થઈને બહાદુરગઢ તરફ જઈ રહ્યા હતા. જેમાં મહેસાણાના 4 લોકો હતા. ત્યારે જતા સમયે અચાનક ડ્રાઈવરે સ્ટિયરિંગ પર કાબૂ ગુમાવતા કાર ટ્રેલર સાથે ધડાકાભેર અથડાઈ હતી. ટક્કર એટલી જોરદાર હતી કે, ચાર લોકોના ઘટનાસ્થળે જ મોત થયા હતા. જ્યારે એક યુવક ગંભીર રીતે ઈજાગ્રસ્ત થયો હતો.

ગંભીર રીતે ઈજાગ્રસ્તને હોસ્પિટલ ખસેડાયો
બીજી તરફ અકસ્માત સર્જાતા આસપાસના લોકો તાત્કાલિક ઘટના સ્થળે દોડી આવ્યા હતા. અને આ અંગે પોલીસ સહિત 108ને જણાવી ઈજાગ્રસ્ત યુવકની મદદ કરી હતી ધટના અંગે જાણ થતા તેઓ ઘટના સ્થળે દોડી આવ્યા હતા. અને ઈજાગ્રસ્ત યુવકને ગંભીર ઈજાગ્રસ્ત હાલતમાં બહાદુરગઢ જનરલ હોસ્પિટલમાં મોકલવામાં આવ્યો હતો. જ્યાં તેની ગંભીર હાલતને જોતા તેને પીજીઆઈ રોહતક રિફર કરવામાં આવ્યો છે.

આ પણ વાંચો : આણંદ: નસામાં ધૂત કારચાલકે કાબુ ગુમાવતા સર્જાયો અકસ્માત