શનિદેવની પીડા દુર કરવા આ રીતે કરો પીપળાની પૂજા

જો શનિદેવની પીડા અસહ્ય હોય તો પીપળાની પૂજા  સૌથી સરળ અને ખર્ચમુક્ત ઉપાય છે સવારે પીપળાના ઝાડ નીચે જળ અને સાંજે કડવા તેલનો દીવો કરવો. જે લોકોને શનિની સાડાસાતી, અઢી વર્ષની ઢૈય્યા અથવા શનિની મહાદશા, અંતર્દશા, પ્રત્યન્તર્દશા અને શનિ તકલીફ આપી રહ્યા છે તો આવા લોકોએ શનિવારે પીપળાની પૂજા કરવી જોઈએ. શનિદેવને દીવો પ્રગટાવીને તમામ પરેશાનીઓમાંથી મુક્તિ માટે પ્રાર્થના કરવી જોઇએ.

શનિવારની સાંજે પીપળના ઝાડની આસપાસ શનિ મંત્રનો જાપ કરતી વખતે 8 વખત કાચું સૂતર લપેટીને પીપળાના ઝાડ નીચે કાળા તલ મૂકીને ચારમુખી દીવો પ્રગટાવો અને શનિદેવ પાસેથી જાણ્યે-અજાણ્યે થયેલા અપરાધોની ક્ષમા માગો. શનિદેવની પ્રસન્નતા માટે પીપળાના વૃક્ષની સ્તુતિ કરતી વખતે નીચેના મંત્રનો જાપ કરો.

अश्वत्थ हुतभुगवाम गोन्दिस्य सदाप्रिय।
अशेषं हर मे पापं वृक्षराज नमोऽस्तु ते।।

પીપળાના ઝાડ નીચે હનુમાનજીની સ્થાપના

જો પીપળાના ઝાડ નીચે હનુમાનજીની પ્રતિમા સ્થાપિત કરવામાં આવે અને તે પણ દક્ષિણમુખી હનુમાનજી, તો તે વૃક્ષની પૂજા કરવાથી શનિ પીડામાંથી રાહત મળે છે. ઘણીવાર એવું જોવા મળે છે કે પીપળના ઝાડ નીચે એક કે બીજા દેવતાની સ્થાપના કરી દેવામાં આવે છે. પીપળાના ઝાડ નીચે કોઈપણ પ્રકારની ગંદકી ન કરવી જોઈએ. ગરીબીમાંથી મુક્તિ મેળવવા માટે પીપળાના ઝાડ નીચે શિવ પ્રતિમા સ્થાપિત કરો અને તેને નિયમિત જળ ચઢાવો અને પૂજા કરો. ભક્તિ અને શ્રદ્ધા સાથે રુદ્રાક્ષની માળાથી ઓમ નમઃ શિવાય મંત્રની ઓછામાં ઓછી પાંચ માળા કરો, ટૂંક સમયમાં જ પરિણામ દેખાશે.

પીપળા પર રહેલ શક્તિઓ પરેશાનીઓ દૂર કરે છે

શાસ્ત્રોમાં પીપળાના વૃક્ષમાં બ્રહ્મ પિશાચા નિવાસનું પણ વર્ણન કરવામાં આવ્યું છે. જોકે લોકોમાં એક ગેરસમજ છે કે ભૂત પિશાચની વૃત્તિ હંમેશા પીડાદાયક હોય છે. જો આપણે દેવવૃક્ષ પીપળામાં રહેતા બ્રહ્મપિશાચને શુદ્ધ હૃદયથી પ્રાર્થના કરીએ તો આપણી મુશ્કેલીઓ દૂર થઈ શકે છે. આ માટે અમાસની સાંજ પછી દહીં, ચોખા અને સરસવના તેલમાં તળેલા પાપડને કેળાના પાન પર પીપળના ઝાડ નીચે મુકો અને જળ સાથે પ્રાર્થના કરો કે ‘હે આત્મજ! આનો સ્વીકાર કરો.’ પીપળામાં રહેનારી આત્મા ચોક્કસપણે તમારું ઇચ્છિત કાર્ય પૂર્ણ કરશે. આ રીતે પીપળા પર બેઠેલી દિવ્ય અલૌકિક શક્તિઓ પ્રસન્ન થાય છે અને તેમની મદદ મળે છે.

પિતૃદોષ નિવારણમાં પીપળો સહાયક

પિતૃદોષના નિવારણ માટે અને ઋણ નિવારણ માટે પીપળાની સેવા મહત્વની હોવાનું શાસ્ત્રમાં જણાવવામાં આવ્યું છે. પીપળાના પાન પર સિંદૂર અથવા કુમકુમ લગાવીને મંગળવારે વહેતા પાણીમાં છોડવાથી ઋણ મુક્તિનો માર્ગ મોકળો થાય છે. જો માત્ર ભક્તિ અને શ્રદ્ધાની જરૂર હોય તો બીજું કંઈ ન કરો, દરરોજ સ્નાન કર્યા પછી પીપળાના ઝાડને એક લોટો જળ અર્પણ કરતા રહો, તો પણ તેમાં રહેનાર સદ્આત્મા તૃપ્ત થાય છે અને તમને મદદરૂપ થાય છે. પીપળાની સેવા કરનારા લોકોને કોઈને કોઈ ચમત્કારિક લાભ અવશ્ય થાય છે.

ગ્રહપીડામાંથી મુક્તિ અપાવે છે પીપળો

હિંદુઓમાં પીપળાને કાપવો આપણા દુર્ભાગ્યને આમંત્રણ આપવા સમાન છે. પીપળો પથ્થરની દિવાલો પર, કુવાઓની અંદર અને બહાર કોઈપણ ઉછેર વિના ઉગે છે. તેની વિશિષ્ટતા અને ગુણોને કારણે તેને પૂજનીય માનવામાં આવે છે. ગ્રહોની અસર મનુષ્યો પર પડે છે, જ્યારે ગ્રહો વક્રી કે ક્રોધિત થાય ત્યારે વ્યક્તિના જીવનમાં નિરાશા આવે છે. આ નિવારણ પણ પીપળાના વૃક્ષને લીધે દુર થઇ શકે છે. પીપળાની પૂજા કરવાથી અશુભ ગ્રહોની પીડામાંથી મુક્તિ મળે છે અને અખંડ સૌભાગ્યની પ્રાપ્તિ થાય છે.

આ પણ વાંચોઃ તુલસીના છોડને લગતી આ ભુલો ક્યારેય ન કરતા