આર્થિક સંકટનો સામનો કરી રહેલા પાકિસ્તાનના વડાપ્રધાન શહેબાઝ શરીફ દ્વારા ભારત સાથે વાતચીત અને સામાન્ય સંબંધો માટે કરવામાં આવેલી અપીલ પર ભારતે પોતાનું વલણ સ્પષ્ટ કર્યું છે. આ મુદ્દે સ્ટેન્ડ ક્લિયર કરતા વિદેશ મંત્રાલયના પ્રવક્તા અરિંદમ બાગચીએ કહ્યું કે ભારત અન્ય પાડોશીની જેમ પાકિસ્તાન સાથે સામાન્ય અને શાંતિપૂર્ણ સંબંધો ઈચ્છે છે. અમે અહેવાલો જોયા છે. આ પહેલા બુધવારે ભારત સાથે વાતચીતને લઈને મોટું નિવેદન આપવામાં આવ્યું હતું. તેમણે કહ્યું હતું કે તેઓ ભારત સાથે તમામ બાકી મુદ્દાઓ પર વાતચીત કરવા માંગે છે. પાકિસ્તાને ભારત સાથે ત્રણ યુદ્ધો કર્યા, જેનું કોઈ પરિણામ ન આવ્યું, પરંતુ દેશની અર્થવ્યવસ્થાને ફટકો પડ્યો અને ગરીબી વધી. બંને દેશો પરમાણુ શક્તિ છે, તેથી યુદ્ધનો વિકલ્પ નથી.
આતંકવાદ પર લગામ લગાવો
બાગચીએ કહ્યું કે, ભારત સાથે વાતચીત કરવા માટે પાકિસ્તાની વડાપ્રધાનની ઈચ્છા અંગેના અહેવાલો જોયા છે. આ અંગે ભારતની નીતિ અને સ્થિતિ સ્પષ્ટ, સુસંગત અને જાણીતી છે. અમે પાકિસ્તાન સહિત અમારા તમામ પાડોશી દેશો સાથે સામાન્ય સંબંધો ઈચ્છીએ છીએ. આ માટે આતંક અને દુશ્મનાવટથી મુક્ત વાતાવરણ જરૂરી છે. તેમણે કહ્યું કે, જો પાકિસ્તાની વડાપ્રધાન ખરેખર વાત કરવા માંગતા હોય તો પહેલા આતંકવાદ પર લગામ લગાવો.
બાગચીએ પણ આ મુદ્દાઓ પર વાત કરી હતી
ગુરુવારે વિદેશ મંત્રાલયની સાપ્તાહિક પ્રેસ બ્રીફિંગ દરમિયાન, વિદેશ મંત્રાલયના પ્રવક્તાએ બાળકી અરિહા શાહના કેસ અને હરિયાણામાં બનેલી ઘટના વિશે તેમજ રાજસ્થાનની અંજુ વિશે યુએસ સ્ટેટ ડિપાર્ટમેન્ટની ટિપ્પણી વિશે વાત કરી. પાકિસ્તાન જઈ રહી છે અને પાકિસ્તાનની સીમા હૈદર ભારત આવી રહી છે.આ મુદ્દે પણ જવાબ આપ્યો.
